=KTML_Bold=Fermandarên HPG’ê û YJA Starê diyar kirin ku Sema Koçer=KTML_End= a li Eyaleta Serhedê çalakiya fedayî kir çawa ji bo dijmin, ji bo gerîla jî peyam da û gotin: “Em ê di nava têkoşînê de bibin layîqî çalakiya wê.”
Ji Fermandarên HPG’ê Rêzan Amed û Fermandarên YJA Starê Laleşîn Cûdî êrîşên demê dawî yên dewleta Tirk û çalakiya fedayî ya gerîlaya YJA Starê Sema Koçer nirxandin.
Ji Fermandarên HPG’ê Rêzan Amed diyar kir ku dewleta Tirk 2016’an êrîşî Qelaya Etrûş kir û operasyona xwe berfireh kir, gav bi gav êrîşên dagirkeriya Başûrê Kurdistanê jî bibîr xist. Amed anî ziman ku bi hedefa ku gerîlayan li hemû qadan bê bandor bike, di nava çend mehan de ‘heta biharê’ xwestin gerîlayan li ti qadê nehêlin, hemû tevger, rêyên hatin-çûyîn, qadên bicihbûnê bê bandor bikin û got: “Di dîroka tevgerê de çiqasî dijmin ketibe nava êrîşên faşîzan ên mezin de, gerîla jî mezin li ber xwe daye. Ev berxwedan dibe di şexsê hevrêyekê de, bi pêngavekê yan gotina hevrêyekê pêk hatiye. Di demê dawî de çalakiyên hevrê Zinar û Sema mînakên vê berxwedanê ne û rênîşaner in. Dîsa grevên birçîbûnê yên bi pêşengtiya Leyla Guven li zindanan destpê kir di heman nirxî de bûne çalakiyên rê veker.
‘=KTML_Bold=WERZ TÊN Û DIÇIN; EM LI VIR IN’=KTML_End=
Amed bi domdarî got: “Em niha di sala 2020’ê de ne. Dijmin hê di xeyalê tinekirina gerîla de ye. Li ser vê alîkariyên malî û leşkerî kom dikin. Niha hûn dibînin, Zivistan hat û çû, Bihar hat; wê Havîn bê, Peyîz were, wê dîsa Zivistan bê yanî werz tên û diçin, em li vir in. Ne hedê Tirkiyeyê ye ku gerîla tine bike. Hevrê Sema ji bo dijmin peyama ‘Her yek ji me wê bibe bombeyek atomê wê di dilê we de biteqe’ da.
=KTML_Bold=DIJMINÎ JI KURDISTANÊ BAVÊJIN=KTML_End=
Fermandar Amed da diyakirin ku Semayê ev peyam da gêrîlayan: “Pêwîste ku tu kes nemîne li bendê. Her PKK’yiyek ji aliyê xwe ve partiyek, artêşeke. Derfetên xwe rast bi kar bînin. Jiyanê li dijminan teng bikin û ji Kurdistanê rakin û bavêjin.”
=KTML_Bold=‘DA NÎŞAKIRIN KU EM ÇAWA ŞER DIKIN’=KTML_End=
Ji fermandarên YJA-Starê Laleşîn Cûdî jî bal kişand li ser polîtîkaya dijminahiya dewleta Tirk a li Kurdan a di bin navê ‘Têkoşîna li dijî terorê’ ya li her çar parçeyên Kurdistanê û got: “Erkê me yê bîngehîn jî li dijî dagirkerên Kurdisatanê têkoşîn û berxwedan mezin kirin û şer kirine.”
Cudî bibîr xist ku di destpêka salê de Sema Koçer li Eyaleta Serhetê çalakiyek fedayî pêk anîye û wiha pêde çû: “Ji fermandarên me yên mezin li gel Çîçek Botan mabû. Di nava tevgera me de, ji Zîlanan destpê kir heta ruhê tolhildanê yê îro her tim zindîbûna wê parast. Hevrê Sema ev pêşketin berdewam kir. Bêguman PKK, tevgera fedayiyan û tolhildêrane. Her kadroyên tevgerê, bi vî moral û motîvasyonê li dijî dagirkeran şer dikin. Bi çalakiya hevrê Sema, da nîşa kirin hêzên me yên YJA-Star di 2020’an de çawa şer dikin. Em ê di nava têkoşînê de bibin layîqî çalakiya wê.”[1]