Kurdipedia.org
🏠 בית
کوردیی ناوەڕاستکوردیی ناوەڕاست
📧ליצור קשר עם
ℹ️אודות!
FacebookKurdipedia on Facebook
TwitterKurdipedia on Twitter
עוד
Kurdipedia
کوردیی ناوەڕاست
🏠|📧|אודות!|הספרייה|📅
🔀 פריט אקראי!
❓ עזרה
📏 תנאי השימוש
🔎 חיפוש מתקדם
➕ לשלוח
🔧 כלי עבודה
🏁 שפות
🔑 החשבון שלי
✚ פריט חדש
📕 יַהֲדוּת קוּרְדִיסְטַן
עמנואל הראובני
📕 יַהֲדוּת קוּרְדִיסְטַן
📷 חגיגות הסהרנה 2012
בתאריך 02-10-2012יום שלישי ט\'\'ז בתשרי תשע\'\'ג חוה\'\'מ סוכות נערכו חגיגות הסהרנה בגן סאקר בירושלים בהשתתפות רבבות מבני העדה.
טקס הכנסת ספר תורה : תפילת מנחה וערבית בנוסח ולחן של יהודי כורדיסתאן. כמסורת
📷 חגיגות הסהרנה 2012
🏰 מקומות
(Arbil) ליברא
🏰 מקומות
היאזיר-הימרוא
🏰 מקומות
הפרוא
🏰 מקומות
(Amadiya) הידמע
📝 پژاک: پێویستی ئەم قۆناغە بە یەکیەتی هاوبەشی هێزە کوردستانیەکان هەیە | קבוצה: מסמכי מפלגות כורדיות | שפת מאמרים: 🏳️ کوردیی ناوەڕاست
⠪ Share
Facebook
Twitter
LinkedIn
Whats App
Viber
SMS
Facebook Messenger
E-Mail
👍
⭐ פריט דירוג
⭐⭐⭐⭐⭐ מצוין
⭐⭐⭐⭐ טוב מאוד
⭐⭐⭐ הממוצע
⭐⭐ מסכן
⭐ רע
☰ עוד
⭐ הוסף לאוספים שלי
💬 כתוב את התגובה שלך על סעיף זה!

✍️ היסטורית פריטים
🏷️ Metadata
RSS

📷 חפש בגוגל לתמונות הקשורות לפריט שנבחר!
🔎 חפש בגוגל עבור פריט שנבחר!
✍️✍️ עדכון פריט זה!

پژاک: پێویستی ئەم قۆناغە بە یەکیەتی هاوبەشی هێزە کوردستانیەکان هەیە
پژاکپژاک لە راگەیەنراوەکەیدا باسی ئەوەی کرد، لەم چل ساڵەی دەسەڵاتداریەتی کۆماری ئیسلامی، لەژێر دروشمی “عەداڵەتی عەلی” نەتەنیا سەقامگیری لە ژیانی کۆمەڵگا پێکنەهاتووە، بە پێچەوانە کۆمەڵگای بەره و دوو جەمسەری بردووە. کۆماری ئیسلامی ئێران بە هەردوو باڵی خۆیەوە لە پێناو سانترالیزمی هزری و سیاسی، هەموو دەنگە بەرهەڵستکارەکانی سەرکووت کرد و رێگای لە گەشەی دیمۆکراتیک گرت کە بنەمای گەشەی ئابووریه.
دەقی ڕاگەیەنراوەکەی پەژاک بەم شێوەیەیە:
”ساڵی 1398ی هەتاوی بۆ ئێران ساڵێکی پڕ لە هەورازونەشێو بوو. کۆماری ئیسلامی ئێران کە چڵ ساڵ لە ماوەی دەسەڵاتداری تیپەڕ دەبێت، بەردەوام هەوڵ دەدات که دەیەی پێنجەمینی دەسەڵاتی وەکوو دەیەی سەقامگیر بوونی بنگەکانی ناوزەد بکات و وەها نیشان بدات کە توانیویەتی لە ژێر رێنوێنیەکانی جیهان بینی وەلایەتی فەقێ ئەزموونێکی سەرکەوتوانە لە رێوەبەری ئۆلیگاریشی دینی پیشانی جیهانی دەرەوە بدات. لەم چوار دەیەی دواییدا، هەموو کەمووکورتیەکانی لە دەرەوەی خۆی سەیرکردووە و بە کەڵک وەرگرتن لە تێۆری پیلان گێڕان، خۆی لەبن بەرپرسیاری ئەو کەموو کورتیانە کە لە بواری گەشەی سیاسی و پێشخستنی دیمۆکراسی هاتوونەتە پێشەوە دەربێنی، کۆماری ئیسلامی ئێران پێشتر لەسەر بنەمای ئۆمەتی ئیسلامی، زیاتر خاوەن روانگەی مەزهەبی بوو تا نەتەوەیی و بە واتایێکی دیکە ئیسلامی ئێرانی؛ بەڵام ئێستا زیاتر لەڕابردوو نزیک بە روانگەی ئێرانی ئیسلامیە کە لە سەردەمی ئەحمەدی نژاد بە ناوی “مەکتەبی ئێرانی” دەستیپێکرد و کەسانی وەکوو “ئێسفەندیار رەحیم مەشایی” سەرپەرشتی ئەو پرۆژەیەیان دەکرد. ئەم مەکتەبە کە ریشەکانی دەگەڕێتەوە بۆ “بزاڤی شعووبیه” و ئانتی سیمیتیسسم، لە هەوڵی سەرلەنوێ بونیادنانەوەی ئیمپراتۆریەتی سەفەوی و هەڵاتن لە کاریگەری گەمارۆکان بە کەڵک وەرگرتن لە جوگرافیای کەلتووری ئێرانی کۆن دایە، هەروەها لە هەوڵی پێکەوەنانی رێکخستنێکی پاراستنی_ جەماوەری لە ئاست ناوچەکه دایە لە پێناوە ئامادەکاری بۆ دژکردەوەی خێرا لە بەرامبەر تەکنۆلۆژیای بەهێز و پێشکەوتووی رۆژئاوا لە رەهەندی نیزامیدا.
