بابەت: هەڵبەست
نووسین: #سەیدی هۆرامی#
ئەم هۆنراوەیە، دەچێتە خانەی ڕېبازی ئەدەبی کلاسیکی کوردییەوە.
لە ڕووی ڕووخسارەوە ئەم تایبەتمەندییانەی هەیە:
1- بەکېشی عەرووزی عەرەبی نووسراوە.
2- هەموو هونەرەکانی ڕەوانبێژی بە پێی پێویستیی هۆنراوەکە، تێدا بەکارهاتۊوە. (بەکارهێنانی وشەیەک، بۊ زیاد لەواتایەک).
3- سەروای یەکگرتۊوە پەیڕەوکراوە، واتە (یەکێتی سەروای پاراستییەوە)
4- یەکێتی بەیت و بابەتی پاراستۊوە. واتە هەموو هۆنراوەکە وایەکی هەیە و هەر دێڕەش واتای تایبەتی خۆی هەیە.
5- وشەی بێگانەی تێدا بەکارهاتۊوە، بە تایبەت وشەی (عەرەبی، فارسی و تورکی).
6- دووبارەکردنەوەی نازناوی شاعیر لە دوا دێڕدا، یا پېش دوا دێڕی هۆنراوەکە.
$دوڵبەر$
دوڵبەر دڵ ئەستانای جە من، شەرت ئی دڵستانی نیۆ
جەورش مەدەی، ڕەنجش مەکەر، خۊ کافرستانی نیۆ
شەرتەن بکېشۆ دڵ جەفات، با یادگار مانۆ جە لات
تۆ بۊت نە دڵ، خۆفی خودات، خۊ کافرستانی نیۆ
ئامام نە ڕات پی جەستەوە، گېرەم سڵۆم چیت نەستەوە
پی حاڵی جەستەی خەستەوە، خۊ کافرستانی نیۆ
هەی نەونەمامی باغی دڵ، پەی تۊ سیان بەیداخی دڵ
سا مەرهەمێ پەی داخی دڵ، خۊ کافرستانی نیۆ
هەی ڕەندێ توحفێ نازەنین خاڵت جە عەنبەر، گوڵ جەمین
سا مەرهەمێ، دەر پەی برین، خۊ کافرستانی نیۆ
بیمارو تۆم، حۆرو پەری، ئەر خواهێشەن، ئەر سەر سەری
شەرتەن عەیادەتمان کەری، خۊ کافرستانی نیۆ
دادم پەنە، چڵێ و «ڕیۆن» قیمەتشەنە، سۆنەم گیۆن
چی مامەڵە مەگنەم زیۆن، خۊ کافرستانی نیۆ
وێڵ وێڵ مەگېڵام کۊ بە کۆ، دەردم گران بێ ڕۊ بە ڕۊ
سا حاڵ و دەردیم پەرسە تۆ، خۊ کافرستانی نیۆ
تەرک و وڵاتیت کەردمۆ، ژاراو دووریت وەردەمۆ
پەرسە بە حاڵی دەردەمۆ، خۊ کافرستانی نیۆ
عوریان و کەڵپۊش، شەیداو بېیابان گېڵەنۆ
دا پەرسە پەی کێ وێڵەنۆ، خۊ کافرستانی نیۆ
ئەر شەرت و بەینت ویرتەن، خۆف و خواو پیرتەن
بۆ لام، ئەرچی دێرتەن، خۊ کافرستانی نیۆ
یام بارە تەشریف یانەمۆ، یا دوورۆ پەرسە حاڵمۆ
تەرسە هەناسەی کاڵمۆ، خۊ کافرستانی نیۆ
قەومان، خوېشان، هامسەران، لۆمە و مەنامان چی کەران؟!
خاسەن تەئەسوفمان وەران، خۊ کافرستانی نیۆ
سەیدی گرانۆ ئەلویداش، هیجران مەدۆ هەردەم جەفاش
هەی پەی خوای بەیدۍ وەلاش، خۊ کافرستانی نیۆ
[1]