روونکردنەوەیەک لە گوتەبێژی حکومەتی هەرێمی کوردستانەوە
لە هەندێ کەناڵی میدیایی ناوخۆیی، بەمەبەستی بەلاڕێدا بردنی ڕای گشتی، هەواڵی بێ بنەما بڵاوکراوەتەوە کە گوایە حکومەت ئۆتۆمبێلی مۆدێل 2020 بۆ وەزیرانی کابینەی نۆیەمی کڕیوە.
ئەم بابەتە دوورە لە ڕاستییەوە و هیچ بنەمایەکی نییە. لەم کاتە هەستیارەدا، پاراستنی سەلامەتی و تەندروستی هاووڵاتیان و دابینکردنی خۆراک و مووچەی فەرمانبەران، لە کارە پێشینەکانی حکومەتە.
ئەندامانی کابینەی نۆیەمی حکومەتی هەرێمی کوردستان، بە هەستکردن بە بەرپرسیارێتیی ئەم دۆخە هەستیارە، هەر یەکەیان بە پێی پسپۆڕییەکەی، بەتەواوەتی خۆیان بۆ پاراستنی تەندروستیی گشتی هاووڵاتیان تەرخانکردووە.
داوا لە داواکاری گشتی دەکەین، ڕێکاری پێویست بەرامبەر ئەو کەس و لایەنانە بگرێتە بەر، کە دەبنە هۆی ناسەقامگیریی کۆمەڵایەتی و نانەوەی ئاژاوە بۆ مەرامێکی سیاسیی دیاریکراو و لەمەودوا ڕێگە بەم چەشنە چەواشەکارییانە نەدات.
د. جوتیار عادل
گوتەبێژی حکومەتی هەرێمی کوردستان
#09-04-2020#