دەقی پرسەنامەکەی مەکتەبی سکرتاریەتی سەرۆک مام جەلال:
بە ناوی پەروەردگاری مەزنەوە، .
بەڕێزان خانەوادە و بنەماڵەی تێکۆشەری دێرین کاک حاجی عوسمان مام برایم
زۆر بەداخەوە هەواڵی کۆچی دوایی کاک حاجی عوسمانی مام برایم مان پێگەیشت، بۆ ئه و خەمەتان پرسه و سەرەخۆشیی گەرم ئاڕاستەی یەک بە یەکی خانەوادە و بنەماڵەی تێکۆشەرتان دەکەین. لەرۆژگارێکی زۆر سەخت و دژواردا کە گەلەکەمانی پیادا تێدەپەڕی، له و کاتەی کە ی ن ک پێویستی بە کەسانی جوامێر بوو لە ناوشارەکاندا، کاک حاجی عوسمان چاکی مەردایەتیی و تێکۆشانی لێ هەڵکرد و نەک لە ناوشارەکانی کوردستان وعێراق، بەڵکو لە دەرەوەی سنورەوە و لەدەوڵەتی کوەیتەوە، بە ئۆتۆمبیلەکەی ڕاسپارده و ئەمانەتییەکانی به و پەڕی وریایی و شارەزایانە دەگەیاندە ڕێکخستنەکانی ی ن ک و پێشمەرگەی مەفرەزە سەرەتاییەکان، لەوانە گەیاندنی پێداویستییەکانی ئێزگەکە. کاک حاجی عوسمان لەهەمو وێستگەکانی خەباتی یەکێتییەکەیدا زۆر جوامێرانە ئەرکەکانی خۆی ڕاپەڕاندوە، هەر بۆیە چەندین جار سەرۆک مامجەلال ڕێزی لێناوە و وەک قارەمانێکی ئه و سەردەمەی خەبات ستایشی کردوە.
رۆحی ئەم تێکۆشەرە بە ئەمەکەی گەلەکەمان و ی ن ک بە بەهەشتی نەمران شادبێت، سەبوریی و ئارامییش بۆ ئێوە و دۆست و ئازیزانی حاجی عوسمان. دوا ناخۆشیی بێت.
إنا لله و إناالیه ڕاجعون.
مەکتەبی سکرتاریەتی سەرۆک مامجەلال
1-شوبات، 2022[1]

⚠️ تێبینی: ئەم بابەتە بە ڕێنووسی سەرچاوەی ئاماژە پێکراو نووسراوە، کوردیپێدیا هیچ دەستکارییەکی نەکردووە!