رۆژهەڵاتی کوردستان
- لە ماوەی رۆژانی رابردوودا، بڕیاری دەسبەسەرکردنەوەی هاووڵاتییەکی کورد بە ناوی رەزا ڕەمەزانی کوڕی ئیسفەندیار خەڵکی شابادی کرماشانکرماشان، بۆ ماوەی دوو مانگی دیکە درێژکرایەوە، دواتر بۆ زیندانی دێزڵاوای کرماشان ڕاگوێزرا.[6]
- هاووڵاتییەکی کورد بە ناوی جەعفەر حەسەنزادە کوڕی ئیسماعیل تەمەن 49 ساڵ و خەڵکی گوندی سەروکانیی پیرانشارپیرانشار، بەهۆی ئازار و ئەشکەنجەی توند لە گرتنگەی ئیتلاعاتی سپای پاسداران، ڕەوانەی نەخۆشخانەی عارفیانی ورمێورمێ کرا.[6]
- دادگای ئینقلابی مەریوان چالاکێکی کرێکاری بە ناوی بەختیار ڕەحیمیی بە دوو ساڵ زیندانیی تەعزیری مەحکووم کرد. دادگا ئەو چالاکە کرێکارییەی بە هەوڵدان دژی تەناهیی نەتەوەیی و تەبانی دژی نیزام تۆمەتبار کردووە.[6]
باشووری کوردستان
- زۆرینەی سەرچاوەکان رایانگەیاند؛ بەدرێژاییی ئەمڕۆ فڕۆکەی ئەمریکی بە ئاسمانی رانیەرانیە و قەندیلقەندیل و باڵەکایەتی سووڕاونەتەوە و شاندێکی 12 کەسیی ئەمریکی بۆ دانووستاندن لەگەڵ پەکەکەپەکەکە چوونەتە قەندیل.[7]
- نزیکەی 15 خێزانی عەرەبی هاوردە بە نیازی نیشتەجێبوون چوونە گوندێکی نێوان داقووق و خورماتووخورماتوو، بەڵام دانیشتووانی گوندەکە کە کوردن رووبەڕوویان بوونەوە و شەڕ دروستبوو. مەلا کەریم شکور، بەرپرسی مەڵبەندی 16ی حەمرینی یەکێتی کە بۆ ئاگاداربوون لە رەوشی ناوچەکە چووبووە شوێنی شەڕەکە، لەوێ ئەویش کەوتە بەر هێرشی عەرەبە هاوردەکان و ژمارەیەک عەرەبی ناوچەکە. بەڵام بە سەلامەتی دەرچووە و تەنیا زیان بەر ئۆتۆمبێلەکەی کەوتووە.[2]
- هەردوو پەرلەمانتار جەمال شوکر و مەریوانمەریوان نادر، لە راگەیەنراوێکی هاوبەشدا ئاشکرایانکردوە: بە مەبەستی چارەسەرکردنی کێشەی عەرەبە هاوردەکان و دەرکردنیان لە سنوورەکە لەگەڵ پەرلەمانتار مەریوان نادر، گەیشتینە گوندەکانی جەمبوور 1 و جەمبوور 2 لە هەفتەغار و قولی تەپە. رونیشکراوەتەوە: هێزە ئەمنییەکانی ناوچەکە بەڵێنیان پێداین کە دەستبەجێ ناوچەکە لە عەرەبە هاوردەکان چۆڵبکرێت تا ئەو کاتەی کێشەکە بە یاسا چارەسەر دەکرێت.[3]
- جەلیل گادانیجەلیل گادانی کەسایەتیی ناسراوی رۆژهەڵاتی کوردستان و ئەندامی پێشوو و رێبەری حیزبی دیموکرات تووشی کۆرۆناکۆرۆنا بووە و لە یەکێک لە نەخۆشخانەکانی هەرێمی کوردستان چاودێری دەکرێت.[2]
- وەزارەتی تەندروستی حکومەتی هەرێمی کوردستان رایگەیاند: لەماوەی 24 سەعاتی ارابردودا 334 کەسی دیکە توشی کۆرۆنا بون و نۆ توشبو گیانیان لەدەستداوەو 122 توشبوی ڤایرۆسەکەش چاکبونەتەوە.[5]
