ڕەزێکم هەیە لەسرێشمەی
دەگێڕنەوە لەشاری کۆیە پیاوێکی هەژار و دەست کورت لە دوکانەکانی شار، شت و مەکی بەقەرز بردووه، بۆ ئەوەی خۆی نەشکێنێ، هەموو جارێک وتویەتی لە سرێشمەی ڕەزم هەیە، دواتر لە بەرووبومەکەی دەفرۆشم و پارەکەتان پێ دەدەم، دواتر دەردەکەوێت هیچ ڕەز و باغێکی نییە لە گوندە دڵگیرەی خەلیفان، ئەوە بووە بە ئیدیۆم هاوشێوەی خورماش لە بەغدای زۆرە، پەمۆش لە شارەزوور، ئەگەر کەسێک هەژار و نەدار بێت، پڕوپاگەندەی هەبوونی بۆ خۆی بکات بەتەوسەوە دەوترێت(ڕەزێکم هەیە لەسرێشمەی) یان(دەوترێت لەسەروچاوەش ڕەز هەیە).[1]