ناو: بیلال
نازناو: بیلال شەقڵاوەیی
ناوی باوک: محەمەد
سالیی لەدایکبوون: #1967#
ڕۆژی شەهیدبوون: #26-09-1998#
شوێنی لەدایکبوون: #هەولیر#، #شەقلاوە#، گوندی بەرەکە
شوێنی شەهیدبوون: #سیدەکان#
[1]
$ژیاننامە$
مێژووی پەیوەندیکردن: 1993
مێژووی بەشداربوون: 1995
. لە ساڵی 1996-1997 لە ژێر سەرپەرشتی ڕێبەر ئۆجەلان لە ئەکادیمیای ناوەندی #پەکەکە# بەشداری خوولێکی پەروەردەی هزری - ئایدیولۆژی و سیاسی کردووە.
. 1997 بەرپرسی ژووری پەروەردەی سیاسی و سەربازی شەرڤانانی نوێ بووە.
. 1997-1998 فەرماندەی (بلۆک)ی هێزەکانی گەریلا بووە
. مێژوو و شوێنی شەهیدبوون: 26-9-1998 / سیدەکان
شەهید بیلال خاوەن کەسایەتییەکی بەرزی کاریزما و سەرکردەیەکی مەیدانی و ستراتیژی بوو. پەیوەستی هزری ڕێبەر ئۆجەلان و ڕێبازی شەهیدان بوو. قووڵبوونەوە لەم کورتەیە نامەیەی خوارەوە کە لەلایەن شەهید بیلالەوە نووسراوە، دەتوانرێت کەسایەتییە تێکۆشەر و گەورەکەی بناسرێت.
نامەیەک لە شەهید بیلالی فەرماندەوە:
ژیان شتێکی زۆر گران بەهایە، بۆیە خەبات لەپێناویدا ئەرکێکی مرۆڤایەتیمانە و هەم کارێکی پیرۆز و شەرەفمەندانەیە.
بەڕێزان وەکو دێتەزانین مرۆڤ کە لەدایک دەبێ لەسەر پارچە خاکێکە ئەویش پێی دەڵێن (نیشتمان)، هیچ مرۆڤێک نییە لەسەر گۆی زەوی پارچە زەوییەکی یان نیشتیمانی نەبێت، دیسان مرۆڤ دەمێ لەدایک دەبێ بە سەربەستی لەدایک دەبێ، بۆیە پێویستە بە ئازادیش بژی. هەر میللەتێک زمان و مێژوو و عادەت و عورف و جوگرافیای وڵات و کولتوور و دەسەڵاتی خۆی هەیە. لەسەر نیشتمانی خۆیدایە و شانازیشی پێوە دەکات و هیچ لە کەیەکیش نییە و بەسەربەزریش تەمسیلی دەکەن و بەو ڕەنگەش بەشداری لە شارستانی مرۆڤایەتی دەکەن و هەرکەسێکیش لەو ڕێگەیەدا وەزیفەی مرۆڤایەتی خۆی پێک دەهێنێ. تەنیا گەلی کورد نەبێت دوورکەوتۆتەوە لە ڕۆحی نەتەوایەتی و بێ بەش کرایە لە مافە ڕەواکانی، حوکمی داگیرکاری ڕۆح و هەست و سۆز و غەریزە و عەشق و دڵی مرۆڤی گۆڕیوە و شتە هەرە بەنرخەکانی لا هەرزان کردووە: وڵات - نەتەوە - مرۆڤ - شەهید - سەرۆک - زمان - مێژوو - عورف، ئەوانە لای کوردان لە هەراجخانەدا زۆر هەرزانفرۆش کراون، بەڵام وا ویژدان ڕادەبێتە سەرپێ و دەقیژێنێ، دڵ لە نوێ حەز و عەشق و سۆز وەکو خونچە سەردەردێنێ، ڕۆح وەکو چیمەنی ئاودراو لەنجە دەکا و خۆی دەهەژێنێ، ئەو ڕۆحەش ئۆجەلانە.
پەکەکە ئەوەی ئیسپات کردووە ژیان بەشەڕ دەستی پێکردووە و بەشەڕ پێشکەوتووە و بەشەڕیش دەگاتە ئەنجام. ئیمڕۆ ئەسحابە و فریشتەکانی پەکەکە تەنانەت ئامادە نین بێکار نەفەسێکیش بستێنن. لە سایەی خەبات و جیهادی گەریلایە ئیمڕۆ کورد ڕادەبێتە سەرپێ.. ها سەیرکەن بۆ ئێوە نابینن، وەرن تێکەڵی شۆڕش بن با کوردستان بگوازینەوە.. ئەوە ئەرکێکی نیشتیمانی و ئایینی و نەتەوایەتیمانە و هەم هەقێکی مەشروعی ژیانی ئێوەشە..
لەگەڵ سڵا و حورمەتی شۆڕشگێڕانە
بیلال 5-6-1998
تێبینی: ئەم نامەیە کورتەیەک بوو لە یەکێک لە نامە دەست ڕەنگینەکانی شەهیدی ڕووناکبیر و سەرکردە هەڤاڵ (بیلال شەقڵاوەیی) کە سێ مانگ بەر لە شەهید بوونی ئاراستەی کەس و کار و دۆستانی کردبوو.
نەمری و سەربەرزی بۆ شەهیدی گیانفیدا سەرکردە و فەرماندار هەڤاڵ بیلال شەقڵاوەیی و سەرجەم شەهیدانی ڕێگای ئازادی.