$- کەمکردنەوەی خەرجییەکان$
ئەنجوومەنی وەزیرانی هەرێمی کوردستان سەبارەت بە کەمکردنەوەی خەرجییەکان 9 بڕیاری دەرکردووە کە پێکهاتوون لە:
=KTML_Bold=یەکەم:=KTML_End= کەمکردنەوەی مووچە و دەڕماڵەی خاوەن وەزیفە باڵاکان و پلە تایبەتەکان لە سەرۆکایەتی هەرێمی کوردستان و حکومەتی هەرێم و سەرۆکایەتی و ئەندامانی پەرلەمان و ئەنجوومەنی دادوەریی و ئەنجوومەنی پارێزگا لە بوارەکانی خزمەتی شارستانی و سەربازیی و هێزەکانی ئاسایشی ناوخۆ و ئاسایشی گشتی و ئەنجوومەنی ئاسایش و ئەوانەی بەو پلانە خانەنشین بوون یان خانەنشین دەبن.
=KTML_Bold=دووەم:=KTML_End= خەرجکردنی تەنیا مووچەی بنەڕەتی بۆ ئەو پلە تایبەتانەی کە لە بەڕێوەبەری گشتی بەرەو سەرەوەن و سەرۆکی یەکە کارگێڕییەکان لە پارێزگار و قایمقام و بەڕێوەبەری ناحیە کە معومن و پێویستە لەسەر #وەزارەتی دارایی# و ئابووری لە ماوەی 30 ڕۆژ لە چوارچێوەی یاسای چاکسازیی چارەنووسی وەزیفیان یەکلایی بکاتەوە.
=KTML_Bold=سێیەم:=KTML_End= پێویستە وەزارەتی دارایی و ئابووری مووچە تەنیا بۆ ئەو کەسانە خەرج بکات کە تۆمارن لە داتابەیسی تۆماری بایۆمەتری و بە فیعلی لە خزمەتی وەزیفیدان، هەروەها بڕینی مووچەی ئەو کەسانەی کە بە فیعلی خزمەتی وەزیفی ناکەن.
=KTML_Bold==KTML_Bold=چوارەم:=KTML_End==KTML_End= کەمکردنەوەی بودجەی تەشغیلی بۆ نزمترین ئاست بە جۆرێک تەنیا بوارە سەرەکییەکانی خەرجی بگرێتەوە وەکو بواری دابینکردنی دەرمان و پێداویستی پزیشکی و تاقیگەیی و خواردنی نەخۆشخانە و زیندانییەکان و خانەی بەساڵاچووان و نەوجەوانان و منداڵان و شێڵتەرەکانی ژنان وپاکردنەوەی شار و شارۆچکەکان و نەخۆشخانەکان و پێداویستییەکانی ئاو و کرێی وێستگەکانی بەرهەمهێنانی کارەبا و چاکردنەوەی ڕێگەوبانەکان.
=KTML_Bold=پێنجەم:=KTML_End= پەیڕەوکردنی سیستمی نوێی ئۆنلاین بۆ خەرجکردنی بودجەی تەشغیلی لە پێناوی برەودان بە شەفافیەت و کەمکردنەوەی ڕووتین.
=KTML_Bold=شەشەم:=KTML_End= ڕاگرتنی خەرجییەکانی بودجەی وەبەرهێنان (پڕۆژەی وەزارەتەکان و پەرەپێدانی پارێزگاکان).
=KTML_Bold=حەوتەم:=KTML_End= پێداچوونەوە بە نەسریە و پێشینەی وەزارەت و سەرجەم دامەزراوەکانی هەرێم لە لایەن ئەنجوومەنی وەزیران و وەزارەتی دارایی و ئابووری بە ئاراستەی کەمکردنەوەی بۆ نزمترین ئاست.
=KTML_Bold=هەشتەم:=KTML_End= ڕاگرتنی خەرجکردنی ڕاستەوخۆی وەزارەتەکان لەسەر بەشە داهاتی خۆیان.
