ئومێد ئاڵتنچاخ یەکێکە لە گۆرانیبژە دیارەکانی شاری دێرسمی باکووری کوردستان کە بە شێوەزاری زازاکی گۆرانی دەچڕێت. ئومێد ئاڵتنچاخ ساڵی 1991 ئەلبوومێکی گۆرانی بە شێوەزاری زازاکی بڵاوکردەوە، بەڵام دواتر قەدەخە کرا. دوای ئەوەی لە دادگا سکاڵای لەسەر تۆمارکرا ساڵی 1996 بە ناچاری تورکیای جێهێشت و لە سویسرا نیشتەجێ بوو. دوای تێپەڕبوونی 23 ساڵ گەڕاوەتەوە زێدی خۆی لە دێرسم و درێژە بە کارە هونەرییەکانی دەدات.