(کۊسەو هەجیجی) بەڵگێوەن پەی مۊسڵمانبیەی خەڵکو .هۆرامانی جە سەرەتاو ئامای ئیسلامیۆ
باسو خواسو ئانەی کە خەڵکو هۆرامانی جە سەرەتاوە ئیسلامش قبوڵ نەبیەن و دماتەر موسڵمان بیەن (دمای ششسەڎ ساڵا ) جە کتېبە مېژووییەکانە موینیۊ.
هەرچن زانیاری ئەچامنە هیچ بەڵگێوە وەڵینی و ویەردەش نیەن. تەنیا بەڵگێوە کە پەشتیش پەنە بەسا دەسەواچێوە کۊنی ناوچۆ هۆرامانیا ئەپېسە (جەمعێ جە هۆرامیەکا باسو ویەردەو وەڵینو وېشان مەکەران، یۊشا مەپەرسۊ پیێوە پیرو ڕیش چەرمەی ماچۊ ئەرۍ لالو قرونی (قورئان) قەڎیما یام ماریفەت و پیرشالیاری؟ ئاڎیچ ماچۊ ماریفەت و پیرشالیاری قەڎیما، قرونی هیزی گۊشایشە کۊرۍ ئاوەردەن. (گۊشایېش ) ئەشناسیا بە مەولانا گۊشایېش کۊڕو پیر محەمەڎ و هۆرامین (بابا مەردۆخ) ، ساڵەو 790 ی کۊچی ئامان دنیاوە، دمای مەردەی تاتەیش نامبانگێ سەرانسەری بەرکەرۊو خزمەت بە عیلم و دینی مەکەرۋن . یانی مەولانا گۊشایېش ئەوەڵین کەس نەبیەن ئیسلامش وەڵا کەردەنۆ، چونکم تاتەیچش زانێوە نامدارو گۆرەبیەن .
مەولانا گۊشایېش تازەکەرو (مجدد) دینو ئسلامی بیەن نەک ئەوەڵین کەس کە ئیسلامش وەڵاکەردەبۊوە.
دمای مەردەیچش کوڕێوەش چەنە جیامەنۊ بەنامۍ (مەڵڵا عەباس) کە باباو قازیەکا هۆرامانیەن.
بەڵگەو دوۍ کۊسەو هەجیجیەن.
کۊسەو هەجیجی نامېش (سەید عوبەیدوڵڵا) کۊڕو ئیمام موسای کازمین، سەڎەو دوۍ کۊچینە جە سەردەمو خەلافەتو هارونە ڕەشیدینە پەناش ئاردېنە پەی هۆرامانی و جە دەگاو هەجیجینە نیشتەجا بیەن!
کەسایەتیێ ئەچامنە چەنی پەنا مەبەرۊن پەی یاگێوە کە هەڵای ئیسلامش چەنە وەڵا نەبیەنۆ و خەڵکەکەش سەرو دینێ تەرینۍ؟
دماتەر خەڵکو هۆرامانی و هەجیجی ڕېزێ فرەشا گېرتەن و بە کەسێ مۊبارەکشا زانان؟.
[1]