باکووری کوردستان
- بە تۆمەتی ئەندامی ڕێکخستنی پەکەکەپەکەکە، سزای 7 سال و 6 مانگ زیندانی بەسەر یادیشەن کارابولوت هاوسەرۆکی پێشووی شارەوانیەکی پارتی گەلانی دیمۆکراتیک-هەدەپەهەدەپەدا سەپێنرا.[6]
رۆژهەڵاتی کوردستان
- هەواڵدەریی تەسنیم سەر بە سوپای پاسدارانسوپای پاسداران، بە بڵاوکردنەوەی هەواڵێک ڕایگەیاندووە کە سپای پاسداران بنکە و مەقەڕەکانی هێزی پێشمەرگەی کوردستانیان لە سنووری نێوان هەرێمی کوردستان و ڕۆژهەڵاتیان لەنێو بردووە. کاوە بەهرامی بەرپرسی دەزگای فەرماندەیی هێزی پێشمەرگەی کوردستان لە وتووژێک لەگەڵ ئاژانسی کوردپا ڕایگەیاند: ئیدعاکانی سپای پاسداران دوورە لە ڕاستی و ئێمە لەو ناوچەیە هیچ بنکەیەکی جێگیرمان نییە.[3]
- دوای دەستلەکارکێشانەوەی شەش ئەندامی ئەنجوومەنی شاری مەهابادمەهاباد و ئامادەنەبوونی دوو ئەندامی جێگرەوە بۆ دەستبەکاربوون لە شوێنی ئەوانەی دەستیان لەکارکێشاوەتەوە، ئەنجوومەنەکە هەڵوەشێندرایەوە.[4]
- شاکر (فەرهاد) بێهرووزی، زیندانیی سیاسیی کورد لە گرتنگەی ناوەندیی ورمێورمێ، لەلایەن لقی 2ی دادگای ئینقلابی ورمێ، بە سەرۆکایەتی دادوەر شێخلوو بە تۆمەتی بەغی و ئەندامبوون لە یەکێک لە حیزبە کوردییەکانی دژبەری حکوومەتی ئێران بە ئێعدام مەحکووم کرا.[3]
باشووری کوردستان
- لە شارۆچکەی چەمچەماڵچەمچەماڵ تەرمی دوو خوشکە کوژراوەکە لە گۆرستانی گشتی چەمچەماڵ بەخاک سپێردرا.[1]
- سەرۆک وەزیرانی ئێڕاق، مستەفا کازمیمستەفا کازمی گەییشتە هەولێرهەولێر و لەگەڵ لێپرسراوانی باشووری کوردستان کۆدەبێتەوە.[1]
- وەزارەتی تەندروستیی هەرێمی کوردستان ئاماری 24 کاژێری ڕابردووی تایبەت بە کۆرۆناکۆرۆنا بڵاوکردەوە و ئاماژەی بەوە کردووە، 591 تووشبووی نوێ دەستنیشانکراون و 24 کەسیش دوای تووشبوونیان بە کۆرۆنا گیانیان لەدەستداوە.[4]
- وەزیری پەروەردە ڕایگەیاند، پرۆسەی خوێندن بۆ هەموو قۆناخەکان بەشێوازی ئەلیکترۆنی دەستپێدەکات جگە لە پۆلی 1 و 2ی بنەڕەتی و 12 کە لەنێو پۆلەکاندا دەبێت و لە 27ی ئەیلوولەوە بە ڕەچاوکردنی ڕێنماییە تەندروستییەکان و دەبێت مەتر و نیوێک لەنێوانیان بێت.[4]
- شارەوانی سلێمانیسلێمانی گرێبەستی گۆڕستانە نوێیەکەی لەگەڵ کۆمپانیای دوزی هەڵوەشاندەوە و سەرۆکی شارەوانی سلێمانیش ڕایگەیاند: دەبێت دەرخستەی تایبەت بە ئیدارەدان و چاودێری و چاکسازی ئامادە بکرێت بۆ گۆڕستانی نوێی سلێمانی بەمەبەستی دابینکردنی بودجە بۆی.[2]
- ڕۆژنامەنووس سیروان حەسەن کە فەرمانبەرە لە قایمقامیەتی کەلارکەلار، کۆمێنتی نەشیاوی لەسەر قایمقامی کەلار نووسیوە، ئەویش سکاڵای لەسەری تۆمار کردووە، بۆیە پۆلیس لەسەر فەرمانی دادوەر دەستگیری کرد.[5]
دەرەوەی کوردستان
- تەیفور بەتحاییتەیفور بەتحایی، سینەماکار و نووسەری ڕۆژهەڵاتی کوردستان لە سوید کۆچی دواییکرد.[1]
- ئیمانوێل ماکرۆن، سەرۆکی فەرەنسا پێش ئەنجامدانی کۆبوونەوەی لوتکەی وڵاتانی باشووری ئەوروپا ڕایگەیاند، دەبێت ئەوروپا هەڵوێستێکی ڕوون و ئاشکرای دژی ڕەفتارەکانی تورکیا هەبێت.[7]
- وەزارەتی دەرەوەی تورکیا لە بەیاننامەیەکدا ڕایگەیاند، سەرۆک کۆماری فەرەنسا بە شێوەیەکی بێسنوور هێرشیکردووەتە سەر سەرۆک کۆماری تورکیا. لە بەیاننامەکەدا هاتووە: ماکرۆن هاوشێوەی کاتی ئیمپریالیزم لە دەریای ناوەڕاست ڕەفتار دەکات و تورکیا تەواوی پیلان و یارییە خراپەکانی فەرەنسای ئاشکرا کردووە و ئیدی ئه و سەردەمە بەسەرچووە فەرەنسا تەواوی شتەکانی خۆی بەسەر جیهاندا بسەپێنێت.[7]
- ڕێپێوانی درێژمەودای گەنجان، کە بۆ ئازادی ئۆجالان لە شاری هانۆڤەری ئەڵمانیاوە دەستی پێکردبوو، لە شەشەمین ڕۆژدا ڕووبەڕووی هێرشی پۆلیسی ئەڵمانیا بووەوە.[8]
- سەرۆکی ئەمەریکا ڕایگەیاند، ئێستا لە سووریا نەوتەکەمان کۆنترۆڵکردووە و هاوکاریی کورد دەکەین و ژیانیان خۆشتر دەکەین.[7]