جەماوەری خۆڕاگری کوردستان
تێکۆشەرانی گۆڕانکاری و چاکسازی
پاش لادانی دەسەڵاتدارانی گۆڕان لە پرەنسیپەکانی چاکسازی و گۆرانکاری و هەنگاوە هەمەجۆرەکانیان بۆ پێشێلکردنی ژیانی ڕێکخراوەیی یٔاسودە و دەستەجەمعی ناو بزوتنەوەکە کۆمەڵێک لە هەڵسوراوان لە دەرەوەی وڵات لە مانگی یٔۆکتۆبەری 2018 دەستپێشخەری دامەزراندنی یٔاراستەیەکیان بە ناوی پرۆژەی چاکسازی ناو گۆڕان، ناسراو بە (پرۆگۆڕان)، کرد، خاڵە بنەرەتیەکانی پرۆژەکە بۆ ڕاستکردنەوەی دۆخی ناوخۆی گۆڕان بوو بە ڕێگەی پێرەوکردنی بریاری دەستەجەمعی و پێرەوکردنی برگە گرنگەکانی دەستوری گۆڕان.
بۆ یٔه و مەبەستە پرۆگۆڕان پرۆژە و یاداشتی یٔاراستەی بازنەکانی دەسەڵاتی گۆڕان کرد، مەخابن نەک هەر هیچ وەڵامێکیان نەبوو هەڵسان بە هەڵمەتێکی ناشرینی دوور لە ڕەوشت و نەریتی گۆرانخوازان بۆ ناوزراندن و بەرەنگاربونەوەی یٔه و دەستە هەڵسوراوە و یٔاراستەی پرۆگۆڕان.
لە بەرامبەر یٔه و هەڵمەتدا پرۆگۆڕان بە سەبرێکی بێیٔەندازە و دیدگایەکی ورد و بەرپرسانە بەردەوام بوو لە قەناعەت هێنان بە دەسەڵاتدارانی گۆڕان کە یٔه و سیاسەت و کارانەی دەیانکەن لە خزمەتی پرسەکانی چاکسازی و گۆڕانکاریدا نین و لە گەڵ پرەنسیپەکانی ڕەوانشادیش #نەوشیروان مستەفا# یەک ناگرنەوە.
مەخابن جارێکی تر بەردەوامبون لە کاری نادەستوری و میزاجی، وەک سزادان و دەرپەڕاندن و دەرکردنی هەڵسوڕاوە دڵسۆزەکان و لە یٔاستی ناوخۆی گۆڕانیش کەسانی بێ توانا و گەندەڵ و لادەریان کردە پێشەنگی کار و کردار و هەڵوێستەکانیان، هاوتەریب لە گەڵ یٔەم دۆخەدا تا دەهات دەیان هەزار دەنگدەری گۆڕان و جەماوەرەکەی بێیٔومێد دەبون لە دەسەڵاتە خۆسەپێنەرەکە بە سەر موقەدەراتی بزوتنەوەکەدا. لە لایەکی تریشەوە دیاردەکانی دەسەڵاتی سێبەر لە لایەن کوڕەکانی ڕەوانشاد بوە واقیعێکی تفت و تاڵ و نەخوازراو، له و ساتە وەختانەدا یٔەم دیاردەیەش هۆکارێکی گرنگی تر بو بۆ داکشانی متمانە و یٔومێدی جەماوەر بە بزوتنەوەکە.
پرۆگۆڕان لە ماوەی زیاتر لە ساڵێک چی پێکرابێت بۆ تۆکمەکردنی پەیوەندیەکانی لە گەڵ کەسایەتی و گروپ و هەڵسوڕاوە ناڕازیەکان درێغی نەکردوە، یٔەمەش بەمەبەستی داڕشتنی دیدگایەکی هاوبەش بۆ یٔایندەی پرسەکانی چاکسازی و گۆڕانکاری لە ژیانی سیاسی و حوکمرانی و یٔابوری و کۆمەڵایەتی کۆمەڵگای کوردستان، خۆشبەختانە له و بوارەدا پێشکەوتنی بەرچاو بەدەستهێنراون.
لە ساتەوەختی گفتوگۆکان بۆ بەشدرایبونی گۆڕان لە کابینەی نۆدا پرۆگۆڕان ڕاشکاوانە ڕایگەیاند، لە گەڵ بەشداری گۆڕان لە حکومەتدا نین، جەختیش کرایەوە گەر هەر بەشدار دەبن هاوسەنگی و پاراستنی سەربەخۆیی بزوتنەوەکە و جێگیرکردنی پرسە بنەرەتیە گرنگەکانی گۆڕان لە کارنامەی حکومەت پێویستن بۆ گەڕانەوەی قورسایی گۆڕان و بەدەستهێنانەوەی متمانەی جەماوەرەکەی.
