لە ڕاگەیاندراوەکەدا هاتووە، کەوتنەوەی ئاگر لە دوورگەی ئیمراڵی نیگەرانی کردوون و ڕاشیانگەیاندووە دەوڵەتی تورک بە پیڵانگێڕی و یارییەکانی دەناسرێت. دەزانرێت لەو ڕێگایانەوە ژمارەیەکی زۆر تاوانی دژ بە مرۆڤایەتیی ئەنجامداوە.
لە ڕاگەیاندراوەکەدا ئەوەش هاتووە، لێدوانی بەرپرسانی دەوڵەتی تورک لەبارەی کەوتنەوەی ئاگر لە دوورگەی ئیمراڵی جێگای گومان و نیگەرانییە و باسی ئەوەشیانکردووە ڕێبەر ئاپۆ ئەوەندەی بۆ گەلی کورد و هەموو مرۆڤایەتی مانای بوونە، ئەوەندەش بۆ کوردانی ئێزیدی لە ئەرمینیا مانای هەبوونە. بەو تێگەیشتن و بیرکردنەوە و بڕوایەوە هەستیارترین خاڵ بۆ ئێمە ئاسایش و تەندروستیی ئۆجالانە.
لەبارەی کەوتنەوەی ئاگر و ئاسایش و تەندروستیی ڕێبەر ئاپۆ هەر شتێکی نەخوازراو ڕوو بدات ئەوا سی پی تی و هێزە نێونەتەوەییەکانی بەشداربوو لەو پیلانگێڕییەدا بەرپرسن.
ئێمە بانگ لەو هێزانە، ڕێکخراوەکانی بواری مافەکانی مرۆڤ و ڕای گشتیی جیهان دەکەین بە بەرپرسیارێتیی خۆیان هەستن.
لە ڕاگەیاندراوەکەدا داوا کراوە، پارێزەرانی ئۆجالان بە خێرایی بچنە ئیمراڵی و چاوپێکەوتن ئەنجام بدەن و ڕاشیانگەیاندووە، تاوەکو ئەنجامدانی ئەو کارەش چالاکییەکان گوڕتر و گەورەتر دەکەن.[1]
#28-02-2020#