پەیامی بزوتنەوەی نوێبوونی کوردستان بەبۆنەی دەهەمین ساڵیادی دامەزراندنیەوە
جەماوەری دلسۆزی کوردستان....
دۆست و کادیرو ئەندام و لایەنگرانی #بزووتنەوەی نوێبوونی کوردستان#.
دە ساڵ بەر لەئێستاو لەڕۆژێکی وەکو ئەمڕۆدا لەڕێکەوتی(05-03-2012) بزوتنەوەی نوێبوونی کوردستان وەک بزوتنەوەیەکی سیاسی نیشتمانی بەدرۆشمی سەربەخۆیی و دادپەروەری و پێکەوەژیان لەلایەن کۆمەڵێک تێکۆشەر دامەزرا، کەهاوکات بوو لەگەڵ ڕۆژی سەرهەڵدانی گەلی تێکۆشەری کوردستان. بەبۆنەی ساڵیادی ڕاپەرینی پیرۆزو ساڵیادی دامەزراندنی بزوتنەوەی نوێبوونی کوردستان گەرمترین و جوانترین پیرۆزبایی خۆمان ئاراستەی گشت چین وتوێژە جیاوازەکانی گەلی کوردستان دەکەین و ئومێدی سەرکەوتنی بەردەوام بۆ گەلە قارەمانەکەمان دەخوازین. هەر بەم بۆنە پیرۆزەوە سڵاو بۆ گەلەکەمان و بنەماڵەی سەربەرزی شەهیدان و هێزە شۆڕشگێڕەکانی کوردستان دەنێرین و جەخت لەسەر ئەوە دەکەینەوە کەبزوتنەوەی نوێبوون وەک هەمیشە پاڵپشتی و پشتگیری خۆی بۆ گەلی دلسۆزو قارەمانی کوردستان دووپات دەکاتەوەو لەسەنگەری پێشەوەی خەبات و تێکۆشاندا بەردەوام دەبێت.
جەماوەری تێکۆشەری کوردستان
لەکاتێک دا یادی بزوتنەوەی نوێبوون دەکەینەوە، (کوردستان و ڕۆژهەڵاتی ناوەڕاست و جیهان) بەقۆناغێکی زۆر هەستیارو مەترسیدار تێپەڕدەبێت و لەسەر هەموومان دەخوازێ بەیەکگرتوویی و یەکگوتاری و یەکێتی و تەبایی و یەکهەڵوێستی نەتەوەییمان گشت پیلان و پیلانگێڕیەکان پوچەڵ بکەینەوەو بەهەر نرخێک بێت ئەزموونی گەلەکەمان بپارێزین و گیانی تەبایی و یەکڕیزیی بەهێزترو پتەوتر بکەین و گەشەی زیاتری پێ بدەیین و بەرەو پێشەوە هەنگاوبنێین.
جەماوەری تێکۆشەری کوردستان
قەیرانەکان و کێشە سیاسییەکان دۆخێکی سەختی بێ کاری و کێشەی کۆمەڵایەتی و دەروونی و تەندروستی دروست کردووە، بەردەوام بوونیان دوور نیە دۆخێکی نەخوازراوی لێ سەر هەڵبدات، کەکۆنتڕۆڵکردنەوەی ئەستەم دەبێت و ڕەنگە ببێتە هۆکارێک بۆ لەنێوچوونی ئەزموونەکەمان کەملیۆنان شەهیدمان بۆی کردۆتە قوربانی و ڕووبارێک خوێنمان بۆی ڕشتووە.. ڕوودانی ئەمەش کاریگەری زۆر خراپی دەبێت بەسەر جوڵانەوەی ڕزگاریخوازی گەلەکەمان لەتەواوی کوردستان، بەتایبەتی لەو بارودۆخەدا کەئەمرۆ هەرێمی کوردستان بووەتە هیوا و ئومێدێک بۆ سەرخستنی شۆڕشی گەلەکەمان لەتەواوی کوردستان بۆیە داواکارین لە حکومەت بەزووترین کات هەنگاو بەرەو چاکسازی ڕاستەقینە بنێن و چیتر نەیەڵێن گەلەکەمان بێ ئومێد ببێت و گەنجەکان کوردستان بەجێ بهێڵن و بەرەو هاندەران کۆچبکەن.
