یەکەم: راگرتنی هاتووچۆی ئۆتۆمبێل و پیادە بەشێوەیەکی تەواو لە گشت پارێزگاکانی (هەولێرهەولێر، سلێمانیسلێمانی، دهۆکدهۆک، هەڵەبجەهەڵەبجە و ئیدارەی سەربەخۆکانی راپەرێن و گەرمیانگەرمیان و گشت یەکە کارگێڕییەکانیان) بۆ ماوەی 48 کاتژمێر، هەر کەسێک سەرپێچی بکات پێویستە لەلایەن ئه و هێزە ئەمنیانەی راسپێردراو بەجێبەجێکردنی بڕیاری راگرتنی هاتووچۆ دەستگیربکرێن و ئۆتۆمبێلەکانیان دەستی بەسەردا بگیرێت و بەپێی یاسا رێکاریان بەرامبەر دەگیرێتە بەر.
دووەم: هەر ئەفسەر و کارمەندێکی سەر بەهێزەکانی ئاسایشی ناوخۆ و ئاسایش و وەزارەتی پێشمەرگەوەزارەتی پێشمەرگە و ئه و هێزانەی سەر بە هێزەکانی ئیتحادی عێراقین و لەناو هەرێم خزمەت دەکەن ئەگەر لەئەرکی فەرمیدا نەبن و ئۆتۆمبێلی سەربازی یان ناسنامەی سەربازی بەکاربێنن بۆ شکاندنی قەدەغەی هاتووچۆ پێویستە لەلایەن هێزە ئەمنییەکانەوە دەستگیربکرێن و ئۆتۆمبێلەکانیان دەستی بەسەردابگیرێت و بەپێی یاسا رێکاریان بەرابمەر دەگیرێتەبەر لە هەر پۆست و پایەکدا بن و پێویستە بیسەلمێنن کە لە ئەرکی فەرمیدان.
سێیەم: پزیشک و کارمەندان و ستافی کارگێڕی وەزارەتی تەندروستی ئەگەر لە ئەرکی فەرمیدا نەبن و ئۆتۆمبێل یان ناسنامەی وەزارەتی تەندروستی بەکاربێنن بۆ شکاندنی قەدەغەی هاتووچۆ پێویستە لەلایەن هێزە ئەمنییەکانەوە دەستگیربکرێن و ئۆتۆمبێلەکانیان دەستی بەسەرداگبیرێت و بەپێی یاسا رێکاریان بەرامبەر دەگیرێتەبەر و پێویستە بیسەلمێنن کە لە ئەرکی فەرمیدان.
چوارەم: پرۆسەی دابەشکردنی مووچە له و ماوەی سەرەوەدا بەردەوام دەبێت بە مەرجێک وەزارەت و فەرمانگە پەیوەندیدارەکان پێویستە پێشوەخت هەماهەنگی تەواو لەگەڵ ژووری ئۆپەراسیۆنەکانی پاریزگاکان و ئیدارە سەربەخۆکان بکەن بۆ رێکخستنی شێوازی دابەشکردنی مووچە و پێویستە لە بانکەکان مەودای نێوان دوو کەس لە 2 دوو مەتر کەمتر نەبێت و گشت ریکارەکانی خۆپاراستن بەپێی رێنماییەکانی وەزارەتی تەندروستی بگیرێنەبەر.
پێنجەم: هەڵوەشاندنەوەی گشت ئه و ریگە پێدانانەی کە پێش ئێستا دراون لە لایەن پارێزگا و ئیدارە سەربەخۆکان و یەکە کارگێڕییەکانیان و گشت دامودەزگاکانی حکوومەت بۆ هاتووچۆکردن به و ریگە پێدانانەشەوە کە لە (01:00) شه و تا (06:00)ی بەیانی دەدران بە هاووڵاتیان.
شەشەم: گشت مارکێتەکان و نانەواخانەکان و ئه و شوێنانەی بۆ خزمەتی هاووڵاتیان رێگە پێدراون دادەخرێن، جگە لە دەرمانخانەی ئێشکگر کراوە دەبێت.
حەفتەم: پێویستە لەسەر پارێزگار و سەرپەرشتیاری ئیدارە سەربەخۆکان لەماوەی ئه و 48 کاتژمێرەی کە لەسەرەوە دیاری کراوە دیراسەتی بابەتی چۆنییەتی پێشکەشکردنی هەندێک ئاسانکاری سنووردار بۆ بەردەوامبوونی پێشکەشکردنی خزمەت گوزارییەکان بە هاووڵاتیان بکەن و ئه و پێشنیارانە بەرزبکەنەوە بۆ وەزارەتی ناوخۆوەزارەتی ناوخۆ بەمەبەستی بڕیاردان.
هەشتەم: ئاڵوگۆڕکردنی بازرگانی لە دەروازە سنوورییەکان و نێوان پارێزگا و ئیدارە سەربەخۆکان بەردەوام دەبێت، بەپێی ئه و رێنماییانەی کە پێشتر بڕیاری لەسەر دراوە.
نۆیەم: ئەم بەیانە لە کاتژمێر 12ی نیوەڕۆی 04-04-202004-04-2020 جێبەجێدەکرێت.
04-04-202004-04-2020

#هەولێر | #سلێمانی | #دهۆک | #هەڵەبجە | #گەرمیان | #وەزارەتی پێشمەرگە | #وەزارەتی ناوخۆ | #04-04-2020 |