باکووری کوردستان
- بە پێی لێدوانی بەرپرسانی تورک لە شاری وانوان بە گشتی 380 کەس تووشی ڤایرۆسی کۆرۆناکۆرۆنا بوون و 8 کەس گیانیان لەدەستداوە و 44 کەسیش لە کەرەنتینەدان.[1]
- سیاسەتمەداری کورد مەحمود ئالیناک لە 17ی شوباتدا لە شاری قەرس بە بیانوی 'یەکپارچەیی دەوڵەت دەخاتە مەترسیەوە، سەربەخۆیی دەوڵەت لاواز دەکات' دەستگیرکرا و داواکرا سزای هەتا هەتایی بەسەردا بسەپێنرێت. لە دانیشتنی دادگادا کە لە 2مین دادگای سزا قوڕسەکانی قەرس بەڕێوەچوو، مەحمود ئالیناک ئازادکرا.[1]
رۆژهەڵاتی کوردستان
- هوشەنگ بازوەند، پارێزگاری کرماشانکرماشان ڕایگەیاند دۆخی تەندروستیی پارێزگای کرماشان باش نییە و شەپۆلی سێهەمی ڤایرۆسی کۆرۆنا بووەتە هۆی هەڵکشانی ئاماری تووشبووان لە پارێزگاکە.[2]
- دیوانی باڵای وڵات حوکمی 11 ساڵ زیندانیی تەعزیریی مامۆستایەکی کوردی خەڵکی شاری بۆکانبۆکان، بە ناوی سەید ئارام ئەمین زادەی پشتڕست کردەوە.[8]
- ژمارەیەک لە کۆڵبەرکۆڵبەرانی کورد لە نزیک دوو گوندی مادلوو و وەکیل سەر بە شاری چاڵدێران، کەوتنە بۆسەی هێزە نیزامییەکانی حکوومەت و سێ کۆڵبەر بەتوندی بریندار بوون. لە ئەنجامی تەقەی هێزە نیزامییەکانی حکوومەت، ڕەزا سەرشیری، مەناف حەسەنزادە لە لای ئەژنۆ و بێهزاد ڕەمەزانی لە لای ناوقەدیەوە پێکراون. ئەو سێ کۆڵبەرە کوردە، خەڵکی گوندی وەکیلن و بۆ چارەسەریی پزیشکی ڕەوانەی ناوەندی دەرمانی کراون.[8]
باشووری کوردستان
- تورکیا چەند گوندێکی ناوچەکانی دەڤەری بەرواری باڵابەرواری باڵای سەر بە شارۆچکەی کانی ماسێکانی ماسێ لە شارۆچکەی ئامێدیئامێدی بۆردوومان دەکەن و زیانی بە چەند خێزانێک گەیاندووە، بەڕێوەبەری شارۆچکەکەش دەڵێت، سێ شەوە لەسەریەک ناوچەکەیان بۆردوومان دەکرێت.[2]
- ئەمڕۆ 33 ساڵ تێپەڕدەبێت بەسەر ڕاپەڕینی خەڵکی ناوچەکانی هەڵەبجەهەڵەبجە، هەورامان، شارەزوورشارەزوور، دژ بەدامو دەزگاکانی ڕژێمی بەعس لەناوچەکەدا، بەو بۆنەیەوە لە گۆڕەپانی مۆنۆمێنتی هەڵەبجە یادەکە بەرز ڕاگیرا.[5]
- یەک تووشبووی نوێ بە نەخۆشی ڤایرۆسی کۆڕۆنای نوێ COVID-19 لە پارێزگای سلێمانی دەستنیشانکرا، پیاوێکی تەمەن 50 ساڵ بە هۆی دەرکەوتنی نیشانەکانی کۆڕۆنا پشکنینی تاقیگەیی بۆ یٔەنجامدراوە و پۆزەتیڤ دەرچوو، دانیشتووی ناو شاری سلێمانیە.[7]
- کاروان گەزنەیی، پەرلەمانتاری یەکێتی لە پەرلەمانی کوردستانپەرلەمانی کوردستان، ئەمڕۆ، لە لاپەڕەی خۆی لە فەیسبوک ڕایگەیاند: کۆمپانیایەک لە هەولێرهەولێر بەناوی (ئابور گروپ) نزیکەی (6) ملیار یۆرۆ دەنێرێتە دەرەوەی هەرێمی کوردستان بۆ ناوچەی کەناری وارف لە لەندەن بۆ بانکیHSBC کە یەکێکە لە گەورەترین بانکەکانی جیهان.[6]
- جەمیل بایکجەمیل بایک، هاوسەرۆکی کۆنسەی بەڕێوەبەریی کەجەکەکەجەکە، ڕایگەیاند: سیاسەت و گەمارۆی پارتی لەسەر کەمپی پەنابەرانی مەخموورمەخموور شەمەزارییەکی گەورەیەو دەشڵێت: ئەم سیاسەتە هیچکات خزمەت بە پارتی و بە کورد ناکات و لە خزمەتی دەوڵەتی تورکیادایە، پێویستە پارتی دەستوبرد کۆتایی بەو گەمارۆیە بێنێت.[6]