کۆماری ئیسلامی ئێران کە بەردەوام هەوڵی داوە کۆمەڵگا بکات بە دووبەشی خۆمانی و بێگانه(خودی و غیرخودی)، ئەوانەی کە لە چوارچێوەی سیستەمدا دەسووڕێنەوە و لەناو بەسیج و سوپادا بەرێکخستن کراون، وەکوو خودی ناوزەدی کردوون و ئەو بەشەی کۆمەڵگا کە هەوڵی داوە لەدەرەوەی دەسەڵات و لە چوارچێوەی رێکخراوە مەدەنیەکان سەربەخۆیی خۆی بپارێزێت، وەکوو بێگانه ناویان لێدەبەن و پێناسەیان دەکەن و هاوکات هەوڵدەدرێ بە رەنگاریان ببنەوه. لە سەرەتاکانی ساڵی پار، لافاوێکی گەوره روویدا که زۆرێک لە پارێزگاکانی گرتەوه. له پارێزگای گوڵستان بگرە هەتاکوو لۆرستان و ئیلامئیلام و خوزستان و… کۆماری ئیسلامی ئێران بە هۆی ناکارامه بوونی شێوازی رێوە بەری، نەتەنیا نەیتوانی خزمەتگوزارییێکی باش پێشکەش بە گەل بکات، بەڵکوو زۆر ئاستەنگی و لەمپەری نایەوە لە بەردەرم هاوکاری و بە هاناوە چوونی گەل بۆ یەکتری. لە ماوەی ئەم چڵ ساڵەی دەسەڵاتداری خۆیدا، بەردەوام هەوڵیداوە دەرفەتە ئابووری و ئێکۆلۆژیکیەکان لە بەرژەوەندی سیستەم بەکاربێنێ. لە قۆناخی بونیادنانەوە بە هۆی گەمارۆ نێودەوڵەتییەکان لە دژی ئێران، دەسەڵات و دەوڵەتی هاشمی لەپێناو چارەسەرکردنی کەمووکورتیەکان و قەرەبووکردنەوە زیانەکان، دەستیدایە پەرەپێدانی بواری کشتوکاڵی و لە چوارچێوی غەزای ئاوەدانی و بونیادناوه ”جهاد سازندگی” بێ سەرووبەر سەرچاوە ئاویەکان بەکار هێندران. بەبێ لە بەرچاو گرتنی لێکەوتەکان، بەشێوازێکی بەربڵاو و بێ بەرنامە، سامانە سروشتیەکان بەکارهێندران. نموونەی ئەمەش؛ سڕینەوەی دارستانەکانی باکوور و درووست کردنی رێگاوبان و ویلاکان بوو. هەروەها ئەوبەنداوانەی کە لەسەر رووبارەکان بەستران، ئێکۆسیستەمی جۆگرافیای ئێرانی تووشی ئاڵۆزییێکی گەورە کردووە کە هەنووکە شاهیدی بەشێک لە ئەنجامەکانی هەین بۆ وێنە؛ وشک بوونی دەریاچەی ورمێورمێ و خۆڵ بارین لە پارێزگاکانی رۆژئاوای ئێران و هەروەها روودانی ئه و لافاوانە کە سەرەتای ساڵی پار رویان دا. دەبێ بزانین کە یەک لە هۆکارەکانی زیان لێکەوتوویی لە ڕادەبەدەری ئەو رووداوە سروشتیانە، دەگەڕێتەوە بۆ چۆنیەتی ئەندازیاری و نەگرتنەبەری رێوشوێنی پێویست لە درووست کردنی جادەوبان و بەنداوەکان. زۆرێک لەو بەنداوانە بوونە هۆکاری لادانی چەمەکان لە رێڕەوەی بنگەیی و ئاسایی خۆیان. کۆماری ئیسلامی ئێران بە ئاستێک لە رێکخستنی کۆمەڵگا دەترسێ کە لە سەردەمە هەستیارەکانیشدا کە پێویست بە هاوکاری بەشە جیاجیاکانی کۆمەڵگا هەیە، بەرگری لەوە دەکات و هەوڵیداوە بیانخاتە بن کۆنترۆڵی خۆیەوە بۆ ئەم یەکەش سوپا دەخاتە دەورەوە و تەنانەت بۆ پێشگێری لەو یەکە، حەشدی شەعبیحەشدی شەعبی کە رێکخراوێکی دەرەکی سەربەخۆیەتی هێنایە ناو وڵاتەوە.
