رۆژهەڵاتی کوردستان
- فەرمانگەی پاراستنی ژینگەی مەریوانمەریوان رایگەیاند، لە ماوەی دوو هەفتەی رابردوودا، چوار جار ئاگر لە قامیشەڵانەکانی دەوروبەری دەریاچەی زرێبار بەردراوە و بەهۆیەوە سێ هێکتاری سووتاوە.[2]
- لە ماوەی رۆژانی رابردوودا، دوو هاووڵاتیی کورد بە ناوەکانی کەیهان شیرینی کوڕی ئەداک و تەمەن 21 ساڵ و بەهرام قاسمی کوڕی ساڵح تەمەن 35 ساڵ و خەڵکی گوندی مێراوی ناوچەی ژاوەرۆی سنەسنە، لەلایەن هێزە ئەمنییەتییەکانەوە دەسبەسەر کران. بە وتەی سەرچاوەیەکی ئاگادار، هێزە ئەمنییەتییەکان بەبێ بەڵگەی یاسایی هێرشیان کردووەتە سەر ماڵی ئەو دوو هاووڵاتییە و ئەوانیان دەسبەسەر کردووە. ئەو سەرچاوەیە هەروەها ئەوەشی خستەڕوو، هێزە ئەمنییەتییەکان ئەو دوو هاووڵاتییەیان بە تۆمەتی هاوکاری لەگەڵ یەکێک لە حیزبە کوردییەکانی ئۆپۆزسیۆنی حکوومەتی ئێران دەسبەسەر کردووە.[4]
- لە ماوەی رۆژانی رابردوودا هاووڵاتییەکی کورد بە ناوی شەهریار پوورعەلی کوڕی ئیسفەندیار خەڵکی دزەی ناوچەی مەرگەوەڕی ورمێورمێ، لەلایەن هێزە ئەمنییەتییەکانەوە دەسبەسەر کرا.[4]
- لە ماوەی ڕۆژانی ڕابردوودا، هاووڵاتییەکی کورد بە ناوی ڕۆستەم ئیبراهیمی تەمەن 40 ساڵ کوڕی عەلی خەڵکی گوندی تەختی زەنگیی شاری کامیارانکامیاران، لەلایەن هێزە ئەمنییەتییەکانەوە، دەسبەسەر کراوە.[4]
باشووری کوردستان
- گوتەبێژی وەزارەتی تەندروستی رایگەیاند، هیچ پلانێک بۆ قەدەخەی هاتووچۆی سەرتاسەری لە هەرێمی کوردستاندا نییە، بەڵام ئەگەر پێویست بکات، رێکارەکان تووند دەکەنەوە.[2]
- بریکاری وەزارەتی پەروەردەوەزارەتی پەروەردە رایدەگەیێنێت، هەفتەی یەکەمی خوێندنی ناو ‏پۆل بۆ قوتابیانی 12ی ئامادەیی بەشێوەیەکی گشتی بێ گرفت بووە، دەشڵێت نابێت قوتابخانە ئەهلییەکان سەرجەم قوتابیانیان لەناو پۆل ‏دەست بە خوێندن بکەن، دەبێت ئەوانیش وەک قوتابخانە حکومییەکان ‏پابەندی بڕیارەکانی وەزارەتی پەروەردە بن.[2]
- وەزارەتی تەندروستیی هەرێمی کوردستان ئاماری 24 کاژێری رابردووی بڵاوکردەوە و دەڵێت، 620 کەسی دیکە تووشی کۆرۆنا بوون و 19 کەسی دیکەش گیانیان لەدەستداوە.[2]
- لە پەڕڵەمانی کوردستان، یادی 3 ساڵەی کۆچی دوایی مام جەلالمام جەلال کرایەوە.[6]
- لە یادی 24 شەهیدبوونی دکتۆر سیروان بنەماڵەی شەهید و ئەندامانی تەڤگەری ئازادیی کۆمەڵگەی کوردستان و کۆمیتەی خانەوادەی شەهیدانی پەکەکەپەکەکە لە باشوری کوردستان سەردانی گڵکۆی دکتۆر سیروان- یان کرد لەشاری سڵێمانی.[5]
- کۆگایەکی هێزەکانی 70 ی پێشمەرگە لە سلێمانیسلێمانی تەقییەوە و فەرماندەی گشتی هێزەکانی حەفتاش دەڵێتائێستا هۆکارەکە دیار نییە و لیژنەیەکیان بۆ لێکۆڵینەوە پێکهێناوە.[3]
- هێزەکانی پۆلیس دوو کەسیان بە تۆمەتی سوتاندنی شاخی گۆیژە دەستگیر کرد و تۆمەتبارەکان لەبەردەم دادوەر دانیان بە تاوانەکەدا ناوە.[3]
- سەرچاوەیەکی ئەمنی لە سنووری شارەدێی ئەلقووش، رایگەیاند، نیوەڕۆی ئەمڕۆ کەسایەتی و بازرگانی ناوداری ئێزدی لە سنووری پارێزگای نەینەوا، بەشیر کوریا تیرۆر کرا.[3]
- بەڕێوەبەری چاودێری بازرگانی هەولێرهەولێر راگەیاند، لەماوەی مانگێکدا توانیویانە 51 شوین سزا بدەن، 29 تەن کاڵای ماوە بەسەرچووش لەناوببەن و ژمارەیەک سەرپێچیکاریش سزا بدەن.[3]
دەرەوەی کوردستان
- لە سویسرا 67 پەرلەمانتار لە 4 حیزبی جیاوازەوە لە راگەیاندراوێکی هاوبەشدا داوایانکرد ئەو هەدەپەهەدەپەییانە لە چوارچێوەی ئۆپراسیۆنی پاکتاوکردنی سیاسیدا دەستگیرکراون ئازاد بکرێن.[1]
- روانگەی سووری بۆ مافەکانی مرۆڤ بڵاویکردەوە، ژمارەی کوژراوانی نێو ریزەکانی چەتە بەکرێگیراوەکانی سەر بە دەوڵەتی تورکیا لە شەڕی ئەرتەساخ زیادیکردووە، لەو چوارچێوەیەشدا ژمارەکە بۆ 72 بەرزبووەتەوە.[1]
- رۆژنامەی زەمانی تورکی لە راپۆرتێکدا ئاشکرای کردووە، تورکیا گەورەترین داکەوتنی لە یەدەگی ئاوی وڵاتەکە تۆمارکردووە کە پێشووتر هاوشێوەی نەبووە.[3]

#مەریوان | #سنە | #ورمێ | #کامیاران | #وەزارەتی پەروەردە | #مام جەلال | #پەکەکە | #سلێمانی | #هەولێر | #هەدەپە |