باکووری کوردستان
- پۆلیسی تورک لە ناوەندی جۆلەمێرگجۆلەمێرگ و شەمزینانشەمزینان، جۆلەمێرگ و گەڤەرگەڤەر لە چوارچێوەی لێپرسینەوە لەدژی کۆنگرەی کۆمەڵگای دیموکراتیک (کەجەدە) 13 کەسی دەستگیرکردبوو. دەستگیرکراوەکان ئەمڕۆ دادگاییکران. لەو 13 کەسە بە تەنها کەسێک بە ناوی هێڤیدار ئەرتونچ ئازادکرا و 12 کەسی تر ڕەوانەی زیندانی جۆلەمێرگ کران.[3]
رۆژهەڵاتی کوردستان
- لە ماوەی ڕۆژانی ڕابردوودا لانیکەم شەش کۆڵبەرکۆڵبەر لە سنوورەکانی نەوسوودنەوسوود، بانەبانە و ورمێورمێ بە تەقەی ڕاستەوخۆی هێزە چەکدارەکانی ئێران بریندار کراون.[7](بڕوانە فایلی پەیوەندیدار)
- کۆڵبەرێکی لاو بە ناوی سەعدی میرزایی کوڕی ڕەشید، تەمەن 24 ساڵ، بە تەقەی ڕاستەوخۆی هێزە نیزامییەکانی حکوومەت لە سنووری نەوسوود پێکرا. ئەو کۆڵبەرە کوردە خەڵکی گوندی قالیچەی بەخشی ناوەندیی سەلاسی باوەجانییە و بەبێ ئاگادارکردنەوەی پێشوو لەلایەن هێزە نیزامییەکانەوە تەقەی لێکراوە. سەعدی میرزایی لەو ڕووداوەدا لاقی پێکراوە و بۆ چارەسەریی پزیشکی ڕەوانەی ناوەندی دەرمانی کراوە.[8]
باشووری کوردستان
- ئێوارەی ئەمرۆ هێزە ئەمنییەکانی دهۆکدهۆک هەریەک لە بەدەل بەرواریبەدەل بەرواری چالاکوانی مەدەنی و ئومێد حاجی بەرۆشکیئومێد حاجی بەرۆشکی ڕۆژنامەنوسیان دەستگیرکرد.[6]
- مامۆستایان و فەرمانبەرانی کەلارکەلار دژی لێبڕین و دواکەوتنی موچەکانیان گردبونەوەیان ئەنجامدا.[2](بڕوانە فایلی پەیوەندیدار)
- بەهۆی لێبڕینی مووچەکانیەوە بەشێک لەپزیشکان و کارمەندانی نەخۆشخانەی شار لەسلێمانی گردبوونەوە و بایکۆتی دەوامیان ڕاگەیاند.[2](بڕوانە فایلی پەیوەندیدار)
- ژمارەیەک لە مامۆستاو فەرمانبەرانی سەر بە خوێندنی کوردی لە کەرکوککەرکوک ئەوانەی ڕاژەکانیان لەسەر حکومەتی هەرێمی کوردستانە لەبەردەم باڵەخانەی پارێزگای کەرکوک و داوای گواستنەوەی ڕاژەکانیان بۆسەر وەزارەتی پەروەردەوەزارەتی پەروەردەی حکومەتی عێراق دەکەن.[1]
- وەزارەتی تەندروستیی هەرێمی کوردستان ئاماری نوێی تووشبوون و گیانلەدەستدانی بە کۆرۆناکۆرۆنا لە 24 کاژێری ڕابردوو بڵاوکردەوە و ئاماژەی بەوە کردووە، 26 تووشبوو گیانیان لەدەستداوە و 618 تووشبووی نوێش تۆمارکراون.[4]
- دوای بەرزبوونەوەی ژمارەی تووشبووانی کۆرۆنا لە سلێمانی، تەندروستی شارەکە هۆکارەکەی بۆ هاتنی ژمارەیەکی زۆر گەشتیار بۆ سنوورەکە گەڕاندەوە و ڕایگەیاند، تووشبووانی کۆرۆنا ڕوو لە کەمی بوو، بەڵام درووستبوونی قەرەباڵغی وایکرد حاڵەتەکان ڕوو لە زیادبوون بکەن، بەتایبەت لە ڕۆژانی جەژن کە بەریەکەوتنێکی زۆر هەبووە.[5]
- وەزارەتی کشتوکاڵ و سەرچاوەکانی ئاوی حکومەتی هەرێمی کوردستان، ڕایگەیاند، گرتنەوەی ڕووباری سیروان و زێی بچووک لە لایەن ئێرانەوە پێچەوانەی هەموو عورف و یاسایەکە و بە توندی ناڕەزایەتی خۆمان دەردەبڕین لە هەمبەر ئه و کارەی ئێران.[5]
- سەرچاوەیەک لە ئەنجوومەنی وەزیرانی هەرێمی کوردستان ڕایگەیاند کە ماوەیەکی زۆرە کێشەی کەمئاوی لە هەردوو شاری سلێمانیسلێمانی و چەمچەماڵچەمچەماڵ هەیە و بۆ چارەسەرکردنی ئەم کێشەیە، سەرۆکی حکومەتی هەرێمی کوردستان بڕیاریدا بڕی زياتر له چوار ملیار دینار بۆ چارەسەرکردنی ئەم کێشەیە خەرج بکرێت.[1]
رۆژئاوای کوردستان
- چەتەکانی سوپای بەناو نیشتیمانی سوریای سەر بە دەوڵەتی داگیرکەری تورک، هەوڵیاندا موڵکی هاوڵاتیان لە گوندی دبسی سەر بە تەل تەمر لە نزیک ڕێگای ئێم4 تاڵان بکەن. کاتێک هاوڵاتیان لەبەرانبەریان وەستانەوە و دژایەتیان کرد، چەتەکان 2 هاوڵاتیان ڕفاند.[3]
دەرەوەی کوردستان
- 22 خێزانی هەرێمی کوردستان کە بۆ چارەسەری نەخۆشیی منداڵەکانیان چوونەتە ئیسرائیل گیریان خواردووە و ناتوانن بگەڕێنەوە هەرێمی کوردستان.[1]
- جارێکی دیکە بەهای دۆلار بەرامبەر لیرەی تورکی ڕووی لە هەڵکشان کردەوە. ئەمڕۆ سێشەممە لەگەڵ کرانەوەی بۆرسەکانی تورکیا، نرخی دۆلارێک بەرامبەر 7.40 لیرەی تورکی بوو. لە کاتێکدا دوێنێ بەر لە داخستنی بازاڕەکان، بەهای دۆلار بەرامبەر لیرەی تورکی لە نێوان 7.31 و 7.34 بووە.[1]