لە راگەیێندراوێکی هێزەکانی پاراستنی گەل - هەپەگە، باڵی سەربازیی پارتی کرێکارانی کوردستان، ئاماژە بەوە کراوە، هێزێکی پێشمەرگە ویستوویەتی بچنە نێو کامپێکمان لە گارە، بۆیە ئەوانیش دوو مینیان تەقاندووەتەوە بۆ رێگریکردن لە هێزەکەی پێشمەرگە و دەشڵێت، شەڕیان نەکردووە و چەکیان بەکارنەهێناوە.
هەپەگەهەپەگە لە راگەیێندراوەکەیدا ئەو هێزەی پێشمەرگەی بە هێزێکی پارتی دیموکراتی کوردستانپارتی دیموکراتی کوردستان ناوبردووە و دەڵێت، ویستوویانە بە ئۆتۆمبێلی زرێپۆش بچنە ناو کامپێکیان لە گارە، بۆیە ئەوانیش دوو مینیان تەقاندووەتەوە بۆ وەستاندنی هێزەکەی پێشمەرگە.
ئەمڕۆ 4ی تشرینی دووەمی 2020 لە شارەدێی چەمانکێی شارۆچکەی ئامێدیئامێدی، بە گوتەی سوپاسالاری هێزەکانی پێشمەرگە، لەکاتی تێپەڕبوونی هێزێکی زێرەڤانی بە ناوچەکە، بۆمبێکی چێندراو بە هەمەرێکدا تەقێندراوەتەوە و دواتریش گەریلاکانی پەکەکەپەکەکە تەقەیان لە پێشمەرگە کردووە. هەپەگە لە راگەیێندراوەکەیدا دەڵێت، شەڕمان نەکردووە و چەکمان بەکارنەهێناوە.
هەر لەو راگەیێندراوەی هەپەگەدا هاتووە ئێمە بۆ بەرژەوەندیی نەتەوەیی گەلی کوردستان نامانەوێت شەڕ رووبدات و ئەمەش بە شێوەیەکی ئاشکرا رادەگەیێنین.

#هەپەگە | #پارتی دیموکراتی کوردستان | #ئامێدی | #پەکەکە |