لە سەرەتاکانی پاییزی ساڵی رابردوو، دوای هێرشی دەوڵەتی داگیرکەری تورکیە بۆ سەرێکانیسەرێکانی و رۆژهەڵاتی چەمی فۆرات، گەلی رۆژهەڵاتی کوردستان لە بەرامبەر ئەو هێرشکاریە ڕژانە سەر شەقام. هاوکات زۆرێک لە کەسایەتی رووناکبیر، نووسەر، هونەرمەند و چالاکانی مەدەنی دژی ئەم داگیرکەریەی دەوڵەتی تورکیە هەڵوێستیان نواند و پشتیوانی خۆیان لە رۆژئاوا نیشان دا. ئەم هەڵوێستە لە ڕاستیدا وەرچەرخانێکی مەزن بوو لە شێوازی بەرهەڵستکاری گەلی کورد و گەلانی ئێران. هەروەها، کاریگەری هەڵوێست و چالاکییەکانی ئەمریکا و هێزە هژمۆنیک خوازە جیهانیەکان لە میانەی رووداوەکانی سەرێکانی و گرێسپی بوو بە هۆکاری گۆڕانی روانگە و چاوەڕوانی گەل سەبارەت بە هاوکاری و پشتیوانی هێزە دەرەکییەکان سەبارەت بە گۆڕینی دەسەڵات لە ئێران. واتا جۆرەیەک لە نەمانی متمانه بەئەم هێزانە لە رای گشتی کۆمەڵگای ئێران هاتە ئاراوە و تا دەچێ بیرۆکە و ئیرادەیەکی تۆکمەتر بۆ تێکۆشان لە بەرامبەر رژێمی داگیرکەری کۆماری ئیسلامی ئێران پێکدێت کە پشت بەستن بە هێزی گەوهەری کۆمەڵگا و گەلان بە بنەما دەگرێت. ئێستاکە کۆمەڵگای ئێران بە هەموو چین و توێژەکانیەوە به و قەناعەتە گەیشتوون کە چاوەڕوانی لە هیزه دەرەکییەکان ئەنجامگیر نابێ و پێویستە کە هەموو پێکەوە بە کەڵک وەرگرتن لە ماتەوزە و هێزی گەوهەری خۆیان بەرنگاری رژێم ببنەوە و تێکۆشان سەربخەن.
دوای هەڵوەشاندنەوەی رێکەوتننامەی “بەرجام” ئابڵۆقە ئابوورییەکان لە سەر ئێران زۆرتر و چڕتر بوونە تەوە، چەندەش رژێم هەوڵی زۆری دا کە ئەم گەمارۆیانە نەدیتوو بگرێ، بەڵام رۆژ لەدوای رۆژ دەرکەوت کە تەنگیان پێهەڵچنیوە و کاریگەریەکان بەتایبەت لەسەر چینی ژێرەوە و هەژاری کۆمەڵگا زۆرترە. لەم چل ساڵەی دەسەڵاتداریەتی کۆماری ئیسلامی، لەژێر دروشمی “عەداڵەتی عەلی” نەتەنیا سەقامگیری لە ژیانی کۆمەڵگا پێکنەهاتووە، بە پێچەوانە کۆمەڵگای بەره و دوو جەمسەری بردووە. کۆماری ئیسلامی ئێران بە هەردوو باڵی خۆیەوە لە پێناو سانترالیزمی هزری و سیاسی، هەموو دەنگە بەرهەڵستکارەکانی سەرکووت کرد و رێگای لە گەشەی دیمۆکراتیک گرت کە بنەمای گەشەی ئابووریه.
ئەگەر پێشتر داخوازییەکان زیاتر رەنگ و بۆی سیاسیان هەبوو و هەوڵدانەکان بۆ ئازادی رادەڕبڕین و به واتایێکی دیکه هزریبوون، بەڵام ئەم یەک دوو ساڵەی دوایی بەلاواز بوونی دۆخی ئابووری، ناڕەزایەتیەکان رەهەندی زیاتری بەخۆەگرتووە و بەرفەراوانتر بوون و هەموو چین و توێژە کانی کۆمەڵگای لەخۆ گرتووە. چینی خوارەوەی کۆمەڵگا کە زۆرترین بەشی کۆمەڵگای ئێران پێک دێنێ، برسیە و شەڕی مان و نەمان دەکات، بۆیێ ئیدی لە هەردووباڵ تووڕەیە و هیوای بە هیچیان نەماوه و بەدروشمی” اصلاح طلب، اصول گرا دیگە تمومە ماجرا” هێڵی خۆیان دەسنیشان کرد، شۆڕشی ئەمڕۆکە شۆڕشی نانه. ئەگەر پێشتر کۆماری ئیسلامی بە هێندێ گۆڕانکاری سیاسی دەیتوانی کۆمەڵگا بەره و لای خۆی ڕاکێشێت، ئێستا ئیدی ئه و دەرفەتە وەکوو بەرێ نەماوە. له سەرهەڵدانی مانگی خەزەڵوەر کە بە بیانووی گرانبوونی بەنزین دەستیپێکرد، گەل ئیدی بێ ترس هاتە مەیدانەوە. ئەم سەرهەڵدانە خاوەن چەند تایبەتمەندی جیاواز بوو؛ یەکەم هەموو چین و توێژەکانی کۆمەڵگا لەوانە ژنان، جەوانان، خوێندکاران، کرێکاران و ماموستایان و هەروەها بێ جیاوازی ئەتنیکی هەموو گەلانی ئێران بەشداریان تێدا کرد، ئەم سەرهەڵدانە وەکوو پێشتر تەنیا لە ناوەند قەتیس نەما. دووهەم: گەل بوێرانە و بە شێوازێکی توند و تۆکمە هاتە مەیدانەوه و هەموو بەربەستەکانی پێش خۆی تێکدا. سێهەم: چاوەڕوانی هێزی دەرەوە نەبوو، هەروەها ئەم سەرهەڵدانانەی دوایی بە وێنەی سەرهەڵدانە سەردەمیانەکان، خاوەن رێبەرایەتیەکی سانترالیزم نەبوو و گەل بەڕێوەبەریێکی خۆڕسکانە رەوتی سەرهەڵدانەکانی موڵتڤە کرد.
چوارەم ئەوە بوو کە هەموو چین و توێژەکانی کۆمەڵگا تێکڕا تەواوەتی سیستەم و دەسەڵاتی کۆماری ئیسلامیان رەد کردەوه. سەرەهەڵدان و راپەڕینەکانی ئەم جارە ئەوەی خسته ڕوو کە تا دەچێ رەوتی دەربڕینی ناڕەزایەتیەکان خێرایی زیاتر بە خۆوە دەگرن و مەودای نێوانیان کورتتر دەبێتەوە.
