دەقی ڕاگەیەندراوەکەی #وەزارەتی پێشمەرگە#:
وەزارەتی پێشمەرگەی حکومەتی هەرێمی کوردستان، سەرکۆنەی توندی ئه و پەلامارو دەستدرێژیانەی سەر شاری هەولێری پایتەخت دەکات، دووپاتی دەکەینەوە ئەمە دەستدرێژییەکی ئاشکرایە بۆ سەر ئاسایش و سەقامگیری و پێکەوە ژیانی پێکهاتەکانی ناوچەکە. پەلامار و هێرشی له و شێوەیە، ئیرادەی گەلی کوردستان لاواز ناکات و بە ئیرادەی پۆڵاینی پێشمەرگانەوە ڕووبەڕوی مەترسی و هەڕەشەکان دەبینەوە.
هێزی پێشمەرگەی کوردستان، خوازیاری پاراستنی ئاشتی و ئارامی ناوچەکەیە، خەباتیشی بۆ بەرگریکردنە لە خاک و خەڵکی کوردستان و ناوچەکە. لەمڕوانگەیەشەوە: داوا لە کۆمەڵگەی نێودەوڵەتی و حکومەتی عێراقی فیدڕاڵ دەکەین، کاری جددی بکەن لەسەر ئه و پەلامارو هەڕەشانە .
نیگەرانین بە ڕووداو و پەلاماری له و شێوەیە، هەر هێرشێک بۆ سەر هاوپەیمانان و دۆستانمان بکرێت، بەهێرش و پەلاماری سەر پێشمەرگە و خەڵکی کوردستانی دەزانین، هێزی پێشمەرگە لەهەرێم، هاوشان لەگەڵ هێزە هاوپەیمانەکان و سوپای عێراق ئەرکی ئەولەویەتی ئێستایان ڕوبەڕوبونەوەی #داعش# و ڕاوەدوونان و تێکشکاندنیانە.
سەلامەتی و پاراستنی ئاسایشی هەرێم، بەئەرکی ڕاستەقینەی سەرشانی خۆمانی دەزانین، له و ئەرکەش درێخی ناکەین.
وەزارەتی پێشمەرگەی حکومەتی هەرێمی کوردستان
13ی ئاداری 2022[1]
⚠️ تێبینی: ئەم بابەتە بە ڕێنووسی سەرچاوەی ئاماژە پێکراو نووسراوە، کوردیپێدیا هیچ دەستکارییەکی نەکردووە!
This item has been written in (کوردیی ناوەڕاست) language, click on icon
to open the item in the original language!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
This item has been viewed 1,375 times
Write your comment about this item!