مناڵ بوون و شەوارە
جاران که له ناوچە ی دزەییان منداڵێک دەبوو خزم و کەس منداڵەکه نۆبەتداریيان بۆ دادەناوە، به دیار منداڵەکەوە دادەنیشتن تا له شەوە و دایکی ئاڵ بیپارێزن و ئەم کارەشيان حەوت شە وی دەخاياند، خەنجەر و قورئانیان لەلای سەری منداڵەکە دادەنا و دەرزییەکيان له قۆنداخەی مەڵۆتکەکەی هەڵدەچنی، چەند خزم و کەس له گەنج و پیاوی پير تا بەيانی به درێژایی شەو نە دەنووستن و ئەو کاتەشيان به چيڕۆکی خۆش و لاوک و حەيران گووتن و به گێڕانەوەی داستان و هێنانەوەی قسەی نەستەق و پەندی پێشینان و مەتەڵ بەسەر دەبرد و به دەم ئەو چيڕۆک و داستان و لاوک و حەيران و پەندانەشەوە گوێز و بادەم و مێوێیان دەخوارد و له دواییشدا ساماوەر جۆش دەدرا و چاخواردنەوە دەستی پی دەکرد، ئێمه منداڵ بووين که گۈێمان لەو دەنگە خۆشانە و لەو چیڕۆکە پڕ مانايانە دەبوو، تام و چێژێکی زۆرمان لی وەردەگرت. [1]