ژێربەڕەکەم لە بیست ساڵدا
دەزگای پەخش: فام
...لەپڕێکدا مژدەی نووسینەوەی یادەوەرییەکانی خۆی لە ماوەی بیست ساڵدا پێ دام و بۆی ناردم تاوەکو بیخوێنمەوە.
منیش زۆر بە تامەزرۆییەوە لەگەڵ کاروانی ژیانیدا بە ڕێ کەوتم، لەگەڵیدا حەسرەتم دەخوارد و لە هەمان کاتیشدا قاقا پێدەکەنیم، لێی تووڕە دەبووم، ڕووداوەکانم بیر دەکەوتنەوە، زمان و دەستەواژە و سفتوسۆڵیی داڕشتنی لێوە فێر دەبووم، لە ئەنجامدا بە دڵ ئافەرین و دەستخۆشیم لێی کرد.
ئەمە ڕازی من و خاوەنی ئەم یاداشتنامەیەیە، دڵنیام ئەگەر تۆی خوێنەریش وەک من بە سەرنجەوە ئەم یاداشتانە بخوێنیتەوە، ئەوەندە چێژ و زانیاری وەردەگریت، کە وات لێ بکات دەستخۆشیی لەم نووسەرە بەهرەمەندە قەڵەم بە بڕشتە بکەیت، وەک منیش ئاوات دەخوازیت وەرزێر حەمە سەلیم بە گوڕوتینی زیاترەوە بەرهەمی زیاتر پێشکەش بە خوێنەرانی بکات..
$تۆفیق کەریم$
لەم کتێبەدا، مامۆستا وەرزێر حەمە سەلیم بە زمانێکی خەندەئامێز چەند وێستگەیەکی زۆر سەخت و ناڕەحەتی ژیانی خۆیمان بۆ دەگێڕێتەوە، گێڕانەوەیەکی ڕاستگۆیانەی ڕاشکاو، خۆی ناکاتە پاڵەوان و بیەوێت لەبەردەم خوێنەردا کەسایەتیی خۆی نمایش بکات، وەک خۆی ڕووداوەکان، نەهامەتییەکانی ژیانی خۆی به جۆرێک بۆ خوێنەران باس دەکات، کە هەست بە بێزاری نەکەیت.[1]
$ڕێدار ئەحمەد$