باکووری کوردستان
- لە گەڕەکێکی ناوچەی ستەوری مێردینمێردین یەکەمین ئاگری نەورۆزی ئەمساڵ هەڵکرا.[1]
باشووری کوردستان
- دکتۆر سامان بەرزنجی، وەزیری تەندروستی حکومەتی هەرێمی کوردستان لەکۆنفرانسێکی رۆژنامەنووسیدا دواین زانیاری و ئاماری لەبارەی بڵاوبوونەوەی ڤایرۆسی کۆرۆنا لە هەرێمی کوردستان خەستە روو. وەزیری تەندروستی لە کۆنگرە رۆژنامەنووسیەکەدا وتی: لەکۆی 3 هەزار و 64 هاوڵاتی لە 29 شوێنی کەرەنتین کراو تەنها 953 هاوڵاتی لەکەرەنتین ماون، 2 هەزار و 111 هاوڵاتی گەڕاونەتەوە بۆ ناو خێزانەکانیان و 2 شوێنی کەرەنتینیش کەم کراوەتەوە، کە پێشتر 31 شوێنیان هەبووە، ئەوانەی لەکەرەنیتن گەڕانەوتەوە چەند جارێک تێستیان بۆ دەکرێت بۆ ئەوەی دڵنیا بن هەڵگری ڤایرۆسەکە نین پاشان رەوانەی ماڵەوە دەکرێنەوە.[1]
- لە کۆنفراسێکی رۆژنامەوانی، جووتیار عادل، گوتەبێژی حکومەتی هەرێمی کوردستان رایگەیاند، داوا لە کەناڵەکان دەکەین پابەند بن و خەڵک بۆ خۆپارێزیی هانبدەن و خەڵک نەترسێنن بە داتا و زانیاری نادروست. راشیگەیاند، دەبێت میدیاکان بە ئاراستەی خزمەتی خەڵک و ئاسایشی تەندروستی و نەتەوەیی کاربکەن. هەرووەها، حەمەی حەمە سەعید، وەزیری رۆشنبیری حکومەتی هەرێمی کوردستان رایگەیاند، لەگەڵ هەموو میدیاکان کۆبووینەوە و دەبێت هەموو پێکەوە بەرەنگاری ئەو ڤایرۆسە ببینەوە.[3]
- وەزارەتی تەندروستی رایگەیاند، دوو هەڵگری دیکەی ڤایرۆسی کۆڕۆنای نوێ COVID-19 لە شاری هەولێرهەولێر تۆمارکرا، پیاوێک (34) ساڵ و ئافرەتێک (38) ساڵ کە دەکاتە برا و براژنێکی قوتابیە توشبووەکەی گەڕاوە لە وڵاتی ئێران کە پێشووتر کەڕەنتین کرابوو.[3]
- بەرێوبەرایەتی گشتی تەندروستی سلێمانیسلێمانی بڵاویکردەوە، وڵاتی چین لە رێگای سەرکۆنسوڵگەری چینەوە 100 هەزار دەمامکی بەخشییە بەڕێوبەرایەتی گشتی تەندروستی سلێمانی.[3]
- بەسەرپەرشتی لاهور شێخ جەنگیلاهور شێخ جەنگی هاوسەرۆکی یەکێتیی نیشتیمانیی کوردستان وئامادەبونی شاڵاو عەلی عەسکەریشاڵاو عەلی عەسکەری لێپرسراوی مەکتەبی رێکخستن، یەکەمین کۆبونەوەی مەڵبەندەکانی رێکخستنی یەکێتیی نیشتمانیی کوردستانیەکێتیی نیشتمانیی کوردستان بەڕێوەچوو.[2]
- لە شارۆچکەی پێنجوێنپێنجوێن، چەند کەسێکی دەمامکدار هێرشیان کردووەتە سەر ماڵی عەدنان ڕەشیدی، ئەندامی بەڕیوبەری کۆمەڵەی مافی مرۆڤی کوردستان، ئەشکەنجەیان داوە، هاوسەر و منداڵەکەیان بە بارمتە گرتووە، وتوویانە ئەگەر کۆمپوتەر و هارد و موبایلەکانیان نەداتێ هاوسەر و منداڵەکەی دەکوژن.[4]
- لە گوندی چەقەی سەر بە شارۆچکەی ئامێدیئامێدی سنوری پارێزگای دهۆکدهۆک، فڕۆکەیەکی سیخوڕی دەوڵەتی تورک کەوتەخوارەوە و تێکشکا.[4]
دەرەوەی کوردستان
- وتەبێژی وەزارەتی تەندروستی ئێران، کیانوش جەهانپور، نوێترین ئاماری ڤایرۆسی کۆرۆنای راگەیاند. بەگوێرەی ئامارەکان، 63 کەسی دیکە لە ئێران بەهۆی ڤایرۆسی کۆرۆنا گیانیان لەدەستداوە و 958 حاڵەتی نوێش تۆمار کراوە. بەمەش ژمارەی تووشبوان بۆ 9 هەزار کەس بەرزبووەوە و ژمارەی ئەو کەسانەشی گیانیان لەدەستداوە گەیشتە 354 کەس.[3]

#مێردین | #هەولێر | #سلێمانی | #لاهور شێخ جەنگی | #شاڵاو عەلی عەسکەری | #یەکێتیی نیشتمانیی کوردستان | #پێنجوێن | #ئامێدی | #دهۆک |