ئەزمونی ژیان
هۆنراوە و ئاوازی: #بەهجەت یەحیا#
ئەو کەسەی ناخی دەروونی جوانە دڵشکاندنی لەلا تاوانە
ئەوەی خاوەنی ئەزمونی ژیانە ئەزانێ توڕەبوون هەر دۆڕانە
ئەوەی لە پێناو ئاکاری بەرز وپەروەردەی پاکا
هەرگیز بە هەڵە هەڵەی ڕابووردو چارەسەر ناکا
پەیامی ئاشتی لای مرۆڤدۆستان
بەخشندەییە و پێکەوە یان
ئەوەی بتوانێ بۆ تەنها جارێ
خۆی بخاتە جێی دڵ بریندارێ
ئەوسا تێدەگا لەمانای ئازار
ئەزانێ بێ هۆ کەس نایکا هاوار
حاکمی هەرکەس تەنها ویژدانە
چۆن دەبێ بیدا حوکمی کوێرانە
ئەوکەسەی کەویژدانی زیندووە
هەنگاو ئەنێت و لە خۆ بووردوە
بەفەرهەنگی جوان مێژوو ئەنووسێ
لەتیری ناحەز هەرگیز ناترسێ