نووسینی: #وەفایی#
$هەرچی لە سەر تۆ گەڕا شاد بوو بە دەوڵەتی ڕووت$
ئەم هۆنراوەیە، دەچێتە خانەی ڕێبازی ئەدەبی کلاسیکی کوردییەوە، لە ڕووی ڕووخسارەوە ئەم تایبەتمەندییانەی هەیە:
1- بەکێشی عەرووزی عەرەبی نووسراوە.
2- هەموو هونەرەکانی ڕەوانبێژی بە پێی پێویستیی هۆنراوەکە، تێدا بەکارهاتووە. (بەکارهێنانی وشەیەک، بۆ زیاد لەواتایەک).
3- سەروای یەکگرتووە پەیڕەوکراوە، واتە (یەکێتی سەروای پاراستییەوە)
4- یەکێتی بەیت و بابەتی پاراستووە. واتە هەموو هۆنراوەکە وایەکی هەیە و هەر دێڕەش واتای تایبەتی خۆی هەیە.
5- وشەی بێگانەی تێدا بەکارهاتووە، بە تایبەت وشەی (عەرەبی، فارسی و تورکی).
6- دووبارەکردنەوەی نازناوی شاعیر لە دوا دێڕدا، یا پێش دوا دێڕی هۆنراوەکە.
لەقاڵبی هۆنراوەدا پێی دەوترێت (پارچە)
هەرچی لە سەر تۆ گەڕا شاد بوو بە دەوڵەتی ڕووت
زولفی شکستە بۆیێ دەستی لە دامەنت دا
سەد ڕۆح ئەگەر فیدا کەم ناگەم بە خەتت و خاڵت
من نائومێد و مەحرووم هیندوو لە گوڵشەنتدا
زولفت لە پێ کەوت و خەت هات بە تەمای قەتڵی دڵ
ئاخر بە دەستخەتی خۆت گرتت بە کوشتنت دا
ئەی نەوبەهاری خووبی ڕوحمێ بە حاڵی بولبول
نەوەک سەرمای هەناسەی لە گوڵ و یاسەمەنت دا
ئەی خەت بە زولفی دولبەر تۆ بوویە فیتنەیی دڵ
دڵ بێغەم و خەیاڵ بوو هاتی بە گرتنت دا
وا تێمەگە عەزیزم کوشتمت و نائومێد بووم
دەستم ئەگەر نەگەییێ خوێنم لە گەردەنت دا
بە قسەم بکە وەفایی بمرە هەتاکوو ماوی
وەسڵی بەقا بە ئایات ئەوا لە مردنت دا
[1]