ئەوه مژارێکی حاشاهەڵنەگرە کە سەرهەڵدانەکانی خەزەڵوەر، روانگەکانی هەم لە ناوخۆ و هەمیش دەرەوە گۆڕا، ئه و تابلۆ ئارامەی کە رژێم بەردەوام پیشانی دەرەوەی دەدا تێک دا. لە هەمان کاتدا وڵاتانی دژبەری ئێران بەتایبەت ئامریکا، گەیشتن به و ئەنجامەی کە ئابڵۆقە ئابووریەکان کاریگەری باشیان کردووە و بەشی ژێرەوەی کۆمەڵگای هێناوەتە بەرامبەری رژێم. ئەم یەکە جەسارەت و بوێری دا بە ئامریکا کە بە ڕاشکاوانەتر هەڵوێست نیشان بدات. نموونە ی ئەمەشمان لە ئۆپراسیۆن دژی ژنڕاڵ قاسم سولەیمانی و هاوڕێکانی بینی. ئه و ناکۆکی و ئاڵۆزییانەی کە دوای هاتنە سەرکاری رژێمی داگیرکەری ئێران و سەقامگیر بوونی لەئارادا بوو، بە کوشتنی قاسم سولەیمانی کەوتە نێو قۆناخێکی دیکەوە و شێوازی شەڕی ناڕاستەوخۆ تێپەڕی قۆناخی راستەوخۆ بوو. رژێمی ئێران و دەزگای ئیدئۆلوژی کە بە تووندی زەربەی خواردبوو، هە وڵیدا خۆی لەسەر پێ ڕاگرێت، بۆیێ پەنای بردە بەر بەڕێوەبردنی شانۆیەکی جەماوەری و تەرمی قاسم سولەیمانی و هاوڕێکانی شاربەشار گەڕاند و بەشداری کردنی گەلی وەک هێمای گرێدراوی گەل بە سیستەم پێناسە کرد. لە هەمان کاتدا سوپای پاسدارن کە باڵی لەشکەری رژێمە و ساڵەهایە هەموو دەرفەت و دەرەتانە ئابوورییەکانی بەره و لای خۆی راکێشاوه، هەستا بە تۆڵە کردنەوە. ئەوە بوو کە چەندین پایەگای ئامریکایی لە عێراق کردە ئارمانج و له و موشکانە کە ئاراستەی ئه و بنکانەی کرد دوانیان لە فڕۆکەی نەفەرهەڵگری ئۆکرانی کەوت و کارەساتێکی مرۆیی لێکەوتەوە. هەرچەند سەرەتا ویستی بیشارێتەوه، بەس هێدی هێدی ئاشکرا بوو و ئەمەش، ناکارامە بوونی هێزی بەرگری سوپای بۆ هەموان روون کردەوە، ئه و هێزەی کە ساڵەهایە لە ناوەوە سەرکووتی گەل دەکات و سامانی ئەم وڵاتە هەڵدەلووشێ. کۆمەڵگای ئێران و بەتایبەت خوێندکاران کە لە هەر هەلێک دەگەڕێن بۆ ئەوەی دژبەری خۆیان نیشان بدەن، ئەمجارەش رژانە سەر شەقام و وێنەکانی قاسم سولەیمانیان دڕاند و خستیانە بەر پێ، بەم جۆرە هەیمەنە و شکۆی ئیدئۆلۆژیکی رژێم بۆ جارێکی دیکە کەوتە بەر پرسیارەوە.
رژێم کە بە هەموو شێوازێک هەوڵیداوە خۆی بەهێز نیشان بدات و بەم بۆنەشەوە لە ساڵوەگەڕی شۆڕشی گەلان لەساڵی 57 رێ و ڕەسم و فستیواڵی جیاوازی بەڕێوە دەبرد، ئەمجارە رووبەرووی بایکۆتی چین و توێژە جیاوازەکان به تایبەت هونەرمەندان بوویەوە.
سەرهەڵدانی گەلانی ئێران دژی سیستەم بە بایکۆت کردنی هەڵبژاردنەکانی پارلەمان و مەجلیسی شارەزایانی رێبەری گەیشتە لووتکە، رژێم بۆخۆی رێژەی بەشداربوونی لە سەدا 42 راگەیاند، ئەمە کەمترین رێژەی بەشداربوونی گەلە لەمێژووی هەڵبژاردنه فۆرمالیتەکانی کۆماری ئیسلامی، بەڵام لە ڕاستیدا بە پێی سەرچاوە سەربەخۆ کان رێژەی بەشداربوون لەسەدا 30 زۆرتر نەبووە. رژێم کە هەمیشە دەسەڵاتداریەتی خۆی لە ئێران وەکوو مەدینەی فازلە نیشان داوە و هەوڵیداوە خۆی وەکوو نموونەیێکی سەرکەوتوو لە رێوەبەرییێکی ئیسلامی شێعە پێشکەش بکات، ئەمڕۆ لە زۆر رەهەندەوە گەیشتووەتە چەقبەستوویی. لە کەسایەتی کۆماری ئیسلامی و رێوەبەرانیدا، بیرۆکەی حکوومەتی وەلایەتی فەقێ تووشی نسکۆ و فەشل هێنان بووە. ئەم روانگە هزریه کە وەکوو هێزێکی بەرهەڵستکار و بەرخۆدانوان لە بەرخۆدانی کەربەلا ئیلهامی وەردەگرت، لەسەردەمی سەفەویە بووە هێز و له و دەرفەتە بۆ داڕشتنی هزر و سیستەمی رێوەبەری دینی کە دواتر وەکوو وەلایەتی فەقێ دەناسرا، کەڵکی وەرگرتووه. سەرەتا لە لایەن فەیلەسوفانی وەکوو میرداماد و عەلامە مەجلیسی و مەلا سەدرا بناغە فەلسەفیەکەی داڕێژراوە. لە سەردەمی قاجاڕەکاندا، دەرفەتێک هاتە ئاراوە کە بۆ یەکەم جار ئەم روانگە و تویژە یەکەمین ئەزموونی بەشداری سیاسی و بەڕێوەبردنی وڵات تەجروبە بکەن. لە ساڵی 57 دەستی بە سەردەستکەوتەکانی شۆڕشی گەلاندا گرت و دەسەڵاتی گرتە دەست. رژێمی داگیرکەری ئێران ئەمڕۆکە هەم لە ناوەوه و هەمیش لە دەرەوە لەگەڵ قەیرانی نەبوونی رەوایی رووبەروو بووەتەوە. چیدی ئه و ناوچە ئارامە نیە کە بانگەشەیان بۆ دەکرد. لە لوبنان و عێراق گەلی ئه و وڵاتانە دژی هەستانەوه و باڵوێزخانەکانیان ئاگر تێبەردا. هەروەها لە چاوپێکەوتنەکانی ئاستانە کە وەکوو بەشێک لە چارەسەری کێشەی سووریا سەیر دەکرا، بەلاوە نراوە و لە دواهەمین چاوپێکەوتنەکانی ئەردۆغان و پووتیندا، کورسیەکەی رووحانی بەتاڵ بوو. ئەمە بە واتای شکستی رژێم هەم لەناوەوە هەمیش لە دەرەوە دێت.
