$رۆژهەڵاتی کوردستان$
- داگیرکەری ئێران، دیسانەوە ماڵپەڕی #کوردیپێدیا#ی فیلتەرکردەوە.
- 10 چالاکی مەدەنی خەڵکی شاری #بانە# لەلایەن دادسەرایی گشتیی ئەو شارەوە بە تۆمەتی بەشداری لە گردبوونەوەی ناڕەزایەتی مانگی خەرمانانی ساڵی 2017 کە بە مەبەستی ناڕەزایەتی دەربڕین بە کوشتنی #کۆڵبەر#ان ڕیکخرابوو، سەرجەم حوکمی 30 مانگ بەندکران، لێدانی 250 قامچی و پێبژاردنی 250 میلیۆن تمەن پارەیان بەسەریاندا سەپێندرابوو.[3]
$باشووری کوردستان$
- تورک هەردوو گوندی سڵێ و ئێندزەی لە سنووری بناری #قەندیل# بۆردوومانکرد.[1]
- فڕۆکە جەنگیەکانی سوپای داگیرکەری دەوڵەتی تورک ناوچەی خواکورک و شاخی بێسوکای سەر بە دەڤەری #برادۆست#یان بوردومان کرد. بەهۆیەوە ئاگرێکی زۆر کەوتەوە.[4]
- وەزارەتی تەندروستیی هەرێمی کوردستان تووشبوونی 245 کەس و گیانلەدەستدانی 11 کەسی بە ڤایرۆسی #کۆرۆنا# لە 24 کاژێری ڕابردوو ڕاگەیاند. [5]
- #لاهور شێخ جەنگی# هاوسەرۆکی یەکێتی لە #هەولێر#ەوە ڕایگەیاند: بەڵێنمانداوە بەئێوەو خوێنی شەهیدەکانتان، یەکێتی شێوازی سیاسیەتکردنی دەگۆڕێت، چەقی ململانێی سیاسیمان دێنێنەوە هەولێر، ململانێی سیاسی دەبێت لە#دهۆک# و #زاخۆ#ش بێت.[2]
- فەرمانبەرانی بەنداوەکانی هەرێمی کوردستان بەهۆی پێنەدانی مووچەکانیان بایکۆتی دەوام دەکەن.[1]
$دەرەوەی کوردستان$
- وەزارەتی گواستنەوەی عێراق، دەستپێکردنەوەی گەشتە دەرەکییەکان لە فڕۆکەخانەی نێودەوڵەتی بەغدا بۆ چەند وڵاتێکی جیهان بڵاودەکاتەوە و گەشتیاران دەبێت 72 کاژێر بەر لە گەشتەکەیان پشکنینی کۆرۆنا بکەن.[1]
- کوردان لە شاری ئۆتاوای پایتەختی کەنەدا کۆبوونەوە و فرۆشتنی چەکی کەنەدا بە دەوڵەتی تورک-یان ئیدانە کرد. چالاکییەکە بە پێشەنگایەتیی فیدراسیۆنی کورد ڕێکخرا و لەو چالاکییەدا داگیرکەری، هێرشە پاکتاوکارییەکانی دەوڵەتی تورک و فرۆشتنی چەکی کەنەدی بە دەوڵەتی تورک ئیدانە کرا.[4]