بە پشتبەستن بە ئاماری تۆمارکراو لە ناوەندی ئامار و بەڵگەنامەکانی ڕێکخراوی مافی مرۆڤیی هەنگاو، لە ماوەی مانگی ئاگۆستی 2020 دا، لانیکەم 54 هاووڵاتیی کورد بە تۆمەتی چالاکی سیاسی، مەدەنی، مەزهەبی و پەیوەندی لەگەڵ حیزبە کوردستانییەکانی دژبەری ئێران دەستبەسەر کراون.
بە پێی ئەم ڕاپۆرتە، 35 کەس بە تۆمەتی چالاکی سیاسی و پەیوەندی لەگەڵ حیزبە کوردستانییەکانی دژبەری حکوومەت، 4 کەس بە تۆمەتی چالاکی مەدەنی و 8 کەس بە تۆمەتی چالاکی مەزهەبی دەستبەسەر کراون. هەروەها 7 #کۆڵبەر# و کاسبکاری کوردیش دەستبەسەر کراون.
زیاترین هاووڵاتی لە پارێزگای #سنە# دەستبەسەر کراون کە 24 حاڵەت بووە. هەروەها دەستبەسەر کرانی 21 هاووڵاتی لە پارێزگای ئورمیە، 8 هاووڵاتی لە پارێزگای #کرماشان# و هاووڵاتییەک لە پارێزگای هەمەدان تۆمار کراوە.
چوار کەس لەو دەسبەسەر کراوانە ژن و چوار کەسیان مێرمنداڵ و تەمەنیان ژێر 18 ساڵ بووە.[1]
This item has been written in (کوردیی ناوەڕاست) language, click on icon
to open the item in the original language!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
This item has been viewed 1,511 times
Write your comment about this item!