رژێمی داگیرکەری ئێران بێ لە بەرچاو گرتنی بەرژەوەندییەکانی گەلانی ئێران، بەردەوام لە روانگەیێکی تەسکی ئایدیۆلۆژیکیدا سەیری دەرەوە و ناوەوەی کردووە کە ئه و ئایدیۆلۆژیەیش تەنیا بەرژەوەندی تاقمێکی بچووکی بازنەی دەسەڵاتی پاراستووە. بەم جۆرە رێگای بۆ هەرچەشنە فرتوفێڵ، درۆ و ریا کردووەتەوە. سەرەڕای ئەم دۆخەش، چین و توێژە جیاوازەکانی کۆمەڵگا، لایەنە دیمۆکراسیخوازەکان، چالاکانی مەدەنی و ژینگەپارێز دەستیان لە تێکۆشان هەڵنەگرتووە و هەروەها بەردەوامن لە تێکۆشان و بەرخۆدان. ئەم رەوتەش بۆتە هۆی ئەوەی کە رژێم بە توندی هەڵوێست نیشان بدات و لەم پێناوەشدا لە ساڵی رابردوو بووین بە شاهیدی شاڵاوی گرتن و زیندانی کردنی چالاکانی مەدەنی و سیاسی بەتایبەت ژنان و خوێندکاران. هەروەها بەشێکی زۆر لە هونەرمەند، وەرزشکار و شارەزایان لە بوارە جیاوازەکاندا ناچاربوون وڵات بەجێ بهێڵن.
هەروەها خومەینی دەیگوت بۆ پاراستنی وەلایەتی فەقێ هەر کارێک رەوایە. ئێستایش تەنیا بۆ ئەوەی چەند شانۆی هەڵبژاردن و رێورەسمی پیرۆزبایی 22ی رێبەندان کە تەنیا دەکەوتە بەرژوەندی رژێم، سەبارەت بە پەرەسەندنی نەخۆشی کۆرۆنا (کۆڤید 19) بێدەنگی هەڵبژارد و هەر وەها لەپێناو بەرژوەندی گرووپێکی نزیک لە دەسەڵات که قازانجی ئابووریان هەبوو، رێگای هاتوچۆی لەگەڵ وڵاتی چین دانە خست. بە جۆرێ کە ئەمڕۆ ئەم نەخۆشیە ئێپیدمی بوەتەوه و هەموو ئێرانی گرتووەتەبەر. ئەمەش جۆرەیەک لە قوربانی کردنی گەلە لە پێناو دەوڵەت کە وەکوو وەدیعەیەکی خودایی سەیری دەکرێت. رژێم سەرەتا ئەم نەخۆشیەی بو بێدەنگ کردنی کۆمەڵگا بەکار هێنا، چوون بەراورد دەکرا کە دوای هەڵبژاردنە نمایشیەکە گەل زۆرتر بەرهەڵستکاری نیشان بدەات. کاربەدەستانی رژێم بە زانیاری هەڵە کۆمەڵگایان چەواشەکرد، بە جورێ کە ئەمڕۆ بێ تەدبیری رژێم و لە دەس چوونی باوەڕی نێوان رژێم و گەل، بێ هیوایی و سەرلێشێواوی کۆمەڵگای بە دوای خۆیدا هێناوه و رۆژ دوای رۆژ ئەم نەخۆشیە زیاتر تەشەنە دەسێنێت و قوربانیی لێدەکەوێتەوە. بێ بەرنامەگی رژێم لە کۆنترۆڵکردنی ئەم نەخۆشیە هەروەها گرفتە ئابووریەکان ژێرخانی تەندرووستی ئێرانی داڕماندووە. رژێم بە گوشارەکانی خۆی رێگای لە بەشداری و هاوکاری گەل گرتووە کە لە وەها رەوشێکدا گەورەترین هێزە بو تێپەڕکردنی قەیڕانەکان. لێرەدا پێویستە بوێری و ماندووبوونی چالاکانی گۆڕەپانی تەندروستی، بەتایبەت دوکتور و پەرەستارەکان، هەروەها لایەنگران و چالاکانی ژینگە پارێز لەبیر نەکەین. ئەگەر رەوشەکە هەروەها بەردەوام بکات قەیرانەکانی دوای کۆرۆنا هەم لەبواری کومەڵایەتی و هەمیش لە بواری ئابووری لە ئاستێکدا بەرز دەبنەوە کە دەبێ باس لە ئێرانێکی پاش کۆرۆنا بکەین.
