راگەیەندراوێک لە#وەزارەتی پێشمەرگە#وە
ئێمە لەوەزارەتی پێشمەرگە دووپاتی دەکەینەوە، کە بەباشی لەدۆخ و گوزەرانی هێزەکانی پێشمەرگە تێدەگەین و بەسنگفراوانیەوە پێشوازی لەنیگەرانی و سەرنجەکانیان دەکەین لەسەر ماف و شایستە داراییەکانیان، بەڵام بەتوندی لەبەرامبەر هەر موزایەده و ناوزڕاندنێک دەوستینەوە کە لەرێگەی ئه و پرسەوە بەوەزارەتی پێشمەرگە و هێزەکانمان بکرێت، ڕوونە کە ڕێککارەکانی لیژنەی باڵای حکومەت بۆ ڕووبەڕووبونەوەی پەتای کۆڕۆنا و ڕێنمایەکانی وەزارەتی تەندروستی، بۆتە هۆکاری دابەش نەکردنی مووچەی وەزارەتی پێشمەرگە، حکومەتی هەرێمی کوردستان، لەرێگەی وەزارەتی پێشمەرگە و #وەزارەتی دارایی#ەوە لەهەوڵی دۆزینەوەی ڕێگا چارەیەکی گونجاون بە دۆزینەوەی میکانیزمێک بۆ دابەشکردنی مووچە لەزووترین کاتدا، بەجۆرێک زیان نەگەیەنێت بەپڕۆسەی کەرەنتینەی گشتیی وتەندروستی هەمووان.
لەسۆنگەی بەرپرسیاریێتی نیشتمانیی و ئەخلاقیمانەوە، پابەندی خۆمان به و ڕێککارو بڕیارانە دووپاتکردۆتەوە، هەر کەس و لایەنێکیش تەشهیر و ناوزڕاندن بکا و هانی پێشمەرگە بدات لەگرتنەبەری ڕێککاری پێچەوانەی یاساو پرەنسیپەکانی سەربازی، ڕووبەڕوی دادگا و یاسایان دەکەینەوە.
وەزارەتی پێشمەرگەی حکومەتی هەرێمی کوردستان
#15-03-2020#
Este artículo ha sido escrito en (کوردیی ناوەڕاست) Lenguaje, haga clic en el icono de
para abrir el artículo en el idioma original!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Este artículo ha sido visitado veces 2,365
Escriba su comentario sobre este artículo!