بەشێک لە وتار نامەو دەستخەتەکانی هێمن موکریانی
کۆکردنەوەی: #فارووق فەرهاد#
کتێبی (تۆم هەر لە بیره) پێک هاتووه لە 25 وتار، نامه و دەست نووسی محەممەد ئەمین شێخول ئیسلامی ناسراو بە هێمن، کە بە حەول و هیممەتی فاڕووق فەرهاد کۆ کراونەتەوە.
بەرهەمی فکری و ئەدەبیی نووسەران و بیرمەندان و ئەدیبانی کورد لە ڕەوتی زەمان دا بە هۆکار گەلی جۆراوجۆر یا لە ناو چوون، یاخود بەربڵاو و لە بە ڕدەست دا نین، کۆکردنەوەی ئەم ئەڕشیڤ و بەڵگەنامە و دەست نووسانە دەتوانێت وەک سەرچاوەیەکی فکری، فەرهەنگی و ئەدەبی بۆ جیلی داهاتوو و ئێستا بەسوود بێ بۆ باش تر ناسینی بیر و ئەندیشەی بیرمەندان و ئە دیبان و هەروەها سەرچاوە یە کی گرینگ بێ بۆ شڕۆڤە و لێکۆڵینەوە و ڕاڤە ی بە ڕهە م و بابە تە جۆراوجۆرەکانی ئەم بیرمەندانە.
کتێبی (تۆم هە ڕ لە بیرە) دەچێتە خانی ئە م جۆرە کتێبانە کە بە ڕهە مێکی پڕبایخ و بە کە ڵکە بۆ هەرچی باش تر ناسین و چوونە ناو جیهانی فکری و ئە دەبیی مامۆستا هێمن موکریانی.
لەم کتێبەدا وتارەکانی مامۆستا هێمن کە بۆ ڕۆژنامەی کوردستان چاپی تارانی ناردووه، چەند شێعر بە خەتی خۆیان، چەند وتار سەبارەت به ڕەخنەی ئەدەبی و زانستی و چەندین نامە بۆ کەسایەتییە فەرهەنگی و ئەدەبییەکان جێیگرتووه. جێگای ئاماژەیە ئەم بابەتانە بۆ یەکەم جاره لە توێی کتێبێک دا لە لایەن چاپەمەنی ڕاژە چاپ و بڵاو دەبێتەوە.[1]