یووسف بەگی ئیمامی شاعیرێک بووە لە تیرەی ئیمامیی جاف کە لە کاتی میرایەتی محەممەد پاشای کوڕی کەیخەسرەو بەگدا ژیاوە و بە شێوەزاری هەورامی شیعری وتووە.
سەبارەت بەم کەساییەتەوە، بۆ یەکەم جار عەلائەدین سەججادی لە کتێبی (مێژووی ئەدەبی کوردی)دا ناوی لێ بردووە و لە ڕیزی شاعیرە نەناسراوەکاندا ناوی لێ دەبات. بۆ دووەم جاریش پیرەمێرد، لە ڕۆژنامەی ژیندا ناوی دەبات و هۆنراوەیێکی کە بە هەورامی وتراوە بە کوردیی ناوەندی وەڕی دەگێڕێت. دیوانی هۆنراوەکانی لە ساڵی 2009 لەلایەن حەکیم مەلا ساڵح لە چاپ درا. زۆربەی هۆنراوەکانی لە بابەتی خواناسی و دین و ئایینە.
نموونەی شیعرەکانی
سەبارەت بەم هۆنراوەیە: ڕۆژێک پڵنگێک چیادا برای یووسف بەگ دەیکوژێت، یووسف بەگ کە پیاوێکی بەجەرگ بووە دەچێت بۆ کێو و لەوێ پڵنگەکە دەکوژێت و ئەم شیعرە دەڵێت. لە ساڵی 1955دا، پیرەمێرد لە ژمارەی 1302ی ڕۆژنامەی ژیندا دوای گۆڕین بۆ سەر شێوەزاری #سلێمانی# بڵاوی دەکاتەوە.
کەفتەن ئارایش، کەفتەن ئارایش نازداری جافان، کەفتەن ئارایش
دمای ئارایش، کەردش فەرمایش تەڵمیت بەندانەن پەرێ (دزیایش)
وێش پێچان وە بەرگ سەفەرنماوە بە لارە و لەنجە دڵبەر ئاساوە
شەدە و سرکەیی کێشان وەدەورا رۆ شیرین تەربی نە هاڵەی هەورا
دەسماڵی کەتان عەنکەبووتیڕەنگ دەستکردی خاسەی کارخانەی فەرهەنگ
بە جامەی ڕەنگین شۆخی شیرین تەرز دڵش شێردڵان ماوەرەد ئەو لەرز
ئاهووی (شیروانە) چەم وە نیگاوە گاە گاە وە ڕووی ناز هۆرمگێلاوە
قەد و قامەتت هەمچو (قد قامت) کە خێزا خێزا شۆڕی قیامەت
بەو گریشمە و ناز خەرامانەوە کەفتەڕا نەڕای (دووئاوان)ەوە
پا نیا وە ڕیکاب سوار بی وەهۆش حۆریی سەماوات یاوزنگی گردت بۆش
وێش خۆرشیدێ بی بوڕاق شیرش بی بوڕاقی میعراج ئەو ئەسیرش بی
شیر و خۆرشیدی نیشانی ئێران جەو تەرز و تەرحە ئامان وە مەیدان
کەلی (شاکەل)ش پڕ کەردەن جە نوور سەرای گەرمەسێر بێ وادەیی توور
گۆڕستانی بەرمیل لە نێوان دوو گوندی دڕۆڵەی خوارن و دڕۆڵەی ژوورن سەربەشارستانی #جوانڕۆ#، نزیک بە دوو ڕووباری لێڵە و سیروان، کە گۆڕی یوسف بەگ لەوێ بوونی هەیە.