دەقی پەیامی مەسعود بارزانی بۆ کۆچی دوایی عەلی سنجاری:
بەناوی خودای بەخشندە و میهرەبان
بە داخێکی زۆرەوە هەواڵی کۆچی دوایی سیاسەتمەدار و تێکۆشەری ناسراوی گەلەکەمان و ئەندامی پێشووی سەرکردایەتیی پارتی دیموکراتی کوردستان (عەلی سنجاری)یمان بیست. خوالێخۆشبوو عەلی سنجاری بە درێژایی تەمەنی خەباتی سیاسیی خۆی لە شۆڕشی ئەیلوول و گوڵان و قۆناغی دوای ڕاپەڕیندا پێشمەرگە و کەسایەتیەکی خاوەن هەڵوێست و وەفادار بە ڕێبازی پارتی و کوردایەتی بوو. هەمیشە لە خەبات و تێکۆشانی سیاسی و جەماوەریدا ئەرکەکانی دڵسۆزانە و ماندوونەناسانە بە جێ گەیاندووە و، لەدەستدانی خەسارەتێکی گەورەیە.
سەرەخۆشی لە خۆمان و خانەوادەی تێکۆشەری عەلی سنجاری و تەواوی دۆست و هەڤاڵانی دەکەم و خۆم بە هاوبەشی خەمیان دەزانم. لە خودای مەزن داواکارم خوالێخۆشبوو بە بەهەشتی بەرین شاد بکات و سەبر و ئارامیش بە هەموو لایەک ببەخشێت.
انا للە و انا الیە ڕاجعون
مسعود بارزانی
6ی ئەیلوولی 2020
Tämä tuote on kirjoitettu (کوردیی ناوەڕاست) kieli, klikkaa kuvaketta
avata kohteen alkukielellä!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Tämä tuote on katsottu 1,616 kertaa
Kirjoita oma kommenttisi tuote!