- سەرچاوەیەک لە نەخۆشخانەی ئاسای تایبەت بە تووشبووانی کۆرۆنا لە سلێمانیسلێمانی رایگەیاند هونەرمەند سابیر کوردستانیسابیر کوردستانی تووشی ڤایرۆسی کۆرۆنا بووە و پێشتر لە ژێر چاودێری تەندروستیدا بووە، بەڵام ئێستا تەندروستی جێگیرە.[4](بڕوانە فایلی پەیوەندیدار)
- بەڕێوەبەرایەتی تەندروستی دهۆکدهۆک بڵاویکردووەتەوە، درەنگانی شەوی رابردوو دوو توشبووی کۆرۆنا کە پیاون و تەمەنیان 63 - 66 ساڵانە و خەڵکی بەردەرەشن، گیانیان لەدەستدا. ئەوە یەکەم کەیسی گیان لەدەستدانە لە سنووری پارێزگای دهۆک بە کۆرۆنا.[4]
- دوای پێنج رۆژ لە ئاگر و سووتانی هەزاران دۆنم پووش و پاوان و هەزاران داری سرووشتی، ئاگرەکەی چیاکانی زەواڵی و بەردە دووکون لە سنووری دەربەندیخاندەربەندیخان کۆنتڕۆڵکرا.[2](بڕوانە فایلی پەیوەندیدار)
- تەندروستی گەرمیانگەرمیان ئاماری یەک هەفتەی تووشبووانی کۆرۆنای بڵاوکردەوە، کە لەو ماوەیەدا نۆ تووشبووی کۆرۆنا گیانیانلەدەستداوە.[3]
رۆژئاوای کوردستان
- دەوڵەتی داگیرکەری تورک لە سەر رێگای M4 کەسێکی مەدەنی بریندار کرد.[1]
دەرەوەی کوردستان
- کەمپەینی ئازادی بۆ زەینەب جەلالیانزەینەب جەلالیان لە شاری شفێڵدی بەریتانیا هەڵمەتی کۆکردنەوەی واژۆی بۆ ئازادیی زەینەب جەلالیان ئەنجامدا.[1]
- تورکیا رایگەیاند، تاوەکو 1ی ئەیلوول گەشتە ئاسمانییەکان لەگەڵ عێراق ناکاتەوە، عێراقیش هەموو گەشتە ئاسمانییەکانی بۆ تورکیا هەڵوەشاندەوە.[2]
- حکومەتی سووریا، بە توندی ئیدانەی رێککەوتنی نێوان هێزەکانی سووریای دیموکرات(هەسەدەهەسەدە) و کۆمپانیایەکی نەوتی ئەمەریکایی کرد. دیمەشق ئه و رێککەوتنەی بە هەوڵێک بۆ دزینی نەوتی سووریا بە پشتیوانی و چاودێری ئەمەریکا وەسفکرد. وەزارەتی دەرەوەی سووریا، رایگەیاند، ئێمە ئه و رێککەوتنە بە دزینی نەوتی وڵاتەکەمان هەژمار دەکەین و رێککەوتنەکە تەنیا ئەوە دەگرێتەخۆی کە، لە نێوان دز و دزی کڕیاردا واژوو کراوە.[4]
- وەزارەتی تەندروستیی عێراق ئاماری 24 کاتژمێری رابردووی تووشبوون، گیانلەدەستدان و چاکبوونەوە لە کۆرۆنای راگەیاند. کە تێیدا هاتووە: 63 کەس بەهۆی کۆرۆنا لە عێراق و هەرێمی کوردستان گیانیان لەدەستداوە، دوو هەزار و 447 کەسی دیکە تووشبوون، هەروەها دوو هەزار و 611 کەس لە کۆرۆنا چاکبوونەتەوە.[5]

#کرماشان | #پیرانشار | #ورمێ | #رانیە | #قەندیل | #پەکەکە | #خورماتوو | #مەریوان | #جەلیل گادانی | #کۆرۆنا | #سلێمانی | #سابیر کوردستانی | #دهۆک | #دەربەندیخان | #گەرمیان | #زەینەب جەلالیان | #هەسەدە |