پارتی ژیانی ئازادی کوردستان لە سەر بنەمای هێڵی سێهەم سیاسەتی یەکساڵەی خۆی داڕشتووە. لەپێناو دەستەبەر کردنی مافە دیمۆکراتیکەکانی گە لی کورد و پێشخستنی نەتەوەی دیمۆکراتیک لە ئێران سیاسەتی بەڕێوە بردووە. بێ ئەوەی بکەوێتە نێو بازنە و کایەی ئەوهێزانەی کە لەسەر ناوی پێشخستنی دیمۆکراسی هەوڵی دەستێوەردان لە هەرێمەکە دەدەن، بە پێشخستنی سیاسەتێکی سەربەخۆ و بنەما گرتنی بەرژوەندی و هێزی جەوهەری گەل، لەئه و دەرفەتانەی کە له و قەیران و ئاڵۆزییانە هاتوونەتە ئاراوە کەڵکی وەرگرتووە و بووە بە ئاکتەرێکی کارای گۆڕەپانی سیاسی هەرێمەکە. لەم قوناخەدا هێزە ئاکتیوەکانی کۆمەڵگا بەتایبەت ژنان و جەوانان و چالاکانی بواری ژینگە بە کارایی بەشداری چالاکیەکان بوون. تاکه هێز کۆمەڵگایە و ئازادی و دیمۆکراسی بە بەشداری کارای گەل پێشدەکەوێ، پژاک ئەم قۆناخە وەکوو قۆناخی تێپەڕبوون لە کۆماری ئیسلامی و بەشداری گەل لە داڕشتنی پرۆژەی بەڕێوەبردنی کۆمەڵگا و وڵات پێناسە دەکات و بۆ گەیشتن بەم ئارمانجە لە ئەورووپا زهنجیرە کۆنفرانسێکی بۆ راوێژی گەل بەڕێوە بردووە.
لەم چەند ساڵەی دوایی رۆژهەڵاتی ناوەڕاست لە گێژاوێکی مەزندا ‍‍دەژی، ئەم هەرێمە بووەتە گوڕەپانی ململانێی زلهێزانی هەرێمی و جیهانی و هەریەکە هەوڵدەد ا لەم گێژاوەدا لەئاراستەی بەرژەوەندیەکانی، خۆی هەڵکێشێ. لە رەوشێکی وەهادا، کە هەموو هێزەکان لاسەنگ بوون، دەرفەتی نوێ بۆ ئه و هێزانە دەڕەخسێ کە تاکوو ئێستا لە پەراوێزدا بوون. گەلی کورد یەک له و گەلانەیە کە دوای درووست بونی ناوەندگەرایی دەوڵەت نەتەوە لە بەرداشی ململانێکان دەهاڕدرێ. ئەمە لەکاتێکدایە کە لەم چەند ساڵەی دوایی، گەلی کورد دوای تێکوشانێکی بێ وێنە و بە پێشکەشکردنی شەهیدێکی زۆر، توانیویەتی خۆی لە قووڵایی مێژووە بکێشێتە سەرەوه و مۆرکی خۆی لە رەوتی رووداو و ئاڵوگۆڕییەکان بدات. ئه و بەرخۆدانەی کە له رۆژئاوای کوردستان نیشان دراوه، گەلی کوردی بە هەموو جیهان ناساند و ئەمڕۆ بەهۆی ئەوەی کە ئەکتەرێکی چالاکی گۆڕەپانەکەیه، هێزەکانی دیکەش ناتوانن لەبەرچاوی نەگرن و گەیشتوون به و قەناعەتەی کە کورد بەشێک لەچارەسەری قەیرانەکانە.
لەمێژووی تێکۆشانی گەلی کورددا ئه و خاڵەی کە بووەتە هۆکاری لە کیس چوونی دەرفەتە زێڕینەکان، نەبوونی یەکیەتی لە ناوبەری پارت و رێکخراوە کوردیەکانە. گەلی کورد ئەمڕۆ زیاتر لە هەرکاتێکی دیکە یەکگرتووە. مێژوو پێمان ئەڵێت کە گەلی کورد وەکوو گەڵ بەردەوام پشتیوانیان لە یەکدی کردووە و یەکیەتی خۆیان پاراستووە، چ لە کاتی کارەساتەکانی ئەنفال و هەڵەبجەهەڵەبجە و کۆڕەوەکان یان سەردەمی شۆڕشی روژئاوا و بەرخۆدانی کۆبانی و عەفرینعەفرین، هەروەها هاوخەمی و پشتیوانی هەرچوار پارچەی کوردستان و دەرەوەی وڵات لە لێقەوماوانی بوومەلەرزەی “سەرپێڵی زەهاو” هەمووی پیشاندەری یەکیەتی گەلی کوردە. بەڵام ئەوەی کە لەم نێوانەدا لە بەرامبەر درووست بونی یەکیەتی سیاسی و هەروەها پێشخستنی ستراتێژی هاوبەش ئاستەنگی درووست کردووە، پارت و رێکخراوە کوردیەکانن. پارتی ژیانی ئازادی کوردستان لە بن رێنماییەکانی کۆنگرەی پێنجەمی خۆی لە ساڵی رابردوودا بەشێکی زۆری لە کار و چالاکییەکانی هەم لە ئاستی چوارپارچەی کوردستان و هەمیش لە ئاستی رۆژهەڵاتی کوردستان بۆ پێشخستنی خەباتی نەتەوەیی تەرخان کردووە.
