Asya Xerzan di sala 1974an de li herêma Xerzan, gundê Qorixê, yê bi ser navçeya Qubîna Batmanê ve pêavêtiye jiyanê.
GÎYAGERÎNEK

Giyagerînek im ez
Belawela me li asoyê ax û avê
Di nav milyonan gul, kulîlk de
Li welatê rojê nefela çarpel im
Stûyê min ji devê şûr û xencerê tûjtir e
Ku min biqetînin jî ez ê biniqutim ser axê
Ku bişewtim jî ez ê bibim ax
Û min binax jî bikin ez ê zîl bidim
Di bin kevirên qorzîbir de jî şîn têm
Giyagerînek im ez
Li her derê li ser koka xwe şîn têm.
..........
GERSTÊRK

Gerstêrkek im îşev
Li warekî dûr
Der bi der
Mest û sergerdan
Li pey şopa te digerim
Heyv jî stûxwar e îşev
Nizanim çi xema dilê wê ye.