بابەت: هەڵبەست
نووسین: #سەیدی هۆرامی#
ئەم هۆنراوەیە، دەچێتە خانەی ڕېبازی ئەدەبی کلاسیکی کوردییەوە، شاعیر بەشێوەزاری گۊرانی- هۆرامی هۆنراوەکەی نووسی وە:
لە ڕووی ڕووخسارەوە ئەم تایبەتمەندییانەی هەیە:
1- بەکېشی عەرووزی عەرەبی نووسراوە.
2- هەموو هونەرەکانی ڕەوانبێژی بە پێی پێویستیی هۆنراوەکە، تێدا بەکارهاتوە. (بەکارهێنانی وشەیەک، بۊ زیاد لەواتایەک).
3- سەروای یەکگرتوە پەیڕەوکراوە، واتە (یەکێتی سەروای پاراستییەوە)
4- یەکێتی بەیت و بابەتی پاراستوە. واتە هەموو هۆنراوەکە وایەکی هەیە و هەر دێڕەش واتای تایبەتی خۆی هەیە.
5- وشەی بێگانەی تێدا بەکارهاتوە، بە تایبەت وشەی (عەرەبی، فارسی و تورکی).
6- دووبارەکردنەوەی نازناوی شاعیر لە دوا دێڕدا، یا پېش دوا دێڕی هۆنراوەکە.
$هارە سەختەنی$
هارە سەختەنی، هارە سەختەنی
تۆ خۊ کەم قیمەت، سەنگی سەختەنی
چی بوڵەند ئیقباڵ، ساحێب بەختەنی
یار ئاما وەلات، جەهدو جەختەنی
تراشیدەی دەست سەر ئوستادی باش
جەستەت پوڕ زەخم قوڵنگەی سەنگ تاش
یادگار ئۊسای قەدیم زەمانان
دەس ئاسی دەس کېش خیاتەی خانان
چمان تاشېیای تێشەی فەرهاد بێ
دەستت جە نەمام دارای شمشاد بێ
ئارۆ قیبلۆ من بە لەنجە و لارە
تەشریفش وەلای تۊ ئامان، هارە!
شیرینەن نیشتەن دانە مەدۆ پېش
هارەش هار کەردەن دەور مەدۆ نەوېش
مەگېڵۆ بە دەو چوون چەرخی چەپگەرد
هەیاهووش گەرمەن مەناڵۆ جە دەرد
دوو لیمۆی وەش بۊش تەرحی شەمامە
جمە جمشانە نە یەخعەی جامە
کەس چوون تۊ ئازیز جەلای یار نەبی
هارە چی وەشی سا چی هار مەبی
تای تووڕەی زوڵفان سیای عەنبەر بۊ
سەر ئاوێز کەردەن تاکو وەبانی تۆ
دەخیلەن دەستت بە دەستی یارەن
پەنجەش ڕېش نەبۊ، هارە هاوارەن
شیرین بە سەد ناز مەکېشۆ دەستە
دانە مەدۆ پېت چوون ئاوات واستە
دانەش مەسانی چوون ستەمکاران
مەکەریش وە گەرد توتیای شاران
تاقەت شی جەلام واتم ئەی هارە
بە مەودای ئەڵماس بای پارە پارە
تۆ دەستی شیرین دەستە کېشتەن
ئاواتت بڕیان، ناڵەی چېشتەن!
تۆ پەنجەی شیرین کەفتەنت وەسەر
چی ساڕېش نەبی زامانی خەتەر
با من بناڵوو ڕوان تاکو شەوان
زەدەی هیجرانم، دەردم بێ دەوان
هارەی هەراسان، هەردەی هەردە گېڵ
کەم دەور دە نە وېت چوون دېوانەی وێڵ
ئانە شیرینەن دوڵبەر، دوڵستان
دڵ چێت مەسانۆ بە مەکرو داستان
بە بەین و بە قاش هیچ مەبە خەرە
جەفاش سەد بارەن، وەفاش یەک زەڕە
چەنی کەس تاکو سەر هەرگیز یار نېیەن
یاری ساحێب شەرت وەفادار نېیەن
کاتێ مەزانی هۊر ئێزا بە قەس
چوون بێ بەینەتان جە تۆش کېشا دەس
شی بە ماوای وېش تەشریف بەردەوە
تۆش ئاستی وەلای داخ و دەردەوە
کۆتایی سەداو نەعرەتە و دەنگت
بێ قیمەت گنای، کەساس بی سەنگت
بە دڵەی پوڕ سۆز مەینەت بارەوە
پېچیای بە دەرد دووری یارەوە
ئۊسا چەنی زام بێ دەوای خەتەر
مات مەبی بێ دەنگ، جە سەیدی بەتەر
[1]