=KTML_Bold=نۆیەم:=KTML_End= پێداچوونەوە بە خەرجییەکانی خزمەتگوزاریی بواری نەوت و گاز.
$- زیادکردنی داهات$
لە تەوەرێکی دیکەی کۆبوونەوەکەدا لە دوای گفتوگۆ و ڕاگۆڕینەوە سەبارەت بە زیادکردنی داهات، ئەنجوومەنی وەزیران ئەم بڕیارانەی دەرکرد:
=KTML_Bold=-یەکەم:=KTML_End= ڕێکخستنەوەی ئەو خزمەتگوزارییانەی لە لایەن کەرتی تایبەتەوە بە شێوەی گرێبەست لە دەروازە سنوورییەکان پێشکەش دەکرێن بە جۆرێک، دەبێت داهاتی ئەو خزمەتگوزارییانە بۆ بەرژەوەندی گشتی بێت.
=KTML_Bold=-دووەم:=KTML_End= هەڵوەشاندنەوەی سەرجەم ئەو لێخۆشبوونانەی کە دراون لە ڕەسمی گومرگ و باج کە ناگونجێن لەگەڵ یاسا و ڕێنماییەکان.
=KTML_Bold=-سێیەم:=KTML_End= کۆنترۆڵکردنی دەروازە سنوورییەکان بەمەبەستی ڕێگری لەهەر کارێکی نایاسایی کە زیان بە داهاتی گشتی بگەیێنێت.
-چوارەم: پابەندکردنی کۆمپانیا ناوخۆییەکانی بواری نەوت و گاز، کۆمپانیاکانی بواری سکیوریتی و کۆمپانیاکانی بواری پەیوەندی و ئینتەرنێت و پرۆژەکانی نیشتەجێبوون بە پێدانی باج لە چوارچێوەی یاسا وڕێنماییەکان.
=KTML_Bold=-پێنجەم:=KTML_End= ڕێکخستنەوەی میکانیزم و ئەو لایەنانەی کە ڕسوماتی خزمەتگوزاریی وەزارەتەکان بە شێوەی گرێبەست کۆدەکەنەوە بەجۆرێک کە لە خزمەتی بەرژەوەندی گشتیدا بێت.
=KTML_Bold=-شەشەم:=KTML_End= سەپاندنی باج لەسەر هاوردەکردن و پاڵاوتنی بەرهەمە نەوتییەکان.
=KTML_Bold=-حەوتەم:=KTML_End= پێویستە لەسەر وەزارەتی کشتوکاڵ و سەرچاوەکانی ئاو پۆڵینی سەرجەم ئەو زەوییە کشتوکاڵییانە بکات کە زێدەڕۆییان لەسەر ئەنجام دراوە، سەرەڕای پێداچوونەوەی ئەو زەوییە کشتوکاڵییانەی بە گرێبەست بەکرێدراون لە ڕووی نرخ و شێوازی گرێبەست بۆ ئەوەی وەک سامانێکی نیشتمانیی مامەڵەیان پێوە بکرێت.
=KTML_Bold=-هەشتەم:=KTML_End= هەڵوەشاندنەوەی تەرخانکردنی زەوی بۆ ئەو پڕۆژانەی مۆڵەتی وەبەرهێنانیان پێدراوە، بەڵام دەستیان بە جێبەجێکردنی پرۆژەکان نەکردووە.
=KTML_Bold=-نۆیەم:=KTML_End= هەڵوەشاندنەوەی تەرخانکردنی زەوی کە بە موساتەحە دراون، بەڵام دەستیان بە جێبەجێکردنی پرۆژەکان نەکردووە.
=KTML_Bold=دەیەم:=KTML_End= تاپۆکردنی سەرجەم ئەو زەوییانەی کە بە شێوەی کارت تەرخانکراون بۆ هاووڵاتیان و هەروەها تاپۆکردنی یەکەکانی نیشتەجێبوون لە پرۆژەکانی وەبەرهێنان بە ناوی هاووڵاتیان و پێداچوونەوە بە نرخی خزمەتگوزارییی کۆمەڵگەکانی نیشتەجێبوون.
