بابەت: هەڵبەست
نووسین: #سەیدی هۆرامی#
ئەم هۆنراوەیە، دەچێتە خانەی ڕېبازی ئەدەبی کلاسیکی کوردییەوە.
لە ڕووی ڕووخسارەوە ئەم تایبەتمەندییانەی هەیە:
1- بەکېشی عەرووزی عەرەبی نووسراوە.
2- هەموو هونەرەکانی ڕەوانبێژی بە پێی پێویستیی هۆنراوەکە، تێدا بەکارهاتوە. (بەکارهێنانی وشەیەک، بۊ زیاد لەواتایەک).
3- سەروای یەکگرتوە پەیڕەوکراوە، واتە (یەکێتی سەروای پاراستییەوە)
4- یەکێتی بەیت و بابەتی پاراستوە. واتە هەموو هۆنراوەکە وایەکی هەیە و هەر دێڕەش واتای تایبەتی خۆی هەیە.
5- وشەی بێگانەی تێدا بەکارهاتوە، بە تایبەت وشەی (عەرەبی، فارسی و تورکی).
6- دووبارەکردنەوەی نازناوی شاعیر لە دوا دێڕدا، یا پېش دوا دێڕی هۆنراوەکە.
$عەرزە داشت بەندەی دڵمەند و ڕەنجوور$
عەرزە داشت بەندەی دڵمەند و ڕەنجوور
سەیدی دامی عشق، بە سەیدی مەشهوور
جە ژەهراوی عەشق شەربەت چەشیدە
هەرگیز شادی و زەوق بە چەم نەدیدە
خەستەی پەشێو حاڵ پێکیای زامەت
خەمناک و خەمبار دایېم خەم قامەت!
نە جامی هیجران سەد هووناو وەردە
تەرکی وەفاو بەین هەرگیز نەکەردە
دەرد زەدە و هەردەی ئەحبابی شەریف
ڕەندی نازداران «زوڵێخا»ی زەریف
خاتر جە «شیرین»، زەریفتەر جە «لەیل»
یاری دڵ ئازار، کەم وەفای بێ مەیل
عەرزە جە مەزموون، عەرزە حاڵمەن
ئێدەن گوڵ جەمین، سۆسەن خاڵمەن
ئەوەڵ بە ئیخلاس سەوگەندان وەردە
ئاخر شەرت و بەین تاکو سەر نەبەردە
هەرگاه جە ڕووی لوتف زوڵفان عەنبەرین
ئەر پەرسی ئەحواڵ بەندەی کەمتەرین...
جەلات مەعلووم بۊ سەڵوی خەرامان
جە هیجرانی تۊ کارێ پێم ئامان...
زەعیف و زەبوون زەعفەران ڕەنگم
چوون نەقشی دیوار دایېم بێ دەنگم
شەو ڕۊ گریان دیدە نمینم
بە دڵ سیا پۊش، قامەت خەمینم
جە تێغی هیجران سینە سەد چاکم
ئیفتادە و بێ ناز، خەڵتانی خاکم
بێ تۊ زیندەگیم چوون ژەهری مارەن
دونیا نە دیدەم چوون شەوی تارەن
مەعلووم بۊ جە لات نەونەمام وەش بۊ
سەیدی جە فیراق دووری باڵای تۆ...
حاڵش بەد تەورەن، بە ئایەی کەلام
ئیختیار بە دەس تۆن، باقی «وَالسَّلام»
[1]