ناوەندی ڕاگەیاندن و چاپەمەنیی هێزەکانی پاراستنی گەل (#هەپەگە#) ڕاگەیاندراوێکی لەبارەی چالاکییەکانی هێزی گەریلا و بۆردومانەکانی دەوڵەتی تورکی داگیرکەرەوە بڵاوکردەوە.
لە ڕاگەیاندراوەکەی هەپەگەدا هاتووە:
لە چوارچێوەی هەڵمەتی شۆڕشگێڕیی شەهید باگەڕ و شەهید ڕۆنیادا هێزەکانمان 19ی نیسان لە کاتژمێر 15:15دا لە هەرێمی خواکورک لە هەرێمەکانی پاراستنی مەدیادا لە دژی سوپای کۆماری تورکیا داگیرکەر لە شاخی لێلیکان چالاکییەکیان ئەنجامدا. لە شوێنێکی نزیکەوە گورزی قورس لە سەنگەر و پەناگەکانی دوژمن درا. لە چالاکییەکەدا 6 سەربازی دوژمن کوژران و کامێرایەکی گەورەی چاودێری تێکشکێنرا. سوپای کۆماری تورکیای داگیرکەر دوای چالاکییەکە و لە شەودا بە کۆپتەری جۆری سکۆرسکی و کۆبرا سەربازە کوژراو و بریندارەکانی خۆیان لە هەرێمەکە دوورخستەوە. یەکەی ئەنجامدەری چالاکییەکە بە شێوەیەکی سەرکەوتوانە گەڕانەوە بارەگاکانی خۆیان.
فڕۆکە جەنگییەکانی سوپای کۆماری تورکیای داگیرکەر هێرشە ئاسمانییەکانیان لە دژی هەرێمەکانی پاراستنی مەدیا بەردەوامی پێدەدەن و لەو چوارچێوەیەدا:
رۆژی 17ی نیسان لە کاتژمێر 10:00 دا فڕۆکە جەنگییەکان دەورووبەری گوندی دێرک –یان لە گۆڕەپانی مەیرۆک لە هەرێمی گارە و ناوچەی مامڕەشۆیان لە هەرێمی ئاڤاشین بۆردومانکرد.
ئەمڕۆ 20ی نیسان لە کاتژمێر 04:30 بۆ 05:00 ی بەرەبەیاندا فڕۆکە جەنگییەکانی دەوڵەتی تورکی داگیرکەر گردی زارگەلی و دەورووبەری گوندی بێپالان لە هەرێمی #قەندیل# بۆردومانکرد.
لەو بۆردومانانەدا هیچ زیانێک بە هێزەکانمان نەگەیشتووە.[1]
#20-04-2020#