هاتنەوەی جەژنی سەری ساڵی ئێزیدی چوارشەممەی سور لە هەموو لایەک پیرۆز دەکەم، بە هیوام ئەم بۆنەیە کە لە ناوەڕاستی نیسانی بوکی بەهار و وەرزی نوێ بوونەوە و ئاوەدانیدایە، سەرەتای تێپەڕاندنی ئەو دۆخە نائاساییەی بڵاوبونەوەی نەخۆشی کۆرۆنا بێت کە خۆ پارێزی و دوورەپەرێزی کۆمەڵایەتی لەسەر هەموومان پێویست کردووە.
خوشک وبرایانی ئێزدی بەشێکن لە دیرۆک و دیوێکیتری شوناسی کوردستانی جۆراوجۆر و فرەچەشنن، ئەم پێکهاتەیە لە مێژووی خۆیاندا نەهامەتی و ماڵوێرانی زۆریان دیوە کە دواترینیان لەسەر دەستی #داعش#ی تیرۆریست بوو بەر لە شەش ساڵ، ئاساییکردنەوەی ژیان و گوزەرانیشیان ئەرکی سەرشانی هەموومانە و هەموو پاڵپشتییەکی لێ دەکەین و پێوەی پابەندین.
هەموو کاتێکتان جەژن بێت و جەژنەکانتان پڕ لە خۆشی و شادی بێت.
#قوباد تاڵەبانی#
جێگری سەرۆکی ئەنجومەنی وەزیران
#14-04-2020#