لە يادی چل ساڵەی جينۆسايد و تاوانی ڕاگواستن و بێسەروشوێنکردنی کوردانی فەيليدا کە يەکێکی ديکە بوو لە زنجيرەی تاوانەکانی ڕژێمی بەعس بەرامبەر بە گەلی کورد، سەری ڕێز و نەوازش بۆ گيانی پاکی شەهيدانی کوردی فەيلی دادەنەوێنين و بە ڕێز و شکۆوە ياديان دەکەينەوە.
ڕاگواستن و دەرکردنی سەتان هەزار کوردی فەيلی و بێسەروشوێنکردنی دەيان هەزاری ديکەيان، دەستبەرسەرداگرتنی موڵک و ماڵ و لێسەندنەوەی ڕەگەزنامەيان تەنيا لەبەر ئەوەی کە کوردن و پشتگيرييان لە شۆڕش و مافەکانی گەلەکەيان کردووە، بە هەموو مانايەکی وشە جينۆسايدێک بوو بەرامبەر بە کوردانی فەيلی ئەنجام درا.
لەم يادەدا و به و پێيەی ئەم تاوانەی بەعس بەرامبەر کوردانی فەيلی لەلايەن دادگای باڵای تاوانەکانی عێراقەوە بە جينۆسايد ناسراوە، دووبارە داوا لە حکوومەتی عێراق دەکەينەوە قەرەبووی کوردانی فەيلی بکاتەوە و ئەرکی ياسايی و ئەخلاقيی خۆی بەجێ بگەیەنێت، هەروەها کێشەی گێڕانەوەی ڕەگەزنامە و ملک و ماڵەکانيان چارەسەر بکات.
دروود بۆ گيانی پاکی شەهيدانی کوردی فەيلی و تەواوی شەهيدانی کوردستان.
سڵاو و ڕێز بۆ خانەوادە سەربەرزەکانيان.
#نێچيرڤان بارزانی#
سەرۆکی هەرێمی کوردستان
#06-04-2020#