ڕیشی لەسەر دانا
ڕیش و چەناگە لە دەم و چاوی مرۆڤدا بەیەکەوە لکاون، چەناگە جەمسەری شەویلاگەیە لەخوار دەمەوە، توانای جولاندنی هەیە، ڕیش مووی سەر شەویلاگهیە ، ئه و پەیوەستیە وایکردووە هەردوو کیان(ڕیش و چەناگە) لە ئیدیۆمێکدا بە هەمان مانا بەخشین بەکاربهێنرێن لە نێوان دوو ناوچەی وراتی کۆیە، خۆشناوەتی دەڵێت: چەناگەی لەسەر دانا، لە ڕۆژئاوای وراتی کۆیەش لە گوندی مام قلینج-ەوە تاوەکو گوندی کانی کەوان دەڵێن: ڕیشی لەسەر دانا، سەر لەقاندن و ئاماژەکردن بە ڕیش و چەناگە بۆ دیاریکردنی ماوەی دووری و نزیکی شوێنێک، مانا ڕاستەقینەکەی هەردوو ئیدیۆمەکەیە، وەکو مەبەستی ئیدیۆمیش: کاتێک کەسێک پرسیار سەبارەت بەشوێنێک دەکات، ئەوەی وەڵامی دەداتەوە زۆر بەئاسانی بە سەر لەقاندن ئاماژەیەکی خێرا دەکات و دەڵێت: ئەوەتانێ نزیکە لە پشتی ئه و گردەوە گوندەکەیە، بەڵام ئه و کەسەی بۆ گوندەکە دەچێت زۆر دەڕوا هەر ناگاتە گوندەکە، ئینجا بەگوزارشت و تەوس و نیگەرانیەوە دەڵێت: پەکوف کورە خۆ کابرا ڕیشی لەسەر دانا یان چەناگەی لەسەردانا، واتە: بە هەڵەی بردین و هەڵەتەی کردین و ڕاست دەرنەچوو. [1]
دون هذا السجل بلغة (کوردیی ناوەڕاست)، انقر علی ايقونة
لفتح السجل باللغة المدونة!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
تمت مشاهدة هذا السجل 676 مرة