بناڤێ خودایێ مەزن و دلۆڤان.
بابەت: ڕۆنکرن ژ مالباتا شێروان شێروانی؟
بەرێزان خزم و دوست و برادەر و خەلکێ کوردستانێ، مه ب فەرزانی ڕۆنکرنەکێ لسەر بابەتێ گرتن و دادگەهکرنا شێروان ئەمین شێروانی بۆ ڕایا گشتی بدەینە خویاکرن.
شێروان ژ مالباتەکا کوردپەروەر ژ دایکدبویە بۆ خاک و نەتەوە و وەڵات و مللەتێ خو، هەردەم دگەل ئازار و دەربەدەریا ژیایە و خێر ژ خوە نەديتی يێ ژيایی و لێ چ جارا حاشاتي ژ کوردپەروەریا خو نەکريه.
چەندين جارا یێ توشی دەربەدەريا بويی گەلەک نەخوشی و زەحمەت یێن ديتين، بەرێزان، مە ژی هيڤي هەبوون کو ڕۆژەک بهێت ئەڤ مللەتە ب ئازادی ل سەرخاکا خو بژیت. هيڤیا مە جێبەجێبوو و کوردستان ڕزگاربوو. بابێ شێروانی
(ئەمين نەعو سلێمان شێروانی) ئێک ژ وان کەسانە یێ هەمی تەمەنێ خو بۆ کوردينيێ تەرخان کری.
پشتی ڕاپەرينێ ئەمين نەعوی چ خێر ژ خەباتا خو نەدیت و خزمەتا وی هاته بن پێکرن، کار و چالاکیێن وی بۆ پارتی ئەنجامداین هەمی هاتنه ژبيرکردن و گەلەک پێکۆلکرن دا مفايەکی ژ وێ خزمەتێ ب بينيت، مخابن چ مفا ژێ نەدیت،
ب چاڤێن خو ديت کەسێن نەمستەحەق دانانه پێش، گەلەک گازنده هەبون بەس لسەر ڤێ نەحەقيێ ڕا هەر یێ بەردەوام بۆ لسەر کوردپەروەریا خوو. حەتا ئەڤرۆکە ئەم لدويف رێبازا بابێ خو دبەردەوامین، وەکی کور و مام و برا، هەر ئێک ل ديڤ شيانێت خو بتايبەت برايێن وی خزمەتا کوردينيێ دا بوون و نوکە ژی خزمەتکار و وەلات پارێزن.
بۆ نموونه
یاسین نەعو پێشمەرگەه بوو و ڕۆلەکێ مەزن دڕاپەرینا باژێرێ ئاکرێ دا کربوو، سەليم نەعو: ڕاپەڕینێ و پشتی ڕاپەرينێ پێشمەرگەه بوو دگەل ئەمين نەعویی، محەمەد سالح نەعو پێشمەرگەه و کادرێ لجنا ناوچا ئاکرێ بوو، نوکه یێ خانەنشینکریە تەقاعده. عەرەب نەعو حەتا نوکه پێشمەگەهه، ئیبراهيم نەعو پێشمەرگەه بوو ل سالێت نوتا بتايبەت شەرێ دژی پەکەکێ. کورێ وی فەيسەل ئەمين نەعو، نوکه ژی پێشەرگەهە شەرێ داعش ڕۆلەکێ بەرچاڤ دگێرا تايبەت دڕزگارکرنا (رەبيعه)دا دگەل هێزا لەشکرێ تایبەتێ بارزان. ئەمين نەعو، پێشمەرگەه بوو حەتا ڕحا وی بویە ئەمانەتێ خودێ خەبات و چالاکیێن وی دبەردەوامبوون
و ڕۆلەکی بەرچاڤ دڕزگارکرنا باژێرێ ئاکرێ دا هەبوو.
شەرێ براکوژيێ شەرەکێ نەچاريی بوو بەشداری کر و ڕۆلەکێ بەرچاڤ هەبوو. شەرێ براکوژیێ دژی پەکەکێ بەشداری کر دخزمەتا پارتی دا، دوو جارا بەشداری دچالاکیا دا کر لسەر داخازا نێچیرڤا بارزانی ل کوردستانا تورکيا باژێرێ سلوپی شوفێرێ بارهەلگرا چەکی بوو چەک بۆ پارتی دئینا مەسيفی،
سالێت هەشتێ يا چالاکی ل باژێرێ موسل هەبوون وەکی (تەنزيم داخلی) کاردکر، دگەل چەند کەسايەتیێن ئاکرێ، وەکێ کەريم خێلافی خودێ ژێ ڕازی بيت، ئیسماعيل جمعە ئاکرەيي خودێ ژێ رازی بیت، صوفی شنی، سعدو شوشی و ئەگەر هندەک کەسێن دی مه ژبير نەکربن،
سالێن نوتا دووباره دگەل مەفرەزێن نێچيرڤان بارزانی ل چيايێن دەڤەرا بارزان مە بەرگری کریە شەرێ دگەل پەکەکێ و گەلەک کەسا ژ خزم و کەس و کارێن مە دگه ل مە بەشداری کربوو. پشتی راپەرينێ بۆ ماوەکی ئەرکێ پاراستنا ئاڤا سەرەکی يا مەسيف وەرگرتبوو. شەرێ داعش گەلەک نەخوشيێن درێژخايەن هەبوون خو گەهانده گووێر پشتی هێرشا داعشێن درنده لسەر ئاسايشا هەرێمێ لێ مخابن ژبەر ئێشا دلی نەدشيا خۆ لسەر پێت خو بگريت ب نەچاری ڤەگەريا مال،
بەرێزان شێروان شێروانی ئێک ژ خزمەتکارێن کوردپەروەر یێن ئەڤی وەلاتی یە، بەلێ مخابن ژبەر بير و بۆچوون و ڕەخنێن وی یێن جودا لسەر هندەک تشتا هەر زوی ب چاڤەکێ خراب سەرەدەريی دگەل کر و ژ کارێ مامۆستایێ هاتە لادان، مخابن ئەڤ شوله هنده مەزنکر و توهمەتێن زۆر بۆ هاتنه دروستکرن سيخور و تێکدەر و زۆر توهمەتێن دی، بلا دانپێدانێن وان ل دادگەهێ بن و ب ئامادەبونا پارێزەرێن وان، دا کو بێگونەهیا خو ديارکەن و بلا دادوەر دبێلايەن بن.
بەرێزان بتنێ داخازامه ژ حکومدارێن مه ئەوە دادگەهەکا ياسايی و دوير ژحزبايەتیێ پێداچوونێ دڤی بابەتی بکەت، بلا نەحەقیێ ل پاشەڕۆژا مه و مللەتێ مه نەهێتەکرن.
مە ب فەرزاني بۆ خزم و کەس و کارێن خو ديارکەين کو هندەک ئاخافتن ل ناڤ خەلکی یێن بەلاڤبوين دبێژن مالباتا شێروان شێروانی دێ مالێن خو ڤەگوهێزنە سلێمانیێ يان بەغدا. ئەم هنگوو پشتڕاست دکەين کو چ ڕاستی ژ بۆ ڤێ گوتنێ نینە ئەڤ خەبەرە دويرە ژ ڕاستیێ.
برایێ هنگوو
کاروان ئەمین نەعو
#07-03-2021#