باکووری کوردستان
- ئەندامانی هەدەپەهەدەپە و دەبەپەدەبەپە سەردانی گۆڕستانە هەڵوەشێندراوەکانی ناوچەی گەڤەرگەڤەری وانوانیانیان کرد، سالیحا ئایدەنیز هاوسەرۆکی گشتی دەبەپە رایگەیاند: دەوڵەتی تورک لە ترسا هێرش دەکەنە سەر گۆڕستانەکان و ئەمەش زیهنیەتی داعشە.[2]
رۆژهەڵاتی کوردستان
- فەرزین رەزاعی سەرۆکی زانکۆی پزیشکی پارێزگای سنەسنە رایگەیاند: تا ئێستا 1823 کەس له و پارێزگایە تووشی ڤایرۆسی کۆرۆناکۆرۆنا بوون و 133 کەسیش بەهۆی کۆرۆناوە گیانیان لەدەستداوە و 994 تووشبووش چاکبوونەتەوە. ئاماژەی بەوەشکردووە کە لەشاری سەقزسەقز 35 کەس بەهۆی ڤایرۆسی کۆرۆناوە گیانیان لەدەستداوە و ئه و شارە لە پلەی یەکەم دێت و پاشانیش شاری سنە بە 28 کەس لە پلەی دووەمدا دێت.[1]
باشووری کوردستان
- شەوی رابردوو ژمارەیەک چەکداری چەتەی داعشداعش، چوونە سەر زەوییە کشتوکاڵییەکانی گوندی مێخاسمێخاس لە سنوری شارۆچکەی خانەقینخانەقین و دوو جوتیاری کوردیان رفاند، کە یەکێکیان ئەنجومەنی گوندەکەشە. سەرچاوەیەک لە نەخۆشخانەی گشتی خانەقین رایگەیاند، بەرەبەیانی ئەمڕۆ لە نزیک گوندی مێخاس تەرمی ئەو دوو جوتیارە دۆزراونەتەوە.[2]
- ئەمڕۆ فەرمانبەرانی زانکۆی راپەڕینزانکۆی راپەڕین لە بەرامبەر پێنەدان و دواکەوتنی موچەکەنایان لە بەردەم دەرگای سەرەکی زانکۆی ڕاپەڕین لە ڕانییە گردبوونەوە.[2]
- ئەمڕۆ لە بارەگای کۆمیتەی ڕێکخستنی مەخموری حزبی شیوعی کوردستان، هەریەک لە حزبی شیوعی کوردستان و یەکێتی نیشتیمانی کوردستان و یەکگرتوی ئیسلامی کوردستان و یەکێتی نەتەوەیی دیموکراتی کوردستان و بزووتنەوەی گۆران کۆبوونەوە، لە کۆبوونەوەکەدا بڕیاریاندا، کە چەند کارێکی هاوبەش بۆ چارەسەرکردنی کێشەکانی مەخموورمەخموور بکەن.[2]
- لە سلێمانیسلێمانی لە دیدارێکدا د.بەرهەم ساڵحبەرهەم ساڵح سەرۆک کۆماری عیراق و نێچیرڤان بارزانینێچیرڤان بارزانی سەرۆکی هەرێمی کوردستان، هەلومەرجی سیاسی و هەنگاوەکانی دوای پێکهێنانی حکومەتی عیراق و پێویستیی چارەسەرکردنی قەیرانەکانیان تاووتوێ کرد.[1]
- سەرلە ئێوارەی ئەمڕۆ ئاگر لە چیای قەرەچوغی شارۆچکەی مەخمور کەوتەوە و ئاگرەکەش تا بێت زیاد دەکات و باس لەوە دەکرێت کە لەلایەن چەکدارانی داعشەوە ئاگر لە پوش و پاوانی چیاکە بەردرابێت.[3]
رۆژئاوای کوردستان
- هاوسەرۆکایەتی ئەنجومەنی بەڕیوەبەرایەتی خۆسەری باکور و رۆژهەڵاتی سوریا بە بڕیاری ژمارە (42) قەدەغەی چوونەدەرەوە و هاتوچۆی تا دوای پشووەی جەژنی رەمەزان درێژ کردەوە.[4]
- جێگری هاوسەرۆکایەتیی ئەنجوومەنی جێبەجێکاری بەڕێوەبەرایەتیی خۆسەر لە باکوور و رۆژهەڵاتی سووریا رایگەیاند، حکومەتی سووریا ئامادەنییە لەگەڵ هیچ لایەنێک دیالۆگ بکات.[5]
دەرەوەی کوردستان
- رۆژنامەنووسانی ئێرانی و ماڵپەڕەکانی سەر بە ئۆپۆسزیۆنی ئەو وڵاتە بڵاویانکردەوە، کەشتییەکی جەنگی ئێران بەناوی جەماران بە هەڵە تۆپبارانی کەشتییەکی دیکەی سەربازیی خۆیانی بەناوی کەنارەک کردووە و کوژرانی نزیک بە 40 کەس و برینداربوونی دەیانی دیکەی لێکەوتووەتەوە.[3]
- بە پێی ئامارێکی ڕۆژنامەی Oûest-France کە لە دەرەوەی ئێرانە، ئەو ئامارانەی کە دەوڵەتی ئێران بڵاویدەکاتەوە بە تەنها ئاماری نەخۆشخانەکانە و ئاماری راستەقینەی کۆرۆنا لە ئێران 80% لە ئاماری فەرمی دەوڵەت زۆرترە. بە پێی ئامارەکانی ئۆپۆزسیۆنی ئێران تا 10ی ئایار لە 315 پارێزگای ئێران 40 هەزار و 200 کەس گیانیان لەدەستداوە. بەو پێیەش لە تاران 6 هەزار و 750 کەس، لە قوم 3 هەزار و 330 کەس، لە خوزستان 2 هەزار و 702 کەس، لە گوڵستان 1250 کەس، لە هەمەدان 1050 کەس، لە لۆڕستان (ڕۆژهەڵاتی کوردستان) 1045 کەس و لە پارێزگای کوردستانیش 650 کەس بەهۆی کۆرۆناوە گیانیان لەدەستداوە.[4]
- تەندروستی عیراق رایگەیاند 51 حاڵەتی نوێی کۆرۆنا تۆمارکراوە و 56 توشبووش چاکبونەتەوەو لە ئێستادا 918 توشبوو لە نەخۆشخانەکان ماون.[1]
- لەماوەی 24 کاتژمێری ڕابردوودا لە تورکیا 55 کەس بەهۆی کۆرۆناوە گیانیان لەدەستداوە، بەوەش کۆی گشتی ئەو کەسانەی بەهۆی کۆرۆناوە گیانیان لەدەستداوە گەیشتە 3 هەزار و 841 کەس.[2]
- رەجەب تەیب ئەردۆغانرەجەب تەیب ئەردۆغان، سەرۆککۆماری تورکیا، لە کۆنفراسێکی رۆژنامەوانییدا، قەدەغەی هاتووچۆی لە تەواوی پارێزگاکانی تورکیا لە 16 بۆ 19 ئەم مانگە راگەیاند.[6]

#هەدەپە | #دەبەپە | #گەڤەر | #وان | #سنە | #کۆرۆنا | #سەقز | #داعش | #مێخاس | #خانەقین | #زانکۆی راپەڕین | #مەخموور | #سلێمانی | #بەرهەم ساڵح | #نێچیرڤان بارزانی | #رەجەب تەیب ئەردۆغان |