دەقی پەیامی یەکگرتوو:
یەکگرتووی ئیسلامی کوردستان پیرۆزبایی لە پارتی دیموکراتی کوردستان دەکات
بەبۆنەی 74ەمین ساڵرۆژی دامەزراندنی #پارتی دیموکراتی کوردستان#، ئەنجومەنی جێبەجێکردنی یەکگرتووی ئیسلامی کوردستان بروسکەیەکی پیرۆزبایی ئاراستەی سەرۆک و مەکتەبی سیاسی پارتی دیموکراتی کوردستان دەکات:
بەڕێز/ جەنابی کاک #مەسعود بارزانی# - سەرۆکی پارتی دیموکراتی کوردستان
بەڕێز/ مەکتەبی سیاسی پارتی دیموکراتی کوردستان
بەبۆنەی 74 هەمین ساڵیادی دامەزراندنی پارتی دیموکراتی کوردستانەوە، پیرۆزبایی خۆمان ئاڕاستەی جەنابتان و سەرکردایەتی و کادرو ئەندام و جەماوەرە بەڕێزەکەتان دەکەین، هیوادارین خەباتی درێژو مێژوی دێرینی جەنابتان هاندەری بەردەوامی خەبات و پشتگیری پاراستنی دەستکەوتەکانی گەلەکەمان بێت و ساڵی داهاتوو پڕبێت لەبەرەو پێشچون و سەرکەوتنی زیاتر بۆ دەستەبەری دەستکەوتی زۆرتر بۆ گەل و نیشتیمان..
ئێمە لە یەکگرتووی ئیسلامی کوردستان لە سۆنگەی دڵسۆزی و خەمخۆری خۆمانەوە بۆ سەروەریەکانی گەل و خاڵە هاوبەشەکانی هەردوولامان هەمیشە ڕەچاوی ئەوەمان کردووە (چی باشە بکرێت و چی خراپە کە کراوە، چارەسەر چیە)، بەبێ گوێدان بە ئەگەری نیگەرانی و سەغڵەت بوونی کەسەکان، هەر ئەوەش بەڕاست دەزانین..
لەم ڕوانگەوە دەخوازین پارتی دیموکراتی کوردستان کە هێزی یەکەمی گۆڕەپانە سیاسیەکەیە جدیتر شان بداتە ژێرباری زۆرترین بەرپرسیاریەتی.
قەیرانەکان و گرفت و ئاریشەکان زۆرن و پێویستی بە سنگ فراوانی و پشوو درێژی و یەکڕیزی ناوخۆیی هەیە..
خودا گەلەکەمان لە بەڵاو پەتای کۆرۆنا بپارێزێت و پشتیوانمان بێت بۆ تێپەڕاندنی قەیرانەکان و چارەسەری گرفتەکان، هەمولایەکمان لە ئاستی بەرپرسیاریەتیدا بین.
جارێکی تر ساڵیادی 74 هەمینی دامەزراندنی حزبەکەتان پیرۆز دەکەین
ئەنجومەنی جێبەجێکردنی
یەکگرتووی ئیسلامی کوردستان