نزیکەی ساڵێکە گۆڕان بەشدارە لە حکومەت و تا یٔەم چرکەیەش هەنگاو و کارەکانی کابینەی نۆ لە بوارەکانی چاکسازیدا لە هەنگاو و یٔیجرایٔاتی لابەلا تێنەپەریون، هاوکاتیش پێگەی نوێنەرانی گۆڕان گەمارۆدراو و لاوازە و ڕەنگدانەوەی یٔاوات و خەونەکانی جەماوەری گۆڕان نین. بەناو دوا یاسای چاکسازی کابینەکە لە یٔیجرایٔاتی وەزیفی و دارایی زیاتر نیە و بوارەکانی پێڕەوکردنی دادپەروەری کۆمەڵایەتی و شەفافیەت لە داهات و خەرجیات بەهەند وەرنەگیراون، هاوکاتیش یەکەم هەنگاوی بنەڕەتی بۆ چاکسازی لە پارەی خانەنشین و موچەوە دەست پێناکات بەڵکو لە سەروەری یاسا و جیاکردنەوەی دەسەڵاتەکان و سەربەخۆیی سیستەمی داد، یٔه و چەمکانەی غیابی کوشندەیان لە حوکمرانی خۆماڵیدا هەن.
دوای یٔەوەی سەرانی گۆڕان خەمسارد بون و یٔامادەش نەبون گوێ لە هەوڵی دڵسۆزانەی یٔه و یٔاراستە چاکسازیەی ناو ماڵی گۆڕان بگرن و پڕۆژە و هەوڵەکانمانیان بۆ چاکسازی ڕەتکردەوە و بەهەند وەرنەگرت، لە گەڵ یٔەوەشدا گۆڕانیان توشی ڕۆچونی زیاتر کرد و لە خواستی جەماوەریش دابراند.
لە کاتێکدا ڕایدەگەیەنین پرۆگۆڕان بەشێک نەبوە لەوەی لە ناو گۆڕان دا دەگوزەرا و بەشێکیش نین لەوەی دەگوزەرێت، هاوکات لە یٔاکامی یٔه و ڕوداو و گۆڕانکاریانە پرۆگۆڕان گەیشتۆتە باوەڕی تەواو کە پرسەکانی چاکسازی و گۆڕانکاری ناو گۆڕان کارێکی مەحاڵە و هەر یٔومێدێک له و بوارانەدا وەک ڕاکردن بەدوای سەرابی بیاباندا وایە.
بۆیە ڕایدەگەیەنین لەمەودوا کاری سەرەکیمان لە گەڵ هێز و گروپەکان لە وڵات و دەرەوە و پەرلەمانتارە یٔۆپزسیۆنەکانی ناو پەرڵەمان و کەسایەتی و ڕۆشنبیرە دڵسۆزەکان دەبێت بۆ سازدانی بزاڤێکی جەماوەری هەمەرەنگ کە به و ڕێگا و شیوازە گونجاوانەی بەپێویستی دەزانن کار بۆ یٔایندەی نەتەوە و نیشتمان بکات، یٔایندەیەک لە سەر بنەماکانی سیستەمێکی دیموکراسی دور لە هەژمون و باڵادەستی حزبی و بنەماڵەیی بێت و پێڕەوی یاسا و دادپەروەری کۆمەڵایەتی و شەفافیەت لە داهات و خەرجیات و سازدانی پەیوەندی نیشتمانی هاوسەنگ لە گەڵ حکومەتی عێراق بکات و ڕەچاوی جدی بەرژەوەندیە باڵاکانی نەتەوەی کورد لە کوردستانی گەورەش بکات.
گونجاو لە گەڵ یٔەم دیدگا چروپڕە بە پێویستمان زانی یٔاراستەی پرۆگۆڕان هەڵبوەشێتەوە و لە ڕەوتی یٔایندەی نیشتمان (رەوا) بەردەوام بین.
رەوا بەپێویستی دەزانێت جەخت بکاتەوە لەوەی هەر سێ حزبی بەشدار لە حکومەتدا، بەشدارو بەرپرسیاری سەرەکین له و دۆخە یٔاڵۆز و سەختەی ڕوبەروی میللەتەکەمان بۆتەوە، سەرکەوتوش نەبون لە سازدانی پەیامێکی نەتەوەیی و نیشتمانی جدی و دروستی یەکگرتوو لە پەیوەندی لە گەڵ حکومەتی عێراق، لە یٔاکامدا میللەت باجێکی گەورەی یٔەم شکستانەی حکومەتی هەرێم داوە و دەیدات.
لێرەدا سەری نەوازش بۆ شەهیدانی کورد و کوردستان دادەنەوێنین،
بەڵێن بە میللەتەکەمان دەدەین بەشێکین لەوان و بۆ یٔەوانیش و بەیەکەوە دەست لە ناودەست بەره و یٔایندەیەکی گەش هەنگاو دەنێین.
رەوتی یٔایندەی نیشتمان (رەوا)
11-05- 2020