باکووری کوردستان
- دوێنێ شەو لە بەرزاییەکانی گوندی رەمۆ و سپیندارۆکێی سەر بە ناوەندی شڕنەخ لە بناری چیای جوودی ئاگر کەوتووە. ئاگرەکە وردە وردە لە هەرێمەکە بڵاودەبێتەوە. گوندنشینان دەیانەوێت ئاگرەکە کۆنتڕۆڵ بکەن بەڵام بەرپرسەکان رێگا نادەن دەستوەردان بکەن.[6]
رۆژهەڵاتی کوردستان
- زەنگی سەری ساڵی نوێی خوێندن لە قوتابخانەکانی رۆژهەڵاتی کوردستان و ئێران لێدەدرێت. وەزارەتی پەروەردەوەزارەتی پەروەردەی ئێران رایگەیاندووە، قوتابخانەکان لە هەموو شار و گوندەکان کراوە دەبن، جگە لەو شوێنانەی کە ناوەندی کۆنترۆڵی کۆرۆناکۆرۆنا چوونی قوتابییان بۆ قوتابخانە قەدەغە دەکات.[1]
باشووری کوردستان
- بەپێی راگەیەندراوی وەزارەتی تەندروستی، لە 24 کاتژمێری رابردوودا 504 کەس تووشی کۆرۆنا بوون، 13 کەسی دیکەش گیانیان لەدەستداوە.[5]
- ئەمڕۆ جڤاتی نیشتمانی بزووتنەوەی گۆڕانبزووتنەوەی گۆڕان لە سلێمانیسلێمانی کۆدەبێتەوە، ئەندامێکی خانەی راپەڕاندنی بزووتنەوەکە ئاشکرای دەکات، لە کۆبوونەوەکەدا هەڵسەنگاندن بۆ تیمی بزووتنەوەی گۆڕان لە حکومەت دەکەن و تاوتوێی چاکسازیی و کۆنفرانسە ناوخۆییەکانی گۆڕان دەکەن.[3] هەندێک سەرچاوە باس لەوە دەکەن کە لە کۆبوونەوەکەدا گرژی و ئاڵۆزی دروست بووە و بەهۆیەوە کۆبوونەوەکە بۆ ماوەیەک دواخراوە.[4]
- کۆمپانیای تایبەت بە بەخاکسپاردنی تەرم رونکردنەوە دەدات و رایدەگەیەنێت، پارەی گۆڕی منداڵ بە 175 هەزار دینار و گۆڕی مردووانی تەمەن 12 ساڵ بۆ سەرەوە بە 260 هەزار دینار دەبێت.[2]
- بەهۆی کیشەیەکی کۆمەڵایەتی لە شارەدێی تەکیەی کاکەمەندیی سەر بەشارۆچکەی چەمچەماڵچەمچەماڵ سێ کەس کوژراون و سێی دیکەش دیکەش برینداربوون.[5]
دەرەوەی کوردستان
- یوسرا رەجەبیوسرا رەجەب، پەرلەمانتاری تەڤگەری ئازادیی لە ئەنجومەنی نوێنەرانی عێراق، نامەیەک لەسەر سەردانەکەی دوێنێی نێچیرڤان بارزانینێچیرڤان بارزانی بۆ تورکیا ئاراستەی سەرۆک وەزیرانی عێراق دەکات و داوای روونکردنەوەی لێدەکات دەربارەی ئەو ڕێکارە یاساییانەی کە دەیگرنە بەر بەرامبەر سەردانەکەی بارزانی بۆ تورکیا.[7]

#وەزارەتی پەروەردە | #کۆرۆنا | #بزووتنەوەی گۆڕان | #سلێمانی | #چەمچەماڵ | #یوسرا رەجەب | #نێچیرڤان بارزانی |