ئەمڕۆ بەرواری 17/10/2020 لەکاتی ڕوماڵ کردنی ئەو ڕوداوەی کە هێزەکانی #حەشدی شەعبی# بارەگای #پارتی دیموکراتی کوردستان#یان دەسوتاند لەشاری بەغداد، تیمی ڕۆژنامەوانی کەناڵی ڕوداو کە پێکهاتوون لە ‘هەڵکەوت عەزیز' ی پەیامنێرو'خەتاب عەجمی' وێنەگر لەلایەن هێزێکی ئەمنیەوە گیران و ودەست بەسەر کەلوپەلە ڕۆژنامەوانیەکەیاندا گیراوە، سوکایەتی و هێرشیش کراوەتە سەریان و لێیاندراوە و 3 کاتژمێر دەست بەسەربوون و دواتر ئازادکراون.ئەمە لەکاتێکدا پێشێلکاری و حاڵەتە توندەکانی توندوتیژی لە ناوچە جێناکۆکەکان بەرامبەر ڕۆژنامەنوسانی کورد ڕۆژانە بەردەوامە.ئێمە لەلیژنەی داکۆکی لە ئازادی ڕۆژنامەنوسی و مافی ڕۆژنامەنوسان لەسەندیکای ڕۆژنامەنوسانی کوردستان بە توندی ئیدانەی ئەم حاڵەتە دەکەین و جگە لەوەی پێشێل کردنی یاسای ڕۆژنامەوانی عێراقی و یاسای ڕۆژنامەوانی هەرێمی کوردستانە، خزمەت بە پێکەوەژیان و بەرقەراربوونی ئاشتی و ئازادی ڕادەربڕین لەم وڵاتەدا ناکات.داواکارین لە حکومەتی عێراقی و سەندیکای ڕۆژنامەنوسانی عێراق و لایەنە پەیوەندیدارەکان لەم کارە و پێشێلکاریەکانی تری بەرامبەر ڕۆژنامەنوسان بێ دەنگ نەبن.پاراستنی گیان و سەلامەتی ڕۆژنامەنوسە کوردەکان لەوناوچانە دەخەینە ئەستۆی حکومەتی عێراقی.
لیژنەی داکۆکی لە ئازادی ڕۆژنامەنوسی و مافی ڕۆژنامەنوسان
سەندیکای ڕۆژنامەنوسانی کوردستان
#هەولێر#
17/10/2020
Em babete bezimanî (کوردیی ناوەڕاست) nûsirawe, klîk le aykonî
bike bo krdineweyi babeteke bew zimaneyi ke pêyi nûsirawe!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Em babete 1,674 car bînrawe