ئەمڕۆ 3شەممە، بەڕێز سەرۆکی شارەوانی سلێمانی; بە بەشداریی بەشێک لە ئەندامانی ئەنجومەنی شارەوانی و لێپرسراوی بەشە پەیوەندیدارەکانی سەرۆکایەتی شارەوانی سلێمانی.. بەردی بناغەی دوو یەکتربڕی لە باخی بەختیاری دانا; کە پێکهاتووە لە دروستکردنی دوو ”ئەندەرپاس” لەژێر شەقامی سەرەکیی ”#سلێمانی#-تاسلوجە”، کە یەکەمیان لە ئاستی شەقامی چەق چەق، دووەمیان لە ئاستی شەقامی ڕۆشتوو، بۆ خانوەکانی مامۆستایانی زانکۆ... ئەم یەکتربڕە دەبێتە هۆی چارەسەرکردنی کێشەی (U-turn) ی نزیک باخی بەختیاری و، سەربەستکردنی هاتوچۆی شەقامی ” سلێمانی- تاسلوجە” و بەیەک گەیاندنی شەقامی سلێمانی- تاسلوجە، بە ئاڕاستەی ڕۆشتن و سودمەندبوونی گەڕەکەکانی (ئاوبارە، ئاشەسپی، زانکۆ، نالی، شەهیدان، پێشەوا، کۆستەی چەم)، هەروەها چەند گەڕەکێکیتر. جگە لەمانە گەڕەکی قلیاسان و #زانکۆی سلێمانی#، بەو گەڕەکانەی باسکران... بەمەش دەبێتە هۆی کەمکردنەوەی ڕووداوی هاتوچۆ و قەڕەباڵغی، لەسەر شەقامی سەرەکیی سلێمانی- تاسلوجە و بەرزکردنەوەی توانای شەقامەکە و باشترکردنی ئاستی خزمەتگوزاریی شەقامەکە.
لەگەڵ ڕێزی #لەیلا عومەر#
سەرۆکایەتی شارەوانی سلێمانی. [1]
16-08-2022
Ev babet bi zimana (کوردیی ناوەڕاست) hatiye nvîsandin, klîk li aykona
bike ji bu vekirina vî babetî bi vî zimana ku pî hatiye nvîsandin!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Ev babet 601 car hatiye dîtin