پژاک بەدەرس وەرگرتن و لە بەرچاوگرتنی ئەزموونی سەرەتاکانی شۆڕشی گەلان لە ئێران و هۆکارەکانی بەفیڕۆ چوونی ئه و هەلە کە دەیتوانی کرانەوەیێکی گەورە لە کێشەی کورد بێنێتە ئاراوه، بۆ دروست کردنی یەکیەتی نەتەوەیی هەنگاوی هەڵگرتووە و هەموو کاناڵە دیپلۆماتیکەکانی بەکار هێناوە. پارتەکانی رۆژهەڵاتی کوردستان بەردەوام دەستی رەدیان ناوه بە سینگی داخوازی و پرۆژەکانی پژاک، لە هەمان کاتدا خۆشیان بە هیچ شێوازێک پرۆژەیێکیان بو یەکیەتی نەتەوەیی پێشکەش نەکردووە. لەم ناوەیشدا بەردەوام هەوڵیان داوە لە بەر یەکیەتی نەتەوەیی تەگەرە بنێنەوە. ئەوان لەبن کاریگەری پلانی زلهێزانی جیهانی کە کوردستانیان لە لۆزان پارچە کرد، جێگایان گرتووە و باوەڕیان به و واقیعە هێناوە کە هەر بەشێک لە کوردستان هی وڵاتێکە، بۆیێ دژی هەر پلانێکی کوردستانین، ئەوان وەکوو مڵکێکی حزبی سەیری کوردستان دەکەن و لە رۆژهەڵاتیشدا هەرێمەکانیان لە نێوان خۆیان دابەش کردووه. بۆیە لە پژاک و چالاکیەکانی وەکوو دەستێوەردانێک لە مۆڵکەکەیان سەیر دەکەن. روانگەی تەسکی حزبی و سانترالیسم لە بواری رێوەبەریدا وای کردووە کە پرۆژەی خۆبەڕێوەبەری پژاک بۆ رۆژهەلاتی کوردستان کە ئارمانج بەرتەسک کردنەوەی دەسەڵاتی حزب و بەشدار کردنی گەلە لە رێوەبەریدا، هەر وەها بەشداری کردنی کارای ژنانە و دژایەتی کردنی لەگەڵ هزری پیاوسالاریە، وەکوو مەترسییێک بۆ سەر خۆیان سەیر دەکەن. لە ڕاستیدا دژایەتی ئەوان و پەراوێز خستنی پژاک لە لایەن ئه و پارتانەوە تەنیا وەکوو حزبێک نیە، دژبەری ئەوان روانگەیێکی پارادیگمایی هەیە، ترس له و گۆڕانکاریە هزریانەیە کە بە رێگای پژاک دەستیان پێکردووە. لەم بوارەدا پێویستە کە لەبیر نەکەین کە بەشێکی زۆری جەماوەری رۆژهەڵاتی کوردستان حزبی نین و لەدەرەوەی هزر وچوارچێوەی حزبەکاندا جێگا دەگرن، بەداخەوە ئه و حزبانە لە سۆنگەی شابلۆنی حزبیی باشووری کوردستانەوە خوێندنەوە بۆ رۆژهەڵاتی کوردستان دەکەن. هەربۆیە یەکیەتی و یەکریزی نەتەوەیی پێویستە کە بە بەشداری و هاوکاری هێزە سیاسیە ناحزبیەکان، رووناکبیران، بیرجیاوازان، هونەرمەندان و چالاکانی مەدەنی بەڕێوەبچێت و پێکبێت. ئەگەر وەها نەبێت، گەڕانەوە بۆ قۆناخی لۆزان و سایکس -پیکۆ راستی و رئاڵیتەیەکی حاشا هەڵنەگرە.
هەنووکە پێویست بە دروست کردنی هێزێکی پاراستنی هاوبەش، دیپلۆماسی و راگەیاندنێکی هاوبەش هەیە، چۆن قۆناخی تێپەڕبوون، لە رۆژهەڵات و ئێران بە شێوازێکی ئارام نابێت، بۆیە پێویست بە یەکیەتی هاوبەشی هێزە کوردستانیەکان هەیە، بەتایبەت لە بواری لەشکەری و هاوکات گەلیش دەبێ لە سەر بنەمای گەلی شۆڕشگێڕی بە رێکخستن بکرێت.[1]
01-04-202001-04-2020

⚠️ פריט זה נכתב בשפה (🏳️ کوردیی ناوەڕاست), לחץ על סמל כדי לפתוח את הפריט בשפת המקור!
⚠️ ئەم بابەتە بەزمانی (🏳️ کوردیی ناوەڕاست) نووسراوە، کلیک لە ئایکۆنی بکە بۆ کردنەوەی بابەتەکە بەو زمانەی کە پێی نووسراوە!
🗄 מקורות
[1] 📡 | 🏳️ کوردیی ناوەڕاست | ماڵپەری ئەی ئێن ئێف نیوز - 01-04-2020
🖇 פריטים המקושרים: 2
☂️ מפלגות וארגונים
1.👁️پارتی ژیانی ئازادی کوردستان - پژاک
📅 תאריכים ואירועים
1.👁️01-04-2020
📂[ עוד...]