=KTML_Bold=یازدەیەم:=KTML_End= جەردکردنی سەرجەم موڵک و ماڵی حکومەت و سەرجەم دامەزراوەکان لە لایەن وەزارەتە پەیوەندیدارەکانەوە تا وەک سەرچاوەیەک بۆ داهاتی گشتی مامەڵە بکرێت.
=KTML_Bold=دوانزەیەم:=KTML_End= وەرگرتنەوەی قەرزە بازرگانییەکان لە لایەن وەزارەتی دارایی و ئابووری لەبەر ڕۆشنایی یاسای چاکسازیی.
=KTML_Bold=سێزدەیەم:=KTML_End= پەسەندکردنی پێشکەشکردنی خزمەتگوزاریی دابەشکردنی کارەبا و کۆکردنەوەی کرێی بەشداربووانی کارەبا لە لایەن کەرتی تایبەتەوە لە ژێر سەرپەرشتی و چاودێری حکومەت.
=KTML_Bold=چواردەیەم:=KTML_End= پەسەندکردنی پرۆژەی کڕینەوە و بە بازاڕکردنی گەنمی جووتیارانی هەرێمی کوردستان لە لایەن کەرتی تایبەت لە ژێر سەرپەرشتی و چاودێری حکومەت بە مەبەستی پاڵپشتیکردنی کەرتی کشتوکاڵ.
=KTML_Bold=پازدەیەم:=KTML_End= داشکاندنی ڕێژەیەک لەو پێشینانەی حکومەت کە لە لای هاووڵاتیانە (پێشینەی خانووبەرە و پێشینەی هاوسەرگیریی و قەرزی بچووک) بە مەرجێک هاووڵاتیان ئامادە بن تا ڕۆژی 15-07-2020 تەواوی بڕی پێشینەکان بگەڕێننەوە بۆ حکومەت.
$- سووککردنی بار و گوزەرانی ئەوانەی بە هۆی ڕێکارەکانی خۆپارێزی لە کۆرۆنا زیانمەند بوون$
=KTML_Bold=یەکەم:-=KTML_End= لێخۆشبوون لە کرێی کرێچی موڵکەکانی حکومەتی هەرێم بۆ مەبەستی بازرگانی یان پیشەسازی یان کشتوکاڵی یان هەر مەبەستێکی دیکە، بۆ ئەو ماوەیەی کە نەیتوانیووە بە شێوەی ئاسایی بەکاریبهێنێت بەهۆی داخستن بەپێی ڕێکارەکانی خۆپارێزیی لە کۆرۆنا یان قەدەخەی هاتووچۆ.
=KTML_Bold=دووەم:-=KTML_End= بەخشینی هاووڵاتیيان لە دواکەوتنی پێبژاردن کە کەوتووەتە ئەستۆیان لە ئەنجامی پابەندنەبوونی یاساییان بەرامبەر بە دامەزراوە فەرمیەکانی حکومەتی هەرێمی کوردستان، ئەگەر وادەی پابەندبوونەکەیان کەوتبێتە ئەو ماوەیەی کە بڕیاری قەدەخەی هاتووچۆی تێدا دراوە وەک ڕێکاریی خۆپارێزیی.
=KTML_Bold=سێیەم: -=KTML_End=دواخستنی وەرگرتنەوەی بڕی گوژمەی سەر هاووڵاتيیان بۆ بەرژەوەندی دامەزراوەی حکومی و شارەوانيیەکان بۆ ماوەی قەدەخەی هاتووچۆ بەبێ ئەژمارکردنی هیچ سوود و پێبژاردنێکی دواکەوتن بۆ ئەو ماوەیە.
