دەروێشێ عەبدی وەک قارەمانێکی نەتەوەیی
لەو ڕۆژانەی دواییدا تەشقەڵەیەکی زۆر و بێمانا بە #وەزارەتی پەروەردە# کرا، وەزارەتی پەروەردەیش (زۆر بەداخەوە) بێ وردبینییەکی مێژوویی چووە ژێر باری ئەو هەڕەشە و گوڕەشانەوە. بە کورتی و بە کوردی:
دەروێشێ عەبدی بەر لەوەی دڵی بچیتە کچێکی موسوڵمان دڵی چووبووە نیشتمانی خۆی و یەکێکە لەو پاڵەوانانەی بەر لە دووسەد ساڵ دژی سیاسەتی بەعەرەبکردن جەنگاوە و ژیانی خۆی لەسەر داناوە.
دەروێشێ عەبدی مینا دوانزە سوارەی #مەریوان#، بەرەنگاری لەشکری داگیرکەری عەرەب و تورک بووەتەوە کە لە ژمارە ناهاتوون و خۆی و هاوڕێکانی لەو شەڕەدا ژیانی خۆیان بەخت کردوە. دەروێشێ عەبدی شایانی پەیکەرێکە لە #هەولێر# نەک سووکایەتی پێکردن.
بۆ ڕاگرتنی هەستی ئەوانەی پێیان وایە لە داستانەکەدا بێڕیزییان بەرانبەر کراوە هەق نییە وەزارەتی پەروەردە ئەو بابەتە لا بدات، تەنێ یەک دێڕە با ئەو دێڕە لا ببرێت و داستانەکە سەر لە نوێ بنووسرێتەوە و لایەنە نەتەوەییەکەی زەق بکرێتەوە.
ناوی دوانزە سوارەی دەروێشێ عەبدی:
１. دەروێشێ عەبدی
２. سەعدوونێ عەبدی
３. ئوسفێ عەمەرێ شەرقی
４. بۆزانێ عەمەرێ شەرقی
５. چلۆیێ ئیزۆلی
６. عەدنانێ مستێ فەرحێ دۆدکی
７. فەرحانێ مستێ فەرحێ دۆدکی
８. باگر ئاغایی کەربو
９. سەلیمێ مستەفێ
１０. ئەیووبێ مستەفێ
１１. مەحمێ تەمێ
１２. ئیسۆیێ مەلا عەلی
ئەمانە شەش کوردی ئێزیدی و شەش کوردی موسوڵمان بوون.
دەلالێ من وای دەلال
وەز نەمینم، لۆ لۆ دەورێشۆ
دەورێشێ دلێ من سیوار بوو، ل دەرێ مالا باڤێ من پەیا بوو
دەورێشێ دلێ من ڕەبەنێ سیار بوو
ل دەرێ مالا باڤێ من پۆرکورێ پەیا بوو
خودێ خێرا بکە دەستێ من ژ ئاگرێ جخارێ،
فنجانا هاتن و چوویینا مێڤانا خالی نەبوو
من دیت کچەکا جیرانا خەبەرێ نە ب خێرێ ژ من ڕە دهانی، ڤاخ
دگۆ: لێ لێ پۆرکورێ ما تو نزانی دەورێشێ دلێ تە خەییدی،
بەر ب مال بوو
ئەوێ گاڤێ چاڤێن پۆرکورێ من مینا تاڤییا بەرف و بارانێ
ژ هێسترا خالی نەبوو، ئەز نەمینم.
وەز نەمینم لۆ لۆ دەلالۆ، واخ..
دەلالێ من وای دەلال، وەز نەمینم لۆ لۆ دەورێشۆ
دەورێشۆ لۆ، وەرە مالا باڤێ من مێڤانی،
دەورێشۆ بەرخۆ، وەرە مالا باڤێ من پۆرکورێ ب مێڤانی،
ئەزێ ژ دەورێشی دلێ خوە ڕە دایینم کولاڤەک سۆر یێ کوردستانێ
ئەزێ ژ دەورێشێ دلێ خوە ڕە سەر ژێ بکم مها سۆرا سەر بەرانی
گاڤا کالێ باڤێ من و پیرا دایکا من گۆتن: لێ لێ پۆرکورێ
کانی مها سۆرا سەر بەرانی، ئاخ
ئەزێ ببێژم کۆربوونا شڤانێ مە لاوکێ خەلکێ بوو، شەڤ بوو
تاری بوو، با بوو، باران بوو، ژ چۆلێ نەهانی گورا خواری
وەز نەمینم، وەز نەمینم لۆ لۆ دەلالۆ، واخ
دەلالێ من وای دەلال،
وەزێ نەمینم، لۆ لۆ دەورێشۆ
دەورێشۆ بەرخۆ، نە ب هاتنێ قەت نە ب چوونییێ، ئاخ
دەورێشۆ بەرخۆ هەفت برایێ من هەنە ل بەر کوشتنێ،
کالێ باڤێ من و پیرا دایکا من سەر تە ناشۆیێ ل بەر شووشتنێ، واخ
گاڤا چاڤێن من پۆرکورێ ب چاڤێن دەورێشێ عەڤدی کنێ کالی
مێرا دکەتی ژ من وەکرێ تەمامی ساخە ل حەیاتا ڤێ دنێ
وەز نەمینم لۆ لۆ دەلالۆ، واخ..[1]
نووسینی مامۆستا: فەهمی کاکەیی