هەریەکە لە؛ پارتی دیموکراتی گەلان- #هەدەپە#، پارتی هەرێمە دیموکراتییەکان- #دەبەپە#، پارتی یەکێتی دیموکراتی- #پەیەدە# و تەڤگەری جڤاکی دیموکراتی- تەڤدەم، لەسەر ئاگرکەوتنەوەکەی دوورگەی ئیمرالی کە ڕێبەری گەلی کورد و سێ زیندانی دیکەی سیاسی تێدا زیندانین، ڕاگەیاندراویان بڵاوکردەوە.
لە ڕاگەیەندراوەکەی دەبەپە هاتووە: کاردانەوەی گەلەکەمان لەسەر دۆخەکە زیاتر دەبێت، بۆ ڕوونبوونەوەی دۆخەکە پێویستە خانەوادە و پارێزەران دەستوبرد بچنە دوورگەکە، تا دۆخەکە ببینن و ڕای گشتی لێ ئاگادار بکەنەوە، دەمانەوێت بەبیری کاربەدەستانی دەوڵەت بێنینەوە کە تەندروستی و ئاسایشی ڕێبەری گەلی کورد بەڕێز #عەبدوڵڵا ئۆجەلان# زۆر گرنگ و ژیانییە، پێویستە بۆ ڕوون کردنەوەی دۆخەکە بۆ ڕای گشتی ڕاگەیەندراو بدرێت، داوا لە هەموو کەسێک دەکەین کە بەرپرسیارانە بجوڵێنەوە.
عایشە ئاجار باشاران پەرلەمانتاری هەدەپە لە ڕاگەیەندراوێک لەو چوارچێوەیەدا ڕایگەیاند: پێویستە دەستوبرد گروپێک لە هەدەپە سەردانی ئیمرالی بکەن و لێکۆڵینەوە لە دۆخەکە بکەن.
هەروەها ئاماژەشی بە ڕاگەیندراوی وەزیری ناوخۆی دەوڵەتی تورک داوە کە وەک بابەتێکی ئاسایی باسی ئاگرکەتنەوەکەی ئیمرالیی کردووە و هاتووە: داوا دەکەین دەستوبرد حکومەت لەسەر بابەتەکە ڕاگەیندراوێکی جددی بڵاو بکاتەوە.
لە ڕاگەیەندراوەکەی پەیەدەش هاتووە: ئاگرکەوتنەوەکەی ئیمرالی بۆ ئێمە و گەلەکەمان جێی نیگەرانی گەورەیە، ئەمە ئاسایی نییە و گومانمان زیاد دەکات، پێویستە دەستوبرد پارێزەران سەردانی ئیمرالی بکەن و ڕاگەیەنداراو بڵاو بکەنەوە، تا نیگەرانیمان نەمینێت.
هەروەها هاتووە: داوا لە گەلەکەمان دەکەین تا ئەو کاتەی لە ئیمرالی لەگەڵ ڕێبەر عەبدوڵا ئۆجالان چاوپێکەوتن دەکرێت و ڕاگەیەندراو بڵاو دەکرێتەوە لە مەیدانەکان بن و چالاکی بەڕێوە ببەن.
هەروەها تەڤگەری جڤاکی دیموکراتی- تەڤدەم، لەسەر بابەتەکە ڕایگەیاند: پێویستە گەلەکەمان و ڕێکخستنە سیاسیی و کۆمەڵایەتییەکانمان لەسەر پێی بن و چالاکی بەڕێوە ببەن، چونکە خاوەنداریی لە ڕێبەر ئۆجالان بەرپرسیارێتییەکی مێژووییە، ڕۆژی خاوەنداری لە ڕێبەر و چالاکیی مێژووییە.[1]
#27-02-2020#