- لە گەڕەکی برایەتی خورماتووخورماتوو تەقە لە هاووڵاتییەکی کورد دەکرێت و بەهۆیەوە بەسەختی بریندار دەکرێت.[3]
- بەیانی ئەمڕۆ، دەستەی مامۆستایانی ناڕازیی لەبەردەم بەڕێوەبەرایەتی پەروەدەی شارۆچکەی چەمچەماڵچەمچەماڵی سەر بە پارێزگای سلێمانیسلێمانی گردبوونەوە. له گردبونەوەکەدا، مامۆستایان و فەرمانبەران ناڕەزایەتیان دەربڕی دژی دواکەوتنی مووچەکانیان و نەدانی لە کاتی خۆیدا بە ستەمێکی گەورە دژ بە خەڵکە وەسفکرد.[5]
- جووتیار عادل، وتەبێژی حکومەتی هەرێمی کوردستان لە کۆنفراسێکی ڕۆژنامەوانییدا ڕایگەیاند، حکومەتی هەرێم هەر داهاتێک بێتە دەستی، بۆ مووچەی فەرمانبەرانی خەرج دەکات. ڕاشیگەیاند، بە گوێرەی ئه و داهاتەی لە بەردەستمانە هەوڵ دەدەین پێش جەژن مووچەی هەموو وەزارەتەکان دابەش بکەین.[4]
- وەزیری کشتوکاڵ و سەرچاوەکانی ئاو دەڵێت، ئەمساڵ زیاتر لە یەک ملیۆن تۆن گەنم لە هەرێمی کوردستان بەرهەم دەهێنرێت، بەڵام بەغدا 360 هەزار تۆن وەردەگرێت و ئەوەش غەدرێکە ساڵانە دووبارە دەبێتەوە.[2]
- سەرۆکی لیژنەی ناوچە کوردستانییەکانی دەرەوەی ئیدارەی هەرێمی کوردستان لە پەرلەمان ڕایگەیاند، 11 پەرلەمانتار بە یاداشتێک داوای دانیشتنی پەرلەمانی کوردستان لەبارەی سووتاندنی دەخڵی جووتیاران دەکەن.[2]
رۆژئاوای کوردستان
- چەتەکانی سەر بە دەوڵەتی فاشیست و داگیرکەر تورک، زەویە کشتوکاڵیەکانی دانیشتوانی ناوچەکانی ڕۆژهەڵاتی شاری بابیان سووتاند. شەڕڤانشەڕڤانانی ئەنجومەنی سەربازی باب بە هاوکاری جوتیارانی ناوچەکە، بۆ ئەوەی ئاگرەکە زیاتر تەشەنە نەسەنێت، هەموو هەوڵێکیان خستەگەڕ و ئاگرەکەیان کۆنترۆل کرد. باران ئاریمە شەڕڤانی ئەنجومەنی سەربازی باب ڕایگەیاند، ئاگرەکە کە لە گوندی شێخ ناسر کە لە لایەن چەتەکانی قەلغانی فورتەوە داگیر کراوە، دەستی پێکردووە و هەموو زەوی و زاری کشتوکاڵی ناوچەکەی سووتاوە.[1]
- ئەمشەو لە ناوەندی شاری عەفرینعەفرین لەرۆژئاوای کوردستان تەقینەوەیەک ڕوویداوە و بریندار هەیە.[3]
دەرەوەی کوردستان
- سوپای نیشتمانی لیبیا ڕایگەیاند، لە دۆڵی ڕەتم لە ناوچەی شوێرف لە باشووری لیبیا، فڕۆکەیەکی دیکەی بێفڕۆکەوانی تورکیایان خستووەتە خوارەوە.[4]
- ڕوانگەی سوری بۆ مافی مرۆڤ ئاشکرایدەکات، دەوڵەتی تورک لەژێر ناوی کارکردندا 150 منداڵی ڕاهێنراوی سوریای ڕەوانەی لیبیا کردووە بۆ شەڕ و لەو چوارچێوەیەشدا 16یان کوژراون.[5]
- کیانوش جهانپور، وتەبێژی وەزارەتی تەندروستی ئێران، لە کۆنگرەیەکی ڕۆژنامەنووسیدا، ڕایگەیاند: بەپێی ئەنجامی پشکنینەکان لە 24 کاتژمێری ڕابردوو هەزار و 958 حاڵەتی تووشبوون بە ڤایرۆسی کۆرۆنا لە سەرتاسەری ئێران تۆمارکراوە و بەوپێیە ژمارەی گشتی تووشبووان گەیشتووەتە 112 هەزار و 725 کەس، هەر لەو ماوەیەدا، 50 تووشبووی کۆرۆنا گیانیان لەدەستداوە و ژمارەی گشتی گیانلەدەستدان بە کۆرۆنا لە ئێران گەیشتووەتە شەش هەزار و 783 کەس، تا ئیستاش 89 هەزار و 428 تووشبووی کۆرۆنا چاکبوونەتەوە.[5]