بابەت: هەڵبەست
نووسین: #سەیدی هۆرامی#
ئەم هۆنراوەیە، دەچێتە خانەی ڕېبازی ئەدەبی کلاسیکی کوردییەوە، شاعیر بەشێوەزاری گۊرانی- هۆرامی نووسی وە:
لە ڕووی ڕووخسارەوە ئەم تایبەتمەندییانەی هەیە:
1- بەکېشی عەرووزی عەرەبی نووسراوە.
2- هەموو هونەرەکانی ڕەوانبێژی بە پێی پێویستیی هۆنراوەکە، تێدا بەکارهاتوە. (بەکارهێنانی وشەیەک، بۊ زیاد لەواتایەک).
3- سەروای یەکگرتوە پەیڕەوکراوە، واتە (یەکێتی سەروای پاراستییەوە)
4- یەکێتی بەیت و بابەتی پاراستوە. واتە هەموو هۆنراوەکە وایەکی هەیە و هەر دێڕەش واتای تایبەتی خۆی هەیە.
5- وشەی بێگانەی تێدا بەکارهاتوە، بە تایبەت وشەی (عەرەبی، فارسی و تورکی).
6- دووبارەکردنەوەی نازناوی شاعیر لە دوا دێڕدا، یا پېش دوا دێڕی هۆنراوەکە.
$شەماڵ$
ەماڵ مەگېروو وەنەت نزایێ
ئەر بە نزاو من ببۆت ڕەزایێ
تاقەت چێم بڕیان نەمەندەن تابم
هوون مەشۆ نە جەرگ کزەی کەبابم
یەک شەو بای شەماڵ وەر جە سوب سەحەر
بە دەوان وەلای قیبلەم گوزەر کەر
وەلێ لوانت بەی تەور بە دەو بۊ
شۆ وەلای شیرین، هېمان نە خەو بۊ
پەردەی ناز جە ڕووش بدەر وەلاوە
بۆسە دەر بە قورس قەمەر سیماوە
چین چین دەستەی زوڵف خەم وەردەی جەمین
پەرچین نە دەوران گوڵ باغچەی جەمین
مازە پەشێویان بە ڕووش وە هەمدا
نەک پێوار بۊ مانگ نە دڵی تەمدا
چوون نووری ئیمان نە ڕووش مەدرەوشۆ
با زوڵماتی کوفر ئیمان نەپۊشۆ
وەختێ بای شەماڵ پەرەندەی تیژ ڕەو
شیرین دیدە مەست هۆرمێزۆ جە خەو
جەودەم بە ئیکرام وەنەش سەڵام کەر
عەرزو حاڵی من پەنەش تەمام دەر
شەماڵ وېت کەرە بە زوانوو من
واچە بە شیرین، سۆی چەمانوو من
من قاسید جەلای دەردەارێوەم
کیاستەی دڵی بێ قەرارێوەم
پەی تۊ سەیلی هوون مەشۆ جە چاوش
پەی تۊ جە چاوان دوور کەوتەن خاوش
پەی تۊ بێ ئارام سەرسام و لێوەن
تەن زامی خەدەنگ موژەی تۆش پێوەن
پەرسە شیرینێ مەیل ئېمەش لاوەن؟
یا جە شەرتی وېش چوون زوڵفی خاوەن؟
پەی سەیدی مەرگەن بەبێ یار ژیان
مازە بای شەماڵ بسپارۆ گېیان
[1]