ئەمڕۆ چوارشەممە، 26/2/2020 بەڕێز نێچيرڤان بارزانی، سەرۆکی هەرێمی کوردستان لە پەيوەندييەکی تەلەفۆنيدا لەگەڵ بەڕێزان #بافڵ تاڵەبانی# و لاهوور شێخ جەنگی، بەبۆنەی هەڵبژاردنيانەوە بە هاوسەرۆکانی يەکێتيی نيشتمانيی کوردستان، پيرۆزبايی لێکردن و هيوای سەرکەوتنی بۆ خواستن.
لە پەيوەندييە تەلەفۆنييەکەدا سەرۆک نێچيرڤان بارزانی، وێڕای هيوای سەرکەوتن بۆ يەکێتيی نيشتمانيی کوردستان، باسی لە ڕۆڵی دياری يەکێتی لە قۆناغەکانی خەباتی گەلی کوردستاندا کرد و جەختی لە گرنگيی پێگە و هەوڵەکانی يەکێتی لەپێناو تەبايی و يەکڕيزيی پێکهاتە و لايەنە کوردستانييەکاندا کردەوە، هەروەها هيوای خواست هەڵبژاردن و دەستبەکاربوونيان، خزمەت بەو یەکڕیزییە و ئاواتەکانی خوالێخۆشبوو جەنابی سەرۆک #مام جەلال# بکات.
#26-02-2020#