=KTML_Bold=چوارەم: -=KTML_End=لەسەر وەزیری ئەوقاف و کاروباری ئایینی پێویستە ڕێکاری یاسایی پێویست بگرێتە بەر بەرامبەر بە کرێچی موڵکەکانی ئەوقاف لەژێر ڕۆشنایی بڕگەکانی ئەم بڕیارە.
=KTML_Bold=پێنجەم: -=KTML_End=بڕی (15%) دادەشکێندرێت لەو بڕە پارەیەی کە کرێچی دەیدات لە کرێی ئاو و کارەبا کە دەکەوێتە ئەستۆی قەرزدار پێش دەرچوونی ئەم بڕیارە، ئەم داشکاندنە بەردەوام دەبێت تاکو 15-06-2020.
=KTML_Bold=شەشەش:-=KTML_End= پێویستە لەسەر فەرمانگەکانی باج ماوەی قەدەغەی هاتووچۆ و ماوەکانی داخستنی شوێنە بازرگانی و پیشەسازی و پیشە تایبەتەکان و هەروەها چالاکیيەکانی تر کە دەکەونە ژێر باری باجی داهات، هەژمار نەکەن وەک ماوەی چالاکی بۆ وەدەستهێنانی داهات کەدەکەونە ژێرباری وەرگرتنی باج بە هەموو جۆرەکانیيەوە.
$- دەستپێکردنەوەی دەوام$
ئەنجوومەنی وەزیران سەبارەت بە دەستپێکردنەوەی دەوامی فەرمی وەزارەت و لایەنەکانی نەبەستراو بە وەزارەت، ئەم بڕیارانەی دەرکرد:
=KTML_Bold=یەکەم؛=KTML_End= دەستپێکردنەوەی دەوامی فەرمی فەرمانبەران تەنیا لە دیوانی وەزارەت و لایەنە نەبەستراوەکان بە وەزارەت لە ڕێککەوتی 06-05-2020ەوە.
=KTML_Bold=دووەم؛=KTML_End= وەزارەت و لایەنە نەبەستراوەکان بە وەزارەت دەسەڵاتی تەواویان دەبێت بۆ دەستپێکردنەوەی دەوامی فەرمانگەکان و ڕێکخستنی دەوامی فەرمانبەران بەپێی پێویست و بەمەبەستی گەیاندنی خزمەتگوزاری و ڕاییکردنی مامەڵەی هاووڵاتییان لە 11-05-2020.
=KTML_Bold=سێیەم؛=KTML_End= فەرمانگەی تەکنەلۆژیای زانیاری لە ئەنجوومەنی وەزیران لەگەڵ دامودەزگاکانی حکومەتی هەرێمی کوردستان هەماهەنگی دەکات بەمەبەستی کارئاسانی لە جێبەجێکردن و ڕاییکردنی مامەڵەی هاووڵاتییان بە شێوەی ئەلیکترۆنی.
=KTML_Bold=چوارەم؛=KTML_End= هاووڵاتییان لە دوای 11-05-2020 دەتوانن سەردانی فەرمانگەکان بکەن بە لە بەرچاوگرتنی ڕێکارەکانی خۆپارێزی و ڕێنماییە تەندروستییەکان.
- لامەرکەزی ئیداری
ئەنجوومەنی وەزیران جەختی کردەوە لەسەر کارکردن بۆ چەسپاندنی لامەرکەزیەتی ئیداریی لە سەرجەم پارێزگاکان بەبێ جیاوازی و بەو شێوەیەی لە بەرنامەی کاری کابینەی نۆیەمی حکومەتی هەرێمدا هاتووە بە جۆرێک کە گونجاو بێت لەگەڵ سیستەمی یاسایی و کارگێڕی هەرێمی کوردستان و شۆڕکردنەوەی دەسەڵاتەکان و دابەشکردنی ئەرک و بەرپرسیاریەتی بە پێی یاسا، لە ژێر چاودێری سەرۆکایەتی حکومەت لەگەڵ پاراستنی قەوارەی دەستووری هەرێمی کوردستان.