⁉️ נכס פריטים
🏳️ שפת מאמרים: 🏳️ کوردیی ناوەڕاست
📅 Publication date: 01-04-2020
📄 Document style: 📠
📄 סוג המסמך: ⊶ שפת מקור

⁉️ Technical Metadata
✨ איכות פריט: 99% ✔️
99%
✖️
 30%-39%
רע👎
✖️
 40%-49%
רע
✖️
 50%-59%
מסכן
✔️
 60%-69%
הממוצע
✔️
 70%-79%
טוב מאוד
✔️
 80%-89%
טוב מאוד👍
✔️
 90%-99%
מצוין👏
99%
✔️
נוסף על ידי (بەناز جۆڵا) על Apr 1 2020 7:38PM
👌 מאמר זה נבדק ושוחרר על ידי (هاوڕێ باخەوان) ב- Apr 1 2020 8:55PM
✍️ פריט זה עודכן לאחרונה על ידי (هاوڕێ باخەوان) על: Apr 1 2020 8:55PM
☁️ קשר
🔗
🔗
👁 פריט זו נצפתה פעמים 461

📚 הספרייה
  🕮 יַהֲדוּת קוּרְדִיסְטַן
  🕮 סיפורה המופלא של הרבני...
  🕮 עוד...


📅 כרונולוגיה של אירועים
  🗓️ 27-11-2020
  🗓️ 26-11-2020
  🗓️ 25-11-2020
  🗓️ 24-11-2020
  🗓️ 23-11-2020
  🗓️ 22-11-2020
  🗓️ 21-11-2020


💳 לתרום
👫 חברי כורדיפדיה
💬 המשוב שלך
⭐ אוספי משתמש
📊 סטטיסטיקה מאמרים 378,981
תמונות 60,810
ספרים 11,366
קבצים הקשורים 46,560
📼 Video 180
🗄 מקורות 15,732
📌 Actual
(Arbil) ליברא
.תיקאריעה ןאתסידרוכב ריע
.ודהיתהו ורייגתה היכלמש ביידח תכלממ תריב התיהו הקיתע ריע איה ליברא
בר היהש לאירבג הנוי םכחה ליבראב יח טיה האמה תישארבו חיה האמה ףוסב
וירחא ריאשה.תסנכ-תיב 1793 תנשב הב הנב ונב םע דחיבו ירוביצ ןקסעו הליהקה
،תואופרו תולוגס،הטיחש יניינעב תוש :ללוכש סומלוק יצחב בותכ סרטנוק די-בתכב
תוערואמ،תוריטפו תודיל יכיראת،תורטש יחסונ،תומולח ןורתפ،תולזמו תולרוג
ידימ ריעה תא ונק ליברא ידוהי ותודע יפל.וימיב ועריאש םיירוטסיהו םייתחפשמ
הנושארה םעפב.תבשה םויב הב לטלטל ולכויו ריעב הקזח םה
(Arbil) ליברא
היאזיר-הימרוא
.תינאריאה ןא\'גיברזאב ריע
תורבק תיבו،ןורמוש ילוג יאצאצמ םה הידוהיש،הקיתע תידוהי הליהק התייה הימרואב
.הנש 500 ןב
ריעה הנושארה םלועה תמחלמב.תוערפו תופידרמ הלבס תידוהיה הליהקה טיה האמב
.תוירזכאב וחצרנ םיברו םידוהיב תוערפ וכרענ 1918 תנשבו םיסורה ידיל הלפנ
זאמש תדחוימ הנוכשב םתוא הנכיש תימוקמה הליהקהו דאדגבל וטלמנ םיבר םידוהי
.ןיר\'גהמ תלחמ - םירגהמה תנוכש םשב העדונ איה
.תועימק תביתכמ וסנרפתה םימכח ידימלתו רחסמב וקסע םבור הימרוא ידוהי
،אפורה השמ אוה לודגה השמ אלומ שע ארקנ םהבש לודגהו תסנכ-יתב 4
היאזיר-הימרוא
הפרוא
םהרבא לש ותדלומ ריע ,םידשכ-רוא איה תרוסמה יפלש תיכרותה ןאתסידרוכב ריע
םירבוס םימלסומה .ונימי לש דאדגבל םורדמ תאצמנ םידשכ-רוא םירקוחה יפל .וניבא
די-לע םידמועש שישה ידומע ינש תא םינכמו דורמינ לש ותכלממ ריע איה הפרוא יכ
.דורמינ אסכ רמולכ ,דורמינ שרע קיתעה רצבמה
תחא הכירב .וניבא םהרבא שע ,םיהרביא תאכריב :םימ תוכירב 2 םויכ ןנשי הפרואב
גד דצש ימש םינימאמ םהו םתוא גודלמ םיענמנ םימלסומהש ,םילודג םיגד תצרוש
אוהש ליל\'ח םיהרבא תיב אצמנ וז הכירבל תינופצ .ותנש תא איצוי אל וז הכירבב
הכירבה .וניבא םהרבא
הפרוא
(Amadiya) הידמע
לע הקלחב היונבו היכרות לובגל ךומס ,תיקאריעה ןאתסידרוכ ןופצב תנכוש הידמע
דרומב היונבה תיתחתה ריעהו אתליא אתואש הנוילעה ריעה איהו המוח תפקומו רה
הנוכמה ,ידוהי עבור היה הנותחתה ריעב םגו הנוילעה ריעב םג .אתיתכ אתואש רהה
.יהו\'ג תלחמ והוניכ םידרוכהש יפכ וא יאזוה תלחמ ,םידוהיה יפב
הידבוע איבנה תרובק ודילו רפוסה ארזע םש לע דחאה :תסנכ-יתב ינש ויה הידמעב
לע ארקנו ףסוי ןזח ידי-לע הנבנ ינשה תסנכה-תיב .לצומב רובק תרחא תרוסמ יפלש
1250 תנשב הארנה לככ הנבנ הז תסנכ-תיב .איבנה לאקזחי אוה - לאקזחי דייס םש
ת
(Amadiya) הידמע

Kurdipedia.org (2008 - 2020) version: 12.11
| 📩 contact@kurdipedia.org | ✔️CSS3 | ✔️HTML5
| זמן טעינת דף: 0,359 2!
☎ +9647701579153 +9647503268282
| ☎ +31654710293 +31619975574