کەر و کورتانیان دەردێنێ
لەکوردەواریدا هەندێ ئیدیۆم بۆ ناوهەڵدان و ناسینەوە و سەرناسی و لەدوورەوە ناسینی کەسان بەکاردەهێنرێن، بۆ نمونە ئەگەر کەسێک لەدوورەوە بەره و ئاوایی و ناودێ بێت، ئەوا ئه و کەسانەی لەبەربەڕۆچکی مزگەوتی گوندەکەدا دانیشتوون، هەر بابا یەی ناونیشانی کەسێک هەڵدەدات، ئەگەر کەسێک لەوان ناوهەڵدانەکەی تەواو بوو، ئەوا ئامادەبووەکان دەڵێن: قونیت دڕی واتە: ناونیشان هەڵدانەکەت پێکای، ئینجا ئەگەر ئه و کەسە زیاتر لەسەری بدوێ و زانیاری زیاتر لەسەر کەسەکە بدات ئامادەبووان دەڵێن: قوڕی بنیت دەرهێنا، له و ئیدیۆمەی سەرەوە(کەر و کورتانیان دەردەهێنێت) هاوشێوەی(قون دڕین و قوڕی بن دەرهێنانەکە)یە، چونکە هەڵوەشاندنەوەی(کورتان-کۆپان-پاڵان) کە پڕیەتی لە(پوش) ئاسان نییە، ئه و پوشەی کە کورتاندروو بە کۆپان ئاخن ، شیشێکە بۆ پەستانەوە و ئاخنینی پوشەکە بۆ ناو کورتانەکە توند ئاخنیویەتی بە درێشە و شوژن و داو و بەن، هەڵبەت تەتەڵەکردنی ئه و کورتانە کارێکی ووردە و مرۆڤێکی شارەزایی دەوێت بۆ ئەنجامدانی و ناسینی کەر و وڵاخەکە و کورتانەکەی، بۆیە ئەگەر کەسێک وورد و درشت زانیاری لە سەر کەسێک و خانەوادەکەی هەبێت بەگاڵتەوە دەوترێت: بەخوا کەر و کورتانیان دەردەهێنیت ئەوەندە شارەزاییت.[1]
Dette produktet har blitt skrevet på et språk (کوردیی ناوەڕاست), klikk på ikonet
for å åpne elementet på originalspråket!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Dette produktet har blitt sett 923 ganger