جەماوەری دلسۆزی کوردستان
بزوتنەوەی نوێبوون پاڵپشتی تەواوی خۆی بۆ پەرلەمان و حکومەت و یاسای چاکسازی حکومەتی هەرێمی کوردستان دووپات دەکاتەوە کەبەدەستکەوت و هەنگاوێکی باش وەسفی دەکات لەپێناو ڕیشەکێشکردنی گەندەڵی و گەندەڵکاران.
پارت و لایەنە سیاسیە کوردستانیەکان
جەماوەری دڵسۆز و خەباتگێڕی کوردستان
لەیادی (10) ەمین ساڵڕۆژی دامەزراندنیەوە بزوتنەوەی نوێبوون پاڵپشتی پرسی ڕەواو ئازادیخوازی گەلەکەمان دەکەین لە (ڕۆژهەڵات و ڕۆژئاوا و باکووری) کوردستان و پێمانوایە کاتی هاتووە کومەڵگەی نێو دەوڵەتی و ئەنجومەنی ئاسایش و جیهان بێنە سەرخەت و وکۆتایی بەداگیرکاری کوردستان بهێنن.
پارت و لایەنە سیاسیەکان
بزوتنەوەی نوێبوون لەدەیەمین ساڵیادی دامەزراندنیدا جەخت لەبەردەوامبوون و بەرەوپێشەوە بردنی پەیوەندییەکانی دەکاتەۈە لە گەڵ گشت هێزو لایەنە سیاسیەکانی کوردستان، ئەم بۆنەیە بەدەرفەت دەزانین داوا لە هێزو پارت و لایەنە سیاسیەکان بکەین کە بزوتنەوەی نوێبوون ئامادەیە بۆ یەکگرتن و هاوپەیمانی لەگەڵ پارت و لایەنە دلسۆزو و خەباتگێڕەکان، ببێتە هۆی بەدیهێنانی مافە ڕەواکانی گەلی کوردستان.
جەماوەری قارەمانی کوردستان
ئەندام و دۆست و لایەنگرانی بزوتنەوەی نوێبوون
بزوتنەوەی نوێبوونی کودستان هەڵقولاوی ناخی گەلی کوردستانەو هەمیشە لەسەنگەری خەبات و تێکوشاندایە لەپێناو بەدیهێنانی مافە ڕەواکانی گەلی کودستان و بەڵێن دەدەین کە وەک هەمیشە داکوکیکاری سەرسەختی گەل و نیشتمان دەبین و بەردەوام دەبین لە خەبات و تێکۆشان تا بەدیهێنانی مافە ڕەواکانمان.
جارێکی تر پیرۆزبێت 10 ەمین ساڵرۆژی دامەزراندنی بزوتنەوەی نوێبوون و ڕاپەرینی پیرۆزی گەلی کوردستان و هیوادارین گەلەکەمان هەمیشە تەندروست و سەرفرازو سەرکەوتووبێت و لەگشت نەخۆشیەکان پارێزراوبێت.
- نەمری و سەرفرازی بۆ سەرجەم شەهیدانی ڕێگای ئازادی و سەربەخۆیی کوردستان و مرۆڤایەتی..
- نەفرەت لەتیرۆر و تیرۆرستان و داگیرکاران..
- بەڵێ بۆ سەربەخۆیی کوردستان.
ئەنجومەنی سەرکردایەتی
بزوتنەوەی نوێبوونی کوردستان
14 ڕەشەمەی 2721 کوردی
#05-03